Məşhur blogger və aktyor Samir Əliyev daha bir uğura imza atıb. O, son zamanlar sosial mediada qazandığı böyük populyarlıq və yaradıcılıq fəaliyyəti ilə bir neçə nüfuzlu mükafatın sahibi olub. “İlin fəal aktyoru”, “İlin seçilən bloggeri” və “Yer Üzünün Mələkləri” bədii filminin "sevilən siması” nominasiyalarında qalib gələn Samir, pərəstişkarlarına yeni və daha maraqlı layihələr vəd edib.

Yaradıcılıqda yeni dövr başlayır.

Mükafatlandırma mərasimində çıxış edən Samir Əliyev, bu uğurun onun üçün böyük motivasiya olduğunu bildirib:

“Hər zaman izləyicilərimi güldürmək, onlara pozitiv enerji vermək üçün çalışıram. Bu mükafatlar mənim üçün böyük dəyər daşıyır və daha da yaxşısını etməyə stimul verir. Hazırda üzərində işlədiyim yeni personajlar var və tezliklə onları da təqdim edəcəyəm. Sizləri çox maraqlı videolar gözləyir!”

Məşhur bloggerin açıqlamaları izləyiciləri daha da həyəcanlandırıb. O, artıq yeni, fərqli xarakterlər üzərində çalışdığını və komediya sahəsində yeniliklər etməyi planlaşdırdığını bildirib. Samirin hazırladığı qısa metrajlı vinelər həmişə izləyicilər tərəfindən maraqla qarşılanıb və sosial mediada böyük əks-səda doğurub.

Böyük ekranlara addım

Samir Əliyevin son dönəmdə iştirak etdiyi “Yer Üzünün Mələkləri” filmi də tamaşaçılar tərəfindən yüksək qiymətləndirilib. Onun filmdəki obrazı xüsusi rəğbət qazanaraq, “sevilən sima” adına layiq görülüb. Bu, onun təkcə sosial media fenomeni deyil, həm də kinoda uğurlu bir aktyor olduğunu bir daha sübut edib.

Samir Əliyevin gələcək layihələri artıq böyük maraq doğurub. Yeni videoları və gözlənilən obrazları ilə o, yenidən izləyicilərini güldürməyə və əyləndirməyə davam edəcək. Gözünüz üstündə olsun – Samir Əliyev mohtəşəm işləri ilə yenə də gəlir!