25 oktyabr 1147-ci ildə Sultan I Məsudun komandanlığındakı Səlcuqlu ordusu alman kralı III Konradın komandanlığındakı Səlib ordusunu Əskişəhir yaxınlığındakı Dorileon müharibəsində məğlub edildi.
25 oktyabr 1825-ci il “Vals kralı”, tanınmış Avstriya bəstəkarı, dirijor və skripkaçı İohann Ştrausun (1825-1899) doğum günüdür. İ.Ştraus yaradıcılıq həyatı boyu 496 əsər, o cümlədən 168 vals yaradıb. O, dünya şöhrətli “Vyana meşələrinin nağılları” valsının, “Yarasa” və “Qaraçı baron” operettalarının müəllifidir.
25 oktyabr 1913-cü ildə Bakıda, Hacı Zeynalabdin Tağıyevin teatrında dahi Azərbaycan bəstəkarı Üzeyir Hacıbəylinin “Arşın mal alan” operettasının premyerası olub. 2013-cü ildə UNESCO çərçivəsində bu operettanın 100 illiyi qeyd edilib. Əsər dörd dəfə ekranlaşdırılıb. 1945-ci ildə baş rolda Rəşid Behbudovun iştirakı ilə çəkilmiş və dünyanın 130-dan çox ölkəsində nümayiş etdirilmiş ekran əsəri bu filmlər arasında ən populyarı sayılır.
25 oktyabr 1917-ci ildə Vladimir Leninin başçılığındakı bolşevik qüvvələr Rusiyada hakimiyyəti ələ keçirdi.
25 oktyabr 1921-ci ildə Azərbaycanın Xalq Artisti Nəcibə Məlikovanın (1921-1992) doğum günüdür. İstedadlı aktrisa “Ögey ana” (1959), “Aygün” (1961), “Əhməd haradadır?” (1964), “Arşın mal alan” (1966) və s. filmlərdə yaddaqalan obrazlar yaradıb.
25 oktyabr 1921-ci ildə SSRİ Sərhəd Qoşunlarının general-mayoru rütbəsinə qədər yüksələn ilk azərbaycanlının - Mustafa Nəsirovun (1921-2012) doğum günüdür. O, SSRİ Dövlət Təhlükəsizlik Komitəsinin Qırmızı bayraqlı Zaqafqaziya Sərhəd Dairəsi qoşunlarının rəis müavini (1972-1987), Respublika Müharibə, Əmək və Hərbi Qüvvələr Veteranları Şurasının birinci sədri, əmək və silahlı qüvvələr veteranı, MDB Parlamentlərarası Assambleyasının müdafiə və təhlükəsizlik məsələləri üzrə daimi komissiyasının sədri (1994-1995) olub.
25 oktyabr 1924-cü il tarixində Türk millətçiliğinin simvolu olan simalardan yazıçı, şair və siyasətçi Ziya Gökalp İstanbulda vəfat etdi.
25 oktyabr 1936-cı ildə Adolf Hitler və Benito Mussolini Mehvar dövlətləri birliyini qurduqlarını elan etdilər.
25 oktyabr 1947-ci ildə Sovet İttifaqı Türkiyəyə verdiyi diplomatik notalarla İstanbul və Çanaqqala boğazlarında hərbi baza ilə Qars və Ardahanın onlara verilməsini istədi. Türkiyə bu tələbləri qəbul etmədi. ABŞ və İngiltərənin də Türkiyəni dəstəkləməsi nəticəsində Sovet İttifaqı hakimiyyəti 1953-cü ildə Stalinin ölümündən sonra bu tələblərindən rəsmi olaraq vaz keçdiyini açıqladı.
25 oktyabr 1962-ci ildə Karib böhranı: ABŞ-ın BMT-dəki səfiri Adlay Stivenson BMT iclasında Kubada yerləşmiş Sovet raketlərinin kosmosdan çəkilmiş şəkillərini nümayiş etdirdi.
25 oktyabr 1971-ci ildə Çin Xalq Cümhuriyyəti Tayvanın BMT-dən çıxarılmasından sonra BMT-yə üzv oldu.
25 oktyabr 1984-cü ildə Hepatit virusu kəşf edildi.
25 oktyabr 2001-ci ildə Microsoft Windows XP əməliyyat sistemi satışa çıxarıldı.
25 oktyabr 2004-cü ildə Kuba dövlət başçısı Fidel Kastro ölkəsində ABŞ dolları ilə bazarlıq işlərinin qadağan olunduğunu açıqladı.
25 oktyabr 2006-cı ildə ABŞ-da ilk Azərbaycan məktəbi açıldı.
25 oktyabr 2007-ci ildə Airbus A380 ilk kommersiya uçuşunu həyata keçirdi.
2008-ci il. Böyük Azərbaycan opera və estrada müğənnisi Müslüm Maqomayev (1942-2008) vəfat edib. M.Maqomayev 1973-cü ildə 31 yaşında SSRİ Xalq Artisti adına layiq görülüb. 1960-cı və 1970-ci illərdə SSRİ-də M.Maqomayevin populyarlığının həddi-hüdudu yox idi. O, minlərlə tamaşaçı yeri olan, ağzınacan dolu stadionlarda konsertlər verir, Sovet İttifaqı boyu bitib-tükənməyən qastrol səfərlərinə çıxır, tez-tez televiziyaya dəvət edilirdi. Onun mahnıları yazılmış qrammofon valları çox böyük tirajlarla çıxırdı. M.Maqomayev hələ də postsovet məkanında bir çox nəsillərin nümayəndələrinin pərəstiş etdiyi böyük müğənni hesab olunmaqdadır. M.Maqomayevin konsert repertuarında 600-dən çox əsər, o cümlədən ariyalar, romanslar, mahnılar var. Böyük sənətkar 20-dən çox mahnının, tamaşa, müzikl və kinofilmlərə musiqinin müəllifidir.
25 oktyabr 2009-cu ildə İraqın paytaxtı Bağdadda Ədliyyə Nazirliyi və Vilayət binasına minalanmış maşınlarla hücum edildi; 90 nəfər həyatını itirdi, 600 nəfər yaralandı.
