Qırx dörd günlük Vətən müharibəsi yalnız regionda deyil, eyni zamanda, qlobal sistemdə də önəmli daşları yerindən oynatdı. Otuz ilə yaxın davam edən uğursuz danışıqlar prosesinin iştirakçılarının qeyri-konstruktiv mövqeyinə və Ermənistanın işğalçılıq siyasətinin davamlı şəkildə dəstəklənməsinə baxmayaraq, Azərbaycan öz ərazi bütövlüyünü təkbaşına bərpa etdi və Cənubi Qafqaza sülhü gətirməyə nail oldu. Amma geriyə baxdıqda necə çətin və mürəkkəb proseslərdən keçdiyimizi, hansı azğın düşmənlərlə mübarizə apardığımızı bir daha xatırlayırıq. Lakin nədənsə dünya ictimaiyyətinin bəzi nümayəndələrinin yaddaşı kifayət qədər “zəif”dir. Halbuki yaxın keçmişdə baş verənləri xatırlamaq üçün güclü yaddaşa sahib olmaq mütləq deyil, faktlar olduğu kimi qalır və hadisələrin təhlili üçün kifayət edir.
Bu fikirləri AZƏRTAC-a açıqlamasında politoloq Aytən Qurbanova söyləyib.
“Müharibə Ermənistanın faktiki olaraq danışıqlar prosesini məhv etdikdən sonra başladı. Bu fakt özlüyündə Azərbaycanın otuz ilə yaxın davam edən danışıqlar dövründə xoş niyyətinin necə istismar edildiyinin bariz nümunəsidir. Biz sülhdən danışdığımız bir mərhələdə bir tərəfdən Ermənistanın baş naziri “Qarabağ Ermənistandır” kimi absurd və xəstə erməni təfəkkürünü əks etdirən bəyanatlar səsləndirir, digər tərəfdən isə müdafiə naziri yeni ərazilərin işğalı ilə bağlı “konsepsiya”sını dünya ictimaiyyətinin diqqətinə çatdırırdı. Təbii ki, belə bir şəraitdə danışıqları davam etdirmək çox əhəmiyyətsiz, müharibə isə labüd idi. Bu hadisələrin hər biri dünya ictimaiyyətinin gözləri qarşısında baş verdi”,-deyə politoloq bildirib.
O əlavə edib ki, erməni tərəfinin müharibə zamanı cəbhə xəttindən tamamilə uzaqda yerləşən mülki hədəfləri (məktəb, uşaq bağçası, xəstəxana, yaşayış evləri və s.) ballistik raketlərlə və ağır artilleriya qurğuları ilə atəşə tutaraq insanlıq əleyhinə cinayətlər törətdiyini necə unutmaq olar?! Gəncə, Tərtər və Bərdə qadağan olunmuş silahlarla atəşə tutuldu, Mingəçevir Su Elektrik Stansiyası və Yevlax ərazisindən keçən Bakı-Tbilisi-Ceyhan neft kəməri hədəf olaraq seçildi. Ümumilikdə erməni vandalizmi nəticəsində 12-si uşaq və 27-si qadın olmaqla, 93 mülki vətəndaşımız həyatını itirib, 454 mülki şəxs yaralanıb və minlərlə yaşayış obyekti dağıdılıb. Amma 2023-cü il sentyabrın 19-20-də Azərbaycan Silahlı Qüvvələri tərəfindən Qarabağda həyata keçirilmiş 23 saatlıq antiterror tədbirləri zamanı nəinki erməniəsilli mülki sakin, heç bir mülki obyekt belə zərər görməyib. İndi bu antiterror tədbirləri zamanı həbs olunan müharibə canilərini “məzlum” obrazında təqdim etməyə çalışırlar. Niyə? Hansı dövlət öz ərazisinin işğal edilərək orada “boz zona”nın yaradılması cəhdlərini sükutla qarşılayar?! Araik Arutyunyan və Ruben Vardanyan kimi separatçıların, əli günahsız insanların qanına batmış müharibə canilərinin, Xocalı qatillərinin mühakiməsi üçün beynəlxalq tribunal qurulmalı olduğu məqamda, onları “hərbi əsir” adlandırmağa çalışmaq riyakarlığın hansı mərhələsidir?!
“Nəticə etibarilə kimin hadisələri necə təqdim etməsindən asılı olmayaraq, dəyişməz qalan reallıqlar var. Azərbaycan öz torpaqlarını işğaldan təkbaşına qurtararaq bütün ərazilərində suverenliyini bərqərar etmiş qalib dövlətdir. Prezident, Müzəffər Ali Baş Komandan İlham Əliyevin rəhbərliyi ilə həyata keçirilmiş bu tədbirlərin hər biri beynəlxalq hüquqa və ədalətə əsaslanır. Bu reallığı dəyişməyə isə heç kimin gücü və cəsarəti çatmaz”, - deyə A.Qurbanova vurğulayıb.
Bu fikirləri AZƏRTAC-a açıqlamasında politoloq Aytən Qurbanova söyləyib.
“Müharibə Ermənistanın faktiki olaraq danışıqlar prosesini məhv etdikdən sonra başladı. Bu fakt özlüyündə Azərbaycanın otuz ilə yaxın davam edən danışıqlar dövründə xoş niyyətinin necə istismar edildiyinin bariz nümunəsidir. Biz sülhdən danışdığımız bir mərhələdə bir tərəfdən Ermənistanın baş naziri “Qarabağ Ermənistandır” kimi absurd və xəstə erməni təfəkkürünü əks etdirən bəyanatlar səsləndirir, digər tərəfdən isə müdafiə naziri yeni ərazilərin işğalı ilə bağlı “konsepsiya”sını dünya ictimaiyyətinin diqqətinə çatdırırdı. Təbii ki, belə bir şəraitdə danışıqları davam etdirmək çox əhəmiyyətsiz, müharibə isə labüd idi. Bu hadisələrin hər biri dünya ictimaiyyətinin gözləri qarşısında baş verdi”,-deyə politoloq bildirib.
O əlavə edib ki, erməni tərəfinin müharibə zamanı cəbhə xəttindən tamamilə uzaqda yerləşən mülki hədəfləri (məktəb, uşaq bağçası, xəstəxana, yaşayış evləri və s.) ballistik raketlərlə və ağır artilleriya qurğuları ilə atəşə tutaraq insanlıq əleyhinə cinayətlər törətdiyini necə unutmaq olar?! Gəncə, Tərtər və Bərdə qadağan olunmuş silahlarla atəşə tutuldu, Mingəçevir Su Elektrik Stansiyası və Yevlax ərazisindən keçən Bakı-Tbilisi-Ceyhan neft kəməri hədəf olaraq seçildi. Ümumilikdə erməni vandalizmi nəticəsində 12-si uşaq və 27-si qadın olmaqla, 93 mülki vətəndaşımız həyatını itirib, 454 mülki şəxs yaralanıb və minlərlə yaşayış obyekti dağıdılıb. Amma 2023-cü il sentyabrın 19-20-də Azərbaycan Silahlı Qüvvələri tərəfindən Qarabağda həyata keçirilmiş 23 saatlıq antiterror tədbirləri zamanı nəinki erməniəsilli mülki sakin, heç bir mülki obyekt belə zərər görməyib. İndi bu antiterror tədbirləri zamanı həbs olunan müharibə canilərini “məzlum” obrazında təqdim etməyə çalışırlar. Niyə? Hansı dövlət öz ərazisinin işğal edilərək orada “boz zona”nın yaradılması cəhdlərini sükutla qarşılayar?! Araik Arutyunyan və Ruben Vardanyan kimi separatçıların, əli günahsız insanların qanına batmış müharibə canilərinin, Xocalı qatillərinin mühakiməsi üçün beynəlxalq tribunal qurulmalı olduğu məqamda, onları “hərbi əsir” adlandırmağa çalışmaq riyakarlığın hansı mərhələsidir?!
“Nəticə etibarilə kimin hadisələri necə təqdim etməsindən asılı olmayaraq, dəyişməz qalan reallıqlar var. Azərbaycan öz torpaqlarını işğaldan təkbaşına qurtararaq bütün ərazilərində suverenliyini bərqərar etmiş qalib dövlətdir. Prezident, Müzəffər Ali Baş Komandan İlham Əliyevin rəhbərliyi ilə həyata keçirilmiş bu tədbirlərin hər biri beynəlxalq hüquqa və ədalətə əsaslanır. Bu reallığı dəyişməyə isə heç kimin gücü və cəsarəti çatmaz”, - deyə A.Qurbanova vurğulayıb.
