1565-ci il 1 mart tarixində portuqaliyalılar Rio-de-Janeyronun əsasını qoyublar.
1780-ci il 1 mart tarixində ABŞ-də Pensilvaniya köləliyi qadağan edən ilk ştat olmuşdur.
1799-cu il 1 mart tarixində Sankt-Peterburqda vals oynamaq qadağan edilmişdir.
1803-cü il 1 mart tarixində Ohayo ABŞ-nin 17-ci ştatı olmuşdur.
1810-cu il 1 mart tarixində Rusiya imperatoru I Aleksandr öz manifesti ilə Abxaziyanın Rusiyaya birləşdirildiyini elan etmişdir.
1810-cu il 1 mart tarixində dünya şöhrətli Polşa bəstəkarı Frederik Şopenin (1810-1849) doğum günüdür. Bəstəkar Parisdə dəfn edilib, ürəyi isə vəsiyyətinə əsasən Polşaya aparılıb və indiyədək Varşavanın Müqəddəs Xaç kilsəsində saxlanılır.
1845-ci il 1 mart tarixində ABŞ Prezidenti Con Tayler Texasın ABŞ-ın yurisdiksiyasına daxil olması haqqında qanun imzalayıb. Texas uzun illər ABŞ və Meksika arasında mübahisə predmeti olub və 12 ilə yaxın ABŞ, Belçika, Niderland, İngiltərə və Fransa tərəfindən tanınmış müstəqil dövlət kimi fəaliyyət göstərib.
1869-cu il 1 mart tarixində Dmitri Mendeleyev kimyəvi elementlərin onların atom çəkisinə və kimyəvi uyğunluqlarına görə dövri cədvəlini tərtib etmişdir.
1873-cü il 1 mart tarixində “Reminqton” şirkəti ilk yazı makinasının istehsalına başlayıb.
1881-ci il 1 mart tarixində Rusiya imperatoru II Aleksandr sui-qəsd nəticəsində öldürülüb.
1920-ci il 1 mart tarixində Azərbaycanın ilk milli xəbər agentliyi - AZƏRTAC fəaliyyətə başlayıb. AZƏRTAC regionda fasiləsiz olaraq 24 saat ərzində 7 dildə informasiya, 5 dildə videoxəbər yayan yeganə agentlikdir və 40-dək ölkənin milli informasiya agentlikləri ilə əməkdaşlığa dair müqavilələr imzalayıb. O, bir sıra beynəlxalq media qurumlarının, eləcə də 100-dək mötəbər xəbər agentliyini birləşdirən Dünya Xəbər Agentlikləri Konqresinin, dünya üzrə bütün informasiya axınının üçdə iki hissəsini təmin edən Asiya və Sakit Okean Ölkələri İnformasiya Agentlikləri Təşkilatının üzvüdür. AZƏRTAC-ın 21 xarici ölkədə, eləcə də respublikanın bütün bölgələrində müxbir məntəqələri fəaliyyət göstərir.
1 Mart Ümumdünya Mülki Müdafiə Günüdür. Beynəlxalq Mülki Müdafiə Təşkilatının qərarı ilə elan olunmuş bu gün hər il kütləvi humanitar tədbir kimi qeyd edilir. Azərbaycan 1993-cü ildə bu nüfuzlu beynəlxalq təşkilata üzv olmuşdur. Beynəlxalq Mülki Müdafiə Günü hər il konkret bir problemə həsr edilir. Bu ilin mövzusu “Mülki Müdafiə sistemində qadınların rolu və fəaliyyəti” ilə əlaqədardır. Əhalinin mühafizəsini, fövqəladə hallardan mühafizə sahəsində əhalinin hazırlığını təmin etmək mülki müdafiə orqanları qarşısında bir nömrəli vəzifə kimi durur.
1 mart 1993-cü il dövlət xadimi Elmira Qafarovanın xatirə günüdür. Elmira Mikayıl qızı Qafarova 1934-cü il martın 1-də Bakı şəhəri Balaxanı qəsəbəsində qulluqçu ailəsində anadan olmuşdur. 1952-ci ildə Bakı şəhərindəki 23 saylı orta məktəbi müvəffəqiyyətlə bitirib. 1953–1958-ci illərdə Azərbaycan Dövlət Universitetinin (ADU — indiki Bakı Dövlət Universitetinin) filologiya fakültəsində oxumuş və oranı fərqlənmə diplomu ilə bitirib. ADU-da təhsil aldığı illərdə ən fəal tələbələrdən olmuş E.Qafarova 1955–1958-ci illərdə universitetin komsomol komitəsinin katibi vəzifəsində çalışmışdır. 1958-ci ildə Sovet İttifaqı Kommunist Partiyasının sıralarına qəbul edilmişdir. 1958–1961-ci illərdə ADU-nun aspiranturasında oxumuş, namizədlik dissertasiyasını müdafiə edərək, "filologiya elmləri namizədi" elmi dərəcəsini alıb.
2002-ci il 1 martda Ümumdünya Səhiyyə Təşkilatının təşəbbüsü ilə Ümumdünya İmmunitet Günü təsis olunub.
1 mart Azərbaycanın tanınmış xalq rəssamı Kamil Əliyevin xatirə günüdür. O, 11 yaşında (1932) Bakı Rəssamlıq Məktəbini bitirdikdən sonra Azərxalça Birliyində xalçaçı-rəssam olaraq fəaliyyət göstərib. İkinci Dünya Müharibəsindən qayıtdıqdan sonra öz sevimli peşəsinə davam edib. Kamil Əliyev bir müddət Azərbaycan Bədii Fondu, sonralarsa Bakı Zərgərlik Fabrikində rəhbər olaraq çalışıb. Yaradıcılığında süjetli və portret xalçaların əsas yer tutduğu rəssamın əsərləri Paris, London, Tokio, Dehli, Ankara, Tehran, Moskva və dünyanın şəhərlərinin muzey və qalereyalarında nümayiş etdirilib. (1921-2005)
2006-cı il 1 mart tarixində Bakı metrosunda jeton sistemindən kart sisteminə keçilib.
