Qeyd etməliyəm ki, mən Mingəçevirdə ziyalı ailəsində böyümüşəm. Atam mühəndis olub, anam isə müəllimə. Ondan əlavə evimizdə həm bayramlarda, həm də əlamətdar günlərdə musiqi səslənirdi. Özüm fortepiano klassı üzrə 7 illik musiqi məktəbini bitirmişəm. Orta məktəbi bitirdikdən sonra Azərbaycan Dövlət Koorperasiya Universtitetinə daxil olaraq gömrük mütəxəssisi üzrə ixtisaslaşdım. Universtiteti bitirəndən sonra bir müddət bu sahədə çalışdım. Amma musiqi peşəsi məni cəlb etdi. 2002-ci ildən müğənnilik peşəsi ilə ciddi məşqul olmağa başladım. Tanınmış bəstəkar Elçin İmanovla əməkdaşlığa başladım və polkovnik Əzizağa Qənizadənin sözlərinə bəstələnən "Briqada" mahnısı uğurlu alındı. İlk klipimi isə anama həsr etmişdim. Daha sonra, Rəvan Habiloğlunun "Əlvida Məhəbbət" mahnısı ("Прощай любовь") Rusiyada populyarlığıma səbəb oldu. Mən şanson müğənni kimi daha çox rok janrında mahnılarımı oxuyuram.

-Təbii, səs vacibdir. Amma ondan da vacib oxumağı bacarmaqdır. Misal üçün: İlqar Muradovun böyük səs diapazonu olmasa da, o mahnılarını necə də məharətlə ifa edir. Hələ mən Azərbaycan musiqi sənətinin mərhum ustadları olan Əlibaba Məmmədov, Mirzə Babayev, Oktay Ağayevdən danışmıram. Bir də, indiki müğənnilərimizin çoxu "toy tutmağa" kökləniblər. Bu sahənin də vaxtı ilə görkəmli sənətkarları olub. Amma əminliklə deyə bilərəm ki, toy sənət deyil. Öncə özünü səhnədə göstərməlisən.

Bəli, mən ilk dəfə "Bakı Payızı" festivalında iştirak edəndə də, daha sonra Müdafiə Nazirliyinin mahnı konkusrlarında da belə mahnıları rok janrında ifa edirdim. Yəqin təbiətim belədir, bu yolla dinləyici auditoriyasına milli vətənpərvər ruhunu aşılamağa çalışıram. Onu da qeyd etmək istərdim ki, bu sahədəki əməyimə qiymət verilərək 2015-ci ildə Müdafiə Nazirliyinin keçirdiyi mahnı konkursunun laureatı adına layiq görüldüm.

29 oktyabr 1923-cü ildə Mustafa Kamal Atatürk tərəfindən Türkiyə Cümhuriyyəti elan edildi. Respublikanın yaradılmasının 10-cu ildönümündə şair Mehmet Ali Ertekin “Ankara” adlı şeir səsləndirdi. Buna biganə qalmayan bəstəkar Halil Bedii Yönetken isə həmin şeirə mahnı yazdı.
Həmin mahnını mən ilk dəfə “Ayla” filmində dinlədim və çox sevdim. Film Türkiyə əsgərlərinin Cənubi Koreyada müharibədə iştirakından bəhs edir. Orada bir türk əsgər müharibədən sonra dağıntılar altından beş-altı yaşında bir koreyalı qızı çıxarır. Qız türkcə başa düşmür deyə adını deyə bilmir, onun adını həmin əsgər Ayla qoyur və ona qızı kimi baxır.

2018-ci ildə bu filmə ilk dəfə bacım qızı Aylayla baxanda çox təəsirləndim və "Ankara" marşı fikrimdən çıxmırdı. Keçən il isə Cümhuriyyətin ildönümündə Türkiyənin 100 illiyinə ərmağan olaraq bu marşa klip çəkdirmək qərarına gəldim. Klip iki məkanda - Ankara və İstanbulda çəkildi. Vaxt qıtlığından Türkiyənin diğər şəhərlərinə getmək inkanımız olmadı. İstanbuldakı çəkilişlərimiz min-bir əziyyətlə başa gəldi. Fəxrlə deyə bilərəm ki, Türkiyədəki çəkilişlərin kameramanı oğlum Yusuf idi. Zənnimcə, klip pis alınmadı və mən "Ankara" marşını yeni üslubda, rok janrında ifa etdim. Ankara deyəndə bütün Türkiyə nəzərdə tutulur. Çünki o vaxt Türkiyəmizin Qurtuluşu Qazi Mustafa Kamal Atatürkün rəhbərliyi altında Ankaradan başladı.

Qəribə sualdır... Yaradıcı insanın planı nə ola bilər ki? Rəhmətlik Lütfiyar İmanov deyirdi: "Bir gün oxumasam, ölərəm!" Mən də yaratmayanda yaşamıram!!!