1526-cı il 27 noyabr tarixində Osmanlı sultanı Sultan Süleyman Qanuni Avstriya səfərinə başlayıb.
1895-ci il 27 noyabr tarixində Alfred Nobel (1833-1896) varidatını Nobel Fonduna bağışladığı barədə vəsiyyətnamə imzalayıb. Nobel son vəsiyyətində varidatının təxminən 94 faizini “il ərzində bəşəriyyətə böyük töhfələr vermiş şəxslər” üçün beş mükafatın (fizika, kimya, tibb (fiziologiya), ədəbiyyat və sülh) təsisinə ayırıb. 1875-cu ildə Bakıda öz şirkətlərini yaradan Nobel qardaşları qısa müddətdə Abşeronun bir sıra neft mədənlərinin sahibi olub, böyük kapitala yiyələniblər. Hazırda həmin pullar "Nobel mükafatı" formasında hər il müxtəlif sahədə mühüm kəşf və ixtiraları olan alimlərə təqdim olunur.
27 noyabr 1895-ci ildə “ Üç muşketyor” və “Qraf Monte Kristo” başda olmaqla klassik əsərlər qələmə alan fransız yazıçı Aleksandr Duma 71 yaşında dünyasını dəyişdi.
27 noyabr 1909-cu ildə ABŞ-lı ixtiraçı Tomas Edison ilk səsli film nümayiş etdirdi.
1920-ci il 27 noyabr tarixində RSFSR XKS “Türküstan və Azərbaycan SSR-də pambıqçılığı bərpa etmək barədə” dekret verib.
1940-cı il 27 noyabr tarixində məşhur döyüş ustası və aktyor Brüs Linin doğum günü (1940-1973). Sağ ayağı anadangəlmə qısa olan Brüs Li küçə davalarından birində döyüləndən sonra Kunq-fu döyüş sənəti ilə maraqlanmağa başlayır. O, təlimlərdə Ving Çun döyüş sisteminə mükəmməl şəkildə yiyələnir. ABŞ-a köçdükdən sonra 1967-ci ildə özünümüdafiə texnikalarına əsaslanan Cit Kun Do adlı döyüş sistemi yaradır. Məşhur idmançı və aktyorun ölümü bir çoxları üçün hələ də müəmma olaraq qalır. Belə ki, Brüs Li baş rolda çəkildiyi "Ölüm oyunu" adlı film üzərində işləyərkən başağrısı səbəbindən aspirin qarışığı olan preparat qəbul edir. Dincəlmək üçün yatağa uzanır və bir daha ayılmır.
27 noyabr 1942-ci ildə alman orduları Fransız Donanmasının olduğu Toulon şəhərini ələ keçirdi. Almanların əlinə keçməməsi üçün fransız dənizçilər 73 gəmidən ibarət donanmanı batıraraq məhv etdilər.
27 noyabr 1950-ci ildə Koreyada 4 gün davam edən Kunuri müharibəsi başlandı. 5 min nəfərlik Türk hərbi hissəsi Çin və Şimali Koreya qüvvələri tərəfindən mühasirəyə alınan ABŞ 8-ci Ordusunun tamamilə məhv edilməsinin qarşısını aldı və Kunuri müharibəsində qələbə qazandı.
27 noyabr 1967-ci ildə Fransa İngiltərənin Ortaq bazar üzvlüyünə veto qoydu.
27 noyabr 1974-cü ildə Pakistan zəlzələ ilə sarsıldı; 4 min 200 nəfər həyatını itirdi.
1989-cu il 27 noyabr tarixində Kolumbiyada terror aktı nəticəsində “Avianca” şirkətinə məxsus “Boeing 727-21” təyyarəsi partladılıb, nəticədə 110 nəfər ölüb. Təyyarə narkobaron Pablo Eskobaranın tapşırığı ilə partladılıb. Bundan altı il sonra həmin şirkətə məxsus “Boeing 747-283BM” təyyarəsi də eyni gündə qəzaya uğrayıb. Qəza nəticəsində təyyarənin göyərtəsindəki 192 nəfərdən 181-i həyatını itirib. Bu dəfə qəzaya uçuş heyətinin səhvi səbəb olub. Belə ki, bu səhv nəticəsində təyyarə dağa dəyərək parçalanıb.
27 noyabr 2002-ci ildə BMT-nin silahlara nəzarət üzrə müfəttişləri 4 ildən sonra İraqda yenidən vəzifəyə başladı.
2006-cı il 27 noyabr tarixində MDB məkanında ilk dəfə olaraq Bakıda hüquqşünas qadınların beynəlxalq konfransı keçirilib.
