Belarus Dövlət Konservatoriyasında Ulu Öndər Heydər Əliyevin 100 illiyinə həsr olunmuş konsert təşkil olunub.
Bu barədə APA-ya Belarus Respublikasının ölkəmizdəki səfirliyindən məlumat verilib.
Qeyd olunub ki, Azərbaycanın Ümummilli Lideri Heydər Əliyevin 100 illiyinə həsr olunmuş tədbirin açılış mərasimində çıxış edən Belarusun Baş nazirinin müavini İqor Petrişenko Azərbaycan-Belarus münasibətlərinin inkişafında Heydər Əliyevin rolunu xüsusilə vurğulayıb.
