Uruqvayın keçmiş gözəllik kraliçalarından Fatimih Davila Sosa, Meksikada qaldığı otel otağında asılı vəziyyətdə tapılıb.

BEŞ.AZ milli.az-a istinadən xəbər verir ki, Meksikaya iş və tətil üçün gedən gənc model qaldığı otelin tualetində ölü tapılıb.

Ölkəsini 2006-cı ildə "Kainat gözəli" və 2008-ci ildə da "Dünya gözəllik" müsabiqəsində təmsil edən Davilanın ölümü ilə bağlı istintaq tədbiri gücləndirilib.

Boynundan asılı vəziyyətdə tapılan Davila barədə danışan səlahiyyətli şəxs "Araşdırma davam edir. Davilanın 23 apreldə Meksikaya gəldiyini müəyyən etdik. Burada yaşayan bir şəxs ona kömək edib və bu oteldə onu qonaq edib. İş görüşü üçün Meksikaya gəlibmiş" deyib.

Qeyd edək ki, model ölümündən öncə "Həyatın hər anından keyf alın" mesajı paylaşıbmış.