Oktyabrın 10-da "Dəmir Yumruq Alfa-A"cəmiyətinin təşkilatı dəstəyi ilə 2-ci Qarabağ Müharibəsinin Şəhidi Araz Mirzəyevin anım mərasimi keçirildi. Səhidlər Xiyabanının üst tərəfində yerləşən "Veteranlar təşkikatı"nın binasında keçirilən tədbirdə Şəhidimizin anası Fərqiyyə xanım, xalası Ülviyyə xanım, Lənkəran və Yardımlıdan gələn Şəhid valideynləri, "Dəmir Yumruq Alfa-A" cəmiyyətinin sədri Ülviyyə Əsədova, "AYMediaCompany.az" portalının təsisçisi Almaz Yaşar, "Qanunyolutv.az" saytının rəhbəri Arif Süleymanlı, "Azərbaycan Respublikası Milli Qəhrəmanları Tanıtma" İB-nin Nərumanov rayonu üzrə sədri Ədhəm Məmmədov, çoxsaylı Şəhid valideynləri, Qazilər, media nümayəndələri iştirak edirdilər. "Dəmir Yumruq Alfa-A" cəmiyyətinin üzvü Mətanət Akif qızı tədbir iştirakçılarını salamladı, Şəhidlərimizin xatirəsi bir dəqiqəlik sükutla anıldı, dövlət himnimiz səsləndirildi. Daha sonra Araz Mirzəyevin qısa həyat yolundan bəhs edildi. 18 yaşlı Araz gənc olsa da, ürəyinin çağırışı ilə cəbhəyə yollanaraq Suqovuşanda yüksək şəhidlik zirvəsinə ucaldı.

Tədbirdə iştirak edən Arazın anası Fərqiyyə xanım oğlunun Vətənin azadlığı uğrunda Şəhid olmaq arzusundan, ağrılı-acılı xatirələrindən danışdı. Sonra söz Şəhid valideynlərinə verildi. Analar, atalar öz çıxışlarında Şəhid övladlarının həyat yolundan bəhs edərək, onlarla qürur duyduqlarını söylədilər.