-Atiyə xanım, Azərbaycana xoş gəlmisiniz. Soyadınızda və şirkətinizin məhsullarında Laçın adı necə yarandı?
-Salam. Bizim şirkətimiz Türkiyənin qida sektorunda 2004-cü ildən fəaliyyət göstərir. Fabrikamız Çanaqqalada yerləşir. Meyvələrdən müxtəlif çeşidli şəkərli və şəkərsiz məhsullar istehsal edirik. Onların içində qatqısız təbii şirələr, souslar, faydalı bitkilərdən hazlrlanmış mürəbbələr üstünlük təşkil edir. Laçın isminə gəldikdə isə, həyat yoldaşımının soy-kökü Laçından olduğuna görə bu adı məhsullarımızın brendi kimi götürdük. Hal-hazırda "Laçın"məhsulları dünyanın 12 ölkəsinə ixrac edilir. Eyni zamanda Türkiyə Silahlı Qüvvətləri də sifarişçılərimizin sırasındadır. Ölkənizə gəlişimizin əsas məqsədi buranın bazarına təbii, kimyasal qatqısı olmayan məhsullarımızı çıxarmaqdır.
-Şəkərsiz məhsulların istehsalına daha çox üstünlük verirsiniz?
-Bəli, amma istehlakçıların seçiminə uyqun şəkərli məhsullarımız da var. Yaxın gələcəkdə məhsullarımızı market və dükanlarınızın rəflərində görmək arzusundayam.
-Atiyə xanım, bildiyiniz kimi yurdumuzun dilbər guşəsi olan Laçın düşmən tapdağından azad olundu. Laçında nə vaxtsa istehsal qurub işləmək niyyətiniz varmı?
-Niyə də olmasın?! Allah ağzınızdan eşitsin!Azərbaycana növbəti gəlişimdə gözəl füsunkar təbiətli Laçını ziyarət etmək bizə qismət olsun. O bölgədə "Laçın" brendi altında istehsalat qurub laçınlıları işlə təmin etmək ən ümdə arzularımdan biridir.
-Maraqlı müsahibəyə görə təşəkkür edirəm, Atiyə xanım.
-Siz də sağ olun!Göstərdiyiniz diqqətə, səmimi söhbətinizə görə "Laçın"ailəsi adından "AYMEDİACOMOANY.AZ" portalının rəhbərliyinə təşəkkür edirəm. Gələn görüşlərədək.
Rüstəm Rüstəmov
"AYMEDİACOMPANY.AZ"
