3 aprel 1502-ci ildə Xristofor Kolumb Atlantik okeanının qərb sahillərinə doğru sayca dördüncü dəniz səyahətinə çıxdı.
3 aprel 1879-cu ildə Sofiya Bolqarıstanın paytaxtı elan olundu.
3 aprel 1906-cı ildə rəngli fotoşəkil icad olunub. 1906-cı ilin bu günü Lümyer (Lumière) qardaşları rəngli fotoşəkil icad etdilər.
3 aprel 1908-ci il görkəmli Azərbaycan filosofu, SSRİ dövlət mükafatı laureatı Heydər Hüseynovun doğum günüdür (1908-1950). Onun “XIX əsrdə Azərbaycan fəlsəfi və ictimai-siyasi fikrin tarixi haqqında" fundamental əsəri ölümündən bir qədər əvvəl - 1950-ci ilin mart ayında daha bir Stalin mükafatına layiq görülüb. Bununla belə, respublika rəhbərliyi tərəfindən təzyiqlərə məruz qalan H.Hüseynov müridizmin və sufizmin təbliğində təqsirləndirilib: Stalin mükafatlarından məhrum olunub, kommunist partiyasından çıxarılıb, Elmlər Akademiyasındakı vəzifələrindən uzaqlaşdırılıb. Təzyiqlərə dözməyən və həbs edilmək təhlükəsi ilə üzləşən filosof 1950-ci il avqustun 15-də damarlarını kəsərək intihar edib.
Bu gün Azərbaycanın görkəmli ictimai və siyasi xadimi Ələkbər Rəfibəylinin xatirə günüdür. 1839-cu ildə Gəncədə doğulan Ələkbər Sankt-Peterburqda Kənd Təsərrüfatı üzrə təhsil aldıqdan sonra geri qayıdıb. Ələkbər Rəfibəyli erməni terrorçularına qarşı mübarizə məqsədilə yaradılan “Difai” partiyasının Gəncə təşkilatının rəhbərlərindən biri olub. O, 1905-ci ildə bölgədə azərbaycanlılara qarşı soyqırımların qarşısını almaq məqsədilə ümumi səfərbərlik keçirib, müdafiə dəstələrinə rəhbərlik edib. Erməni terroru barədə mətbuatda çoxsaylı məqalələrlə də çıxış edən Ə.Rəfibəyli həm də Gəncədə Nizaminin qəbirüstü məqbərəsinin tikilməsinin ilk təşəbbüsçülərindən biridir. O, 1919-cu ilin 3 aprelində dünyasını dəyişib (1839-1919).
3 aprel 1922-ci ildə tanınmış tarixçi və arxeoloq, dünyanın ən qədim insan məskənlərindən olan Azıx paleolit düşərgəsinin ilk tədqiqatçısı Məmmədəli Hüseynov (1922-1994) Qazax rayonunun Molla Cəfərli kəndində anadan olub.
3 aprel 1930-cu ildə Türkiyədə qadınlara ilk dəfə seçmək və seçilmək hüququ verildi. Türkiyə Böyük Millət Məclisində qəbul edilən Bələdiyyələr Qanunu əsasında ölkə qadınları seçkilərdə seçmək və seçilmək haqqına sahib oldu.
Türkiyədə 1937-ci ilin 3 aprelində Karabük Dəmir-Polad Fabrikinin təməli ölkə başçısı Mustafa Kamal Atatürkün göstərişi ilə dövrün baş naziri İsmət İnönü tərəfindən atıldı. Fabrik 1941-ci ildən dəmir-polad məmulatları istehsalına başaldı.
3 aprel 1945-ci ildə sovet qoşunları Macarıstanın paytaxtı Budapeştə daxil oldu, ağır döyüşlər nəticəsində işğalçı faşistlər geri çəkldilər. Qeyd edək ki, bu illərdə Avropanın faşist işğalı olan hər yerində milli azadlıq hərəkatı geniş vüsət almışdı.
3 aprel 1948-ci ildə Amerika Birləşmiş Ştatlarının prezidenti Harri Trumen (Harry Truman) iqtisadi yardımları əhatə edən Marşal Planını imzaladı. İkinci Dünya Müharibəsindən sonra iqtisadi böhrana girən bəzi ölkələrə dəstək məqsədilə təşkil olunan iqtisadi yardım paketindən, aralarında Türkiyənin də olduğu, 16 dövlət istifadə edib.
3 aprel Beynəlxalq Mobil Telefon Günüdür. 1974-cü ilin bu günü mobil telefon vasitəsilə ilk dəfə zəng edilib. Mobil telefonla ilk zəngi edən Martin Kuper adlı şəxs olub.
3 aprel 1975-ci il 23 yaşlı Anatoli Karpov şahmat üzrə dünya çempionu oldu.
3 aprel 1986-cı ildə IBM şirkəti ilk dizüstü kompüteri nümayiş etdirdi.
3 aprel 2008-ci ildə Əməkdar artist Şəfiqə Qasımova (5.12.1924 - 2008) vəfat edib. Opera səhnəsində (“Arşın mal alan” - Asya, “Sevil” - Gülüş) çıxış edib, Musiqili Komediya Teatrında çalışıb. “Ögey ana”, “Görüş” və s. filmlərdə çəkilib.
3 aprel 2007-ci ildə Fransada TGV sürət qatarı 574,8 km/s sürət yığaraq qatarlar üçün sürət rekordunu yenilədi.
3 aprel 2009-cu ildə Prezident İlham Əliyev “Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu”nun yaradılması haqqında Fərman imzalayıb. Fondun əsas məqsədi Azərbaycan Respublikasında fikir, söz və məlumat azadlığını inkişaf etdirmək, kütləvi informasiya vasitələrinin müstəqilliyini dəstəkləmək, informasiya sektorunda yeni informasiya-kommunikasiya texnologiyalarının tətbiqini stimullaşdırmaq, jurnalistlərin peşəkarlığının və məsuliyyətinin artmasına şərait yaratmaq, sosial müdafiəsini gücləndirmək, kütləvi informasiya vasitələrinin fəaliyyətinin təkmilləşməsini nəzərdə tutan və inkişafını dəstəkləyən proqramları, layihələri və digər tədbirləri maliyyələşdirməkdir.
2015-ci ilin bu günündə Türk pop müğənnisi və bəstəkarı Kayahan Açar uzunsürən xəstəlikdən sonra vəfat edib (1949-2015). O, “Canımın yarpakları”, “Emrin olur”, “Gönül sayfam”, “Ne oldu can” və digər albomlarındakı bir-birindən gözəl mahnıları ilə yüz minlərlə insanın sevgisini qazanıb.
2018-ci ilin 3 aprelində Türkiyənin ilk nüvə enerji təməli ölkə prezidenti Rəcəb Tayyib Ərdoğan və Rusiya prezidenti Vladimir Putinin iştirakı ilə atıldı.
