Əli Verdiyev 30 yanvar 1936-cı ildə Lənkəranda anadan olmuşdur. Sənət təhsilini əvvəlcə Bakıda Ə.Əzimzadə adına Rəssamlıq Məktəbində almış, daha sonra Rusiya Federasiyasının Sankt Peterburq şəhərində V.Muxina adına Ali Rəssamlıq Məktəbində və İ.Repin adına Dövlət Rəssamlıq Akademiyasında davam etdirmişdir.
Rəssam ilk dəfə 1957-ci ildə Moskvada beynəlxalq sərgidə iştirak etmiş, sonralar müxtəlif miqyaslı sərgilərə qatılmışdır. O, çoxsaylı portretlər, mənzərələr, natürmortlar və digər janrlarda əsərlərin, bir-birindən maraqlı çoxfiqurlu tabloların müəllifidir. Bunlardan “Babəkin savaşı”, “Hüseyn Cavid”, “Qızıl toy” kimi əsərləri qeyd etmək olar. Çoxfiqurlu tablolarında rəssam yaradıcı təxəyyülünün genişliyini əyani şəkildə göstərə bilir.
1990-cı illərin ortalarında Əli Verdiyevin yaradıcılığında bədii-estetik axtarışlarla fərqlənən yeni mərhələ başlayır. Rəssam həmin dövrdə ailəsi ilə birlikdə Türkiyənin Kayseri şəhərinə köçür və Erciyes Universitetinin Rəssamlıq kafedrasında professor kimi fəaliyyət göstərir. Rəssamın Türkiyədə yaşayıb-çalışdığı təxminən on il ərzində çəkdiyi əsərlərdən ibarət bir neçə kataloqu çap olunmuş, əsərləri auksionlarda yüksək qiymətə satılmış, müxtəlif muzey və şəxsi kolleksiyalarda saxlanmaqdadır. Türkiyənin tarixindən bəhs edən əsərləri, Atatürk və silahdaşlarının təsvir olunduğu tabloları sənətsevərlər tərəfindən yüksək qiymətləndirilmişdir.
Əli Verdiyev müxtəlif dövrlərdə çəkdiyi portretlərdə özünəməxsus yaradıcılıq tərzini nümayiş etdirmişdir. “Adilə”, “Fatma” və qızı Zemfiranın fərqli yaşlarda fırçaya aldığı portretləri bu qəbildəndir.
Rəssamın kətan üzərində çəkdiyi “Heydər Əliyevin portreti” onun yaradıcılığında xüsusi yer tutur. Sənətkar ulu öndərin portretini Qafqaz dağlarının fonunda əks etdirməklə zəngin, eyni zamanda sadə kompozisiya yaratmışdır. Professor Əli Verdiyevin bu əsəri 2014-cü ildə Azərbaycan Dövlət Rəssamlıq Akademiyasında təşkil olunan “Azərbaycan və azərbaycanlılar” adlı sərgidə nümayiş olunaraq maraqla qarşılanmışdır.
Sənətkarın məişət mövzusunda kompozisiyaları da özünəməxsusluğu ilə seçilir. Onun “Tikiş tikən qadın”, “Bulaq suyu”, “İstirahət”, “Mətbəx”, “Eyvan”, eləcə də Türkiyədə çəkdiyi “Fayton dayanacağı”, “İstanbul” kimi rəngkarlıq və qrafika əsərləri bu qəbildəndir.
Əməkdar rəssam Əli Verdiyev 50 ildən artıq dövrü əhatə edən yaradıcılığı ilə təsviri sənət tariximizə dəyərli töhfələr vermişdir. Sənətkarın xatirəsi onu tanıyanların, həmkarlarının, sənətsevərlərin xatirəsinə daima yaşayacaqdır.
Rəssam ilk dəfə 1957-ci ildə Moskvada beynəlxalq sərgidə iştirak etmiş, sonralar müxtəlif miqyaslı sərgilərə qatılmışdır. O, çoxsaylı portretlər, mənzərələr, natürmortlar və digər janrlarda əsərlərin, bir-birindən maraqlı çoxfiqurlu tabloların müəllifidir. Bunlardan “Babəkin savaşı”, “Hüseyn Cavid”, “Qızıl toy” kimi əsərləri qeyd etmək olar. Çoxfiqurlu tablolarında rəssam yaradıcı təxəyyülünün genişliyini əyani şəkildə göstərə bilir.
1990-cı illərin ortalarında Əli Verdiyevin yaradıcılığında bədii-estetik axtarışlarla fərqlənən yeni mərhələ başlayır. Rəssam həmin dövrdə ailəsi ilə birlikdə Türkiyənin Kayseri şəhərinə köçür və Erciyes Universitetinin Rəssamlıq kafedrasında professor kimi fəaliyyət göstərir. Rəssamın Türkiyədə yaşayıb-çalışdığı təxminən on il ərzində çəkdiyi əsərlərdən ibarət bir neçə kataloqu çap olunmuş, əsərləri auksionlarda yüksək qiymətə satılmış, müxtəlif muzey və şəxsi kolleksiyalarda saxlanmaqdadır. Türkiyənin tarixindən bəhs edən əsərləri, Atatürk və silahdaşlarının təsvir olunduğu tabloları sənətsevərlər tərəfindən yüksək qiymətləndirilmişdir.
Əli Verdiyev müxtəlif dövrlərdə çəkdiyi portretlərdə özünəməxsus yaradıcılıq tərzini nümayiş etdirmişdir. “Adilə”, “Fatma” və qızı Zemfiranın fərqli yaşlarda fırçaya aldığı portretləri bu qəbildəndir.
Rəssamın kətan üzərində çəkdiyi “Heydər Əliyevin portreti” onun yaradıcılığında xüsusi yer tutur. Sənətkar ulu öndərin portretini Qafqaz dağlarının fonunda əks etdirməklə zəngin, eyni zamanda sadə kompozisiya yaratmışdır. Professor Əli Verdiyevin bu əsəri 2014-cü ildə Azərbaycan Dövlət Rəssamlıq Akademiyasında təşkil olunan “Azərbaycan və azərbaycanlılar” adlı sərgidə nümayiş olunaraq maraqla qarşılanmışdır.
Sənətkarın məişət mövzusunda kompozisiyaları da özünəməxsusluğu ilə seçilir. Onun “Tikiş tikən qadın”, “Bulaq suyu”, “İstirahət”, “Mətbəx”, “Eyvan”, eləcə də Türkiyədə çəkdiyi “Fayton dayanacağı”, “İstanbul” kimi rəngkarlıq və qrafika əsərləri bu qəbildəndir.
Əməkdar rəssam Əli Verdiyev 50 ildən artıq dövrü əhatə edən yaradıcılığı ilə təsviri sənət tariximizə dəyərli töhfələr vermişdir. Sənətkarın xatirəsi onu tanıyanların, həmkarlarının, sənətsevərlərin xatirəsinə daima yaşayacaqdır.
