İsmayıl Cəfərpur — azərbaycanlı şərqşünas, şair. Azərbaycan Milli Hökuməti dövründə partizan dəstəsinin rəhbəri, Salmas şəhərinin hərbi komendantı, Salmas və Təbriz şəhərlərində polis rəisi təyin edilmişdir. Fəaliyyətinə görə "21 Azər" medalı ilə təltif edilib. Azərbaycan Milli Hökuməti süqut etdikdən sonra Bakıya köçüb ADU-nun Şərqşünaslıq fakültəsini bitirib. Burada elmi və ədəbi fəaliyyətlə məşğul olub.
Həyatı
İsmayıl Qəhrəman oğlu Cəfərpur 1925-ci il martın 5-də Salmas mahalının Sədəqiyan kəndində anadan olub. Orta təhsilini Salmas şəhərində alıb. 1942-ci ildə Tudə Partiyasına daxil olub, Salmas şəhərində təbliğat şöbəsində fəaliyyət göstərib. 1945-ci ildə Tudə Partiyasını tərk edərək Azərbaycan Demokrat Firqəsinə qoşulub. Sonradan partizan dəstəsinin tərkibində fəaliyyət göstərib. Azərbaycan Milli Hökuməti dövründə partizan dəstəsinin rəisi, Salmas şəhərinin hərbi komendantı olub. İnqilabi fəaliyyətinə görə "21 Azər" medalı ilə təltif edilib. Leytenant rütbəsi aldıqdan sonra Salmas şəhər milis rəisi təyin olunub. 1945-ci ilin sonunda isə Təbriz şəhər milis idarəsinin rəisi təyin edilib. Azərbaycan Milli Hökuməti dağıldıqdan sonra isə Şimali Azərbaycana köçüb.
Azərbaycan Milli Hökuməti dağıldıqdan sonra Təbrizdə fəaliyyət göstərən "Şairlər və yazıçılar cəmiyyəti" 1947-ci ildən etibarən Bakıda, "Azərbaycan Yazıçılar Cəmiyyəti" adı ilə fəaliyyət göstərməyə başlayıb. İsmayıl Cəfərpur da bu cəmiyyətin üzvü olub.
1947-ci ildə Bakıda stomatologiya məktəbini, 1956-cı ildə isə ADU-nun Şərqşünaslıq fakültəsini bitirib. 1958-ci ildə Azərbaycan Yazıçılar Birliyinə üzv olub.
1977-ci il fevralın 18-də Bakıda keçirilən Əliağa Vahidin xatirə gecəsində vəfat edib.
Yaradıcılığı
Ədəbi fəaliyyətə 1948-ci ildən başlayıb. İlk şeirlər məcmuəsi "Qəhrəmanın düşüncələri" 1956-cı ildə Azərnəşrdə çap edilib. 1956–1958-ci illərdə "Azərbaycan" qəzetinin xüsusi müxbiri olmuş, sonradan Moskvada M. Qorki adına Dünya Ədəbiyyatı İnstitutunda təhsil alıb. O həm də, Azərbaycan Demokratik Partiyasının orqanı olan "Azərbaycan" qəzetində bədii ədəbiyyat şöbəsinin müdiri işləyib.
Həyatı
İsmayıl Qəhrəman oğlu Cəfərpur 1925-ci il martın 5-də Salmas mahalının Sədəqiyan kəndində anadan olub. Orta təhsilini Salmas şəhərində alıb. 1942-ci ildə Tudə Partiyasına daxil olub, Salmas şəhərində təbliğat şöbəsində fəaliyyət göstərib. 1945-ci ildə Tudə Partiyasını tərk edərək Azərbaycan Demokrat Firqəsinə qoşulub. Sonradan partizan dəstəsinin tərkibində fəaliyyət göstərib. Azərbaycan Milli Hökuməti dövründə partizan dəstəsinin rəisi, Salmas şəhərinin hərbi komendantı olub. İnqilabi fəaliyyətinə görə "21 Azər" medalı ilə təltif edilib. Leytenant rütbəsi aldıqdan sonra Salmas şəhər milis rəisi təyin olunub. 1945-ci ilin sonunda isə Təbriz şəhər milis idarəsinin rəisi təyin edilib. Azərbaycan Milli Hökuməti dağıldıqdan sonra isə Şimali Azərbaycana köçüb.
Azərbaycan Milli Hökuməti dağıldıqdan sonra Təbrizdə fəaliyyət göstərən "Şairlər və yazıçılar cəmiyyəti" 1947-ci ildən etibarən Bakıda, "Azərbaycan Yazıçılar Cəmiyyəti" adı ilə fəaliyyət göstərməyə başlayıb. İsmayıl Cəfərpur da bu cəmiyyətin üzvü olub.
1947-ci ildə Bakıda stomatologiya məktəbini, 1956-cı ildə isə ADU-nun Şərqşünaslıq fakültəsini bitirib. 1958-ci ildə Azərbaycan Yazıçılar Birliyinə üzv olub.
1977-ci il fevralın 18-də Bakıda keçirilən Əliağa Vahidin xatirə gecəsində vəfat edib.
Yaradıcılığı
Ədəbi fəaliyyətə 1948-ci ildən başlayıb. İlk şeirlər məcmuəsi "Qəhrəmanın düşüncələri" 1956-cı ildə Azərnəşrdə çap edilib. 1956–1958-ci illərdə "Azərbaycan" qəzetinin xüsusi müxbiri olmuş, sonradan Moskvada M. Qorki adına Dünya Ədəbiyyatı İnstitutunda təhsil alıb. O həm də, Azərbaycan Demokratik Partiyasının orqanı olan "Azərbaycan" qəzetində bədii ədəbiyyat şöbəsinin müdiri işləyib.
