2023-cü ilin sentyabr ayında Azərbaycan ordusunun mənfur düşmənlərimizə qarşı keçirdiyi antiterror əməliyyatları zamanı şəhadətə ucalmış Cahangirov Tural Qələmhüseyn oğlunun 01.07.2024-cü ildə doğum günü tədbiri keçirildi. Aymediacompany.az saytının təşkilatçılığı ilə keçirilən tədbirdə bir çox dövlət rəsmiləri, şəhid ailələri, qazilər, şəhidin hərbçi dostları, döyüş yoldaşları və incəsənət nümayəndələri iştirak etdilər. Tədbirin aparıcısı Aymedicompany.az saytının mədəniyyət işləri üzrə baş redaktor müavini Fərid Əmiraslanov tədbiri açıq elan etdikdən sonra şəhidin silahdaşları dövlət bayrağı və şəhidimizin böyüdülmüş plakatı ilə tədbirə daxil oldular. Şəhidlərimizin ruhu bir dəqiqəlik sükutla yad edildi. Daha sonra dövlət himnimiz səsləndi. Müqəddəs Qurani-Kərimdən ayələr oxundu. Tədbirin açılışında Şəhidin hərbçi dostları şəhidimiz Cahangirov Tural Qələmhüseyn oğlunun bir hərbçi kimi qəhrəmanlıqlarından, dost kimi sədaqət və səxavətindən, insanlığından, yüksək keyfiyyətlərindən, öz xatirələrindən danışdılar.
[center][/center]
[center][/center]
Daha sonra Pirallahı rayon icra hakimiyyətinin nümayəndələri Samir Hüseyinov, Sübhay Məmmədov, Həsən Niftəliyev, o cümlədən şəhidimizin təhsil aldığı Pirallahı rayon 168 nömrəli tam orta məktəbin direktoru Elnur Bayramov çıxış etdi.
[center][/center]
[center][/center]

Eynilə məktəbin və şəhid Turalımızın qızı Fatimənin müəlliməsi Əmirova Xırdaxanım xanım Şəhidin övladı Fatimə balamızın da iştirak etdiyi musiqi və şeir kompozisiyasını təqdim etdilər. Tədbirdə iştirak edən əhli-beyt məddahları Samerlan Hilali, Fərid Kərimli və Pərviz Hüseyni tədbirin mənəvi abu-havasını gözəlləşdirdilər. Bunlarla yanaşı şəhid anaları, bacıları, həyat yoldaşlarının çıxışları oldu. Şəhid balalarının şeir ərməğanları dinlənildi. Tədbirdə Nurlan Ordubadlının “Yaşa Azərbaycan” mahnısı öz ifasında səsləndi. Tədbirin təşkilatçısı, həmişə şəhid və qazi ailələrinin yanında maddi və mənəvi dəstək olan, media sahəsində şəhid və qazilərimizin problemlərinin işıqlandırılması, o cümlədən tanınması yolunda təmənnasız xidmət göstərən Aymedicompany.az saytının Baş Redaktoru Almaz Yaşar çıxış etdi. Tədbirin gedişatı və tədbir öncəsi də şəhidimizin anım məclisinin keçirilməsində və təşkilatçılığında əziyyəti keçmiş Aymedicompany.az saytının təşkilati işlər üzrə meneceri Süsən hüseyinova da çıxış etdi. Daha sonra şəhidimizin adına ehsan verildi. Ehsandan sonra şəhidimiz Cahangirov Turalın ailə üzvləri, tədbir iştirakçıları, Aymediacompany.az saytının əməkdaşları şəhid Turalın anım gününə hazırlanmış tortu kəsdilər. Tədbir şəhid övladlarının vətənpərvərlik şeirləri ilə yekunlaşdı. ALLAH bütün şəhidlərimizə rəhmət eləsin.

[center]

[center]