Azərbaycan Milli İncəsənət Muzeyində Əməkdar rəssam, professor Tahir Məmmədovun yaradıcılığından bəhs edən kitabın təqdimatı olub.
Təqdimat mərasimində çıxış edən Milli Məclisin Mədəniyyət komitəsinin sədri, Xalq artisti Polad Bülbüloğlu kitabın milli mədəniyyət tarixi üçün əhəmiyyətini qeyd edib. “Belə bir kitabın ərsəyə gəlməsi, məncə, çox mühüm hadisədir. Burada mədəniyyətimizin görkəmli xadimləri təsvir edilib, həm bədii əsərlər, həm də fotoşəkillər təqdim olunub”, - deyə Polad Bülbüloğlu bildirib.
Nəşrdə rəssamın yaradıcılıq yolunun geniş təhlili ilə yanaşı, onun şəxsi kolleksiyalarda saxlanılan və müxtəlif muzeylərdə sərgilənən əsərlərinin reproduksiyaları da yer alıb.
“Yaradıcılığım zamanı çoxlu materiallar toplanıb, çoxsaylı layihələr həyata keçirilib. Xaricdə 25-ə yaxın fərdi sərgilərim açılıb, sərgilərin ümumi sayı isə 200-ə yaxındır”, - deyə rəssam AZƏRTAC-ın müxbirinə müsahibəsində bildirib. O, layihəsinə dəstək verdiyinə və nəşrinə köməyə görə Mədəniyyət Nazirliyinə təşəkkürünü bildirib.
Tədbirdə çıxış edən Azərbaycan Milli İncəsənət Muzeyinin direktoru Şirin Məlikova, Bakı Kitab Mərkəzinin direktoru Günel Rzayeva, Azərbaycanın Xalq yazıçısı Çingiz Abdullayev, Əməkdar incəsənət xadimi Ziyadxan Əliyev, Azərbaycan Rəssamlar İttifaqının sədr müavini, Xalq rəssamı Səlhab Məmmədov və ictimai xadim Rafael Gülməmmədli kitab haqqında fikirlərini bölüşüblər. Onlar Əməkdar rəssamın sənətə verdiyi töhfələri qeyd edib, ona yaradıcılıq uğurları arzulayıblar.
Təqdimat iştirakçıları muzeydə Tahir Məmmədovun əsərlərindən ibarət açılan sərgi ilə tanış olublar.
AZƏRTAC
Təqdimat mərasimində çıxış edən Milli Məclisin Mədəniyyət komitəsinin sədri, Xalq artisti Polad Bülbüloğlu kitabın milli mədəniyyət tarixi üçün əhəmiyyətini qeyd edib. “Belə bir kitabın ərsəyə gəlməsi, məncə, çox mühüm hadisədir. Burada mədəniyyətimizin görkəmli xadimləri təsvir edilib, həm bədii əsərlər, həm də fotoşəkillər təqdim olunub”, - deyə Polad Bülbüloğlu bildirib.
Nəşrdə rəssamın yaradıcılıq yolunun geniş təhlili ilə yanaşı, onun şəxsi kolleksiyalarda saxlanılan və müxtəlif muzeylərdə sərgilənən əsərlərinin reproduksiyaları da yer alıb.
“Yaradıcılığım zamanı çoxlu materiallar toplanıb, çoxsaylı layihələr həyata keçirilib. Xaricdə 25-ə yaxın fərdi sərgilərim açılıb, sərgilərin ümumi sayı isə 200-ə yaxındır”, - deyə rəssam AZƏRTAC-ın müxbirinə müsahibəsində bildirib. O, layihəsinə dəstək verdiyinə və nəşrinə köməyə görə Mədəniyyət Nazirliyinə təşəkkürünü bildirib.
Tədbirdə çıxış edən Azərbaycan Milli İncəsənət Muzeyinin direktoru Şirin Məlikova, Bakı Kitab Mərkəzinin direktoru Günel Rzayeva, Azərbaycanın Xalq yazıçısı Çingiz Abdullayev, Əməkdar incəsənət xadimi Ziyadxan Əliyev, Azərbaycan Rəssamlar İttifaqının sədr müavini, Xalq rəssamı Səlhab Məmmədov və ictimai xadim Rafael Gülməmmədli kitab haqqında fikirlərini bölüşüblər. Onlar Əməkdar rəssamın sənətə verdiyi töhfələri qeyd edib, ona yaradıcılıq uğurları arzulayıblar.
Təqdimat iştirakçıları muzeydə Tahir Məmmədovun əsərlərindən ibarət açılan sərgi ilə tanış olublar.
AZƏRTAC
