Mustafa Həbib oğlu Məhərrəmov 1922-ci il fevralın 25-də İsmayıllı rayonunun Basqal kəndində anadan olub. 1941-ci ildə orta məktəbi bitirdikdən sonra 17 yaşlı Mustafa Məhərrəmov İsmayıllı rayon Hərbi Komissarlığına ərizə ilə müraciət edib. Lakin yaşı çatmadığı üçün müsbət cavab almır, onu ikinci ərizədən sonra - 1941-ci ilin dekabr ayının 15-də könüllü olaraq döyüşə yola salıblar. Gənc Mustafa Tiflisdə artilleriya məktəbini müharibə dövrünün tələbindən irəli gələn ixtisas hazırlığı kursunu altı ay ərzində bitirərək, leytenant rütbəsində 416-cı atıcı diviziyada xidmət etmək üçün göndərilib.
Diviziyanın tərkibindəki 1374-cü alayın atıcı taqımının komandiri təyin olunan Mustafa Məhərrəmov əsgərlərinin döyüş hazırlığı ilə ciddi məşğul olur, onlarda düşmənə qarşı barışmaz kin tərbiyə etməyə çalışıb. Gənc komandir alayın hücum əməliyyatlarından birində iki düşmən tankını məhv edir, neçə-neçə atəş nöqtəsini susdurur və müşahidə məntəqəsini dağıdır. Döyüşlərdə göstərdiyi xüsusi şücaətlərinə görə taqım komandırı leytenant Mustafa Məhərrəmov "Qırmızı ulduz" ordeninə layiq görülür.
Gərgin döyüşlərin birində ağır yaralanan M.Məhərrəmov müalicə almaq üçün hospitala göndərilir. Yaralarının tam sağalmasını gözləməyən gənc zabit yenidən döyüşlərə atılır və 402-ci Azərbaycan atıcı diviziyasında batareya komandir işləyən Mustafa Məhərrəmov faşizm üzərində tam qələbə çalana qədər ön sırada olaraq, ən qaynar nöqtələrdə belə öz igidliyi ilə fərqlənib.
Böyük Vətən müharibəsini qələbə ilə başa vurduqdan sonra Mustafa Məhərrəmovun komandirlik bacarığı yüksək qiymətləndirilib və onu 1951-ci ildə Leninqraddakı Topçuluq Akademiyasında təhsilini davam etdirmək üçün göndəriblər. 1956-cı ildə Akademiyanı fərqlənmə diploma ilə bitirən M.Məhərrəmov Türküstan Hərbi Dairəsində xidmətə başlayır. O, diviziya komandiri, diviziya qərargahı rəisinin müavini, Daşkənd Hərbi Məktəbində baş müəllim vəzifələrində çalışıb.
Sonralar Mustafa müəllim orduda xarici ölkə zabitlərinə dərs keçmək zərurəti ilə əlaqədar Moskva Xarici Dillər İnstitutuna daxil olur və ingilis dili ixtisası üzrə oranı müvəffəqiyyətlə bitirir. 1966-cı ildə o, Vətənə dönüb və Azərbaycan Politexnik İnstitutunun hərbi kafedrasına tədris hissə rəisi vəzifəsinə təyin edilib. Mustafa Məhərrəmov bu tədris müəssisəsində qazandığı bilik və təcrübələrini tələbələrinə öyrədib və məzunları zabit rütbəsinə təqdim edib. Burada işlədiyi dövrdə yüksək peşəkarlığı ilə seçilən Mustafa müəllim "Təhsil əlaçısı" döş nişanı ilə təltif edilib. 1979-cu ilin yanvarın 5-də SSRİ Müdafiə nazirinin təşəkkür əmri ilə ehtiyata buraxıldıqdan sonra 13 il ərzində Azərbaycan İnşaat Mühəndisləri İnstitutunda xüsusi şöbənin müdiri vəzifəsində çalışıb.
Müstəqil Azərbaycanda ordu quruculuğuna başlanan vaxtlarda ehtiyatda olan polkovnik M.Məhərrəmov Azərbaycan Respublikası Müdafiə Nazirliyi sistemində çalışmağa başlayır. O, Hərbi Elmi-Tədqiqat Mərkəzində Normativ sənədlərin işlənib hazırlanması üzrə şöbənin rəisi və Müdafiə nazirinin hərbi strateji məsələlər üzrə müşaviri vəzifələrində işləyib. Həmçinin 1992-ci ildə Müdafiə nazirinin müvafiq əmri ilə 4-cü Ordu Qarnizonunun Döyüş Şöhrəti muzeyinin bazasında Hərb Tarixi Muzeyi yaradılır. Məhz Mustafa müəllim Hərb Tarixi Muzeyinin bütün normativ-hüquqi və təşkilati işlərini həyata keçirir.
1993-1997-ci illərdə polkovnik M.Məhərrəmov Müdafiə Nazirliyinin "Hərbi bilik" jurnalının idarə heyətində çalışarkən, Müdafiə Nazirliyinin hərbi dərslikləri, hərbi texnikanin istifadəsinin təlimatları, hərbi kəşfiyyatın döyüş təlimatları, ordunun nizamnaməsinin və s. normativ-hüquqi sənədlərin hazırlanmasında müstəsna rolu olub. Onun məktəbini keçən texniki ixtisaslara malik zabitlərin əksəriyyəti bu gün Azərbaycan Silahlı Qüvvələrinin tərkibində məsul vəzifələrdə xidmətini davam etdirir. 1995-ci ildə Müdafiə nazirinin müvafiq əmri ilə göstərdiyi xidmətlərə görə Mustafa müəllim "Şöhrət" ordeni ilə təltif edilib.
Mustafa müəllim hansı vəzifədə olursa-olsun, hərbi mütəxəssis kimi özünün əməli-nəzəri, elmi potensialını nümayiş etdirib.
İstefada olan polkovnik hər biri 9000 sözlük olan "Rusca-Azərbaycanca hərbi lüğət", "Azərbaycanca-rusca hərbi lüğət" və 18000 sözlük "Türkcə-Azərbaycanca hərbi lüğət" kitablarının müəllifidir.
Vəfatından öncə Mustafa Məhərrəmov 90000 sözlük olan "Türk-Fars-Ərəb-Azərbaycan hərbi lüğəti"nin üzərində çalışıb.
Polkovnik Mustafa Məhərrəmov 03.02.2004-cü ildə vəfat edib.
Diviziyanın tərkibindəki 1374-cü alayın atıcı taqımının komandiri təyin olunan Mustafa Məhərrəmov əsgərlərinin döyüş hazırlığı ilə ciddi məşğul olur, onlarda düşmənə qarşı barışmaz kin tərbiyə etməyə çalışıb. Gənc komandir alayın hücum əməliyyatlarından birində iki düşmən tankını məhv edir, neçə-neçə atəş nöqtəsini susdurur və müşahidə məntəqəsini dağıdır. Döyüşlərdə göstərdiyi xüsusi şücaətlərinə görə taqım komandırı leytenant Mustafa Məhərrəmov "Qırmızı ulduz" ordeninə layiq görülür.
Gərgin döyüşlərin birində ağır yaralanan M.Məhərrəmov müalicə almaq üçün hospitala göndərilir. Yaralarının tam sağalmasını gözləməyən gənc zabit yenidən döyüşlərə atılır və 402-ci Azərbaycan atıcı diviziyasında batareya komandir işləyən Mustafa Məhərrəmov faşizm üzərində tam qələbə çalana qədər ön sırada olaraq, ən qaynar nöqtələrdə belə öz igidliyi ilə fərqlənib.
Böyük Vətən müharibəsini qələbə ilə başa vurduqdan sonra Mustafa Məhərrəmovun komandirlik bacarığı yüksək qiymətləndirilib və onu 1951-ci ildə Leninqraddakı Topçuluq Akademiyasında təhsilini davam etdirmək üçün göndəriblər. 1956-cı ildə Akademiyanı fərqlənmə diploma ilə bitirən M.Məhərrəmov Türküstan Hərbi Dairəsində xidmətə başlayır. O, diviziya komandiri, diviziya qərargahı rəisinin müavini, Daşkənd Hərbi Məktəbində baş müəllim vəzifələrində çalışıb.
Sonralar Mustafa müəllim orduda xarici ölkə zabitlərinə dərs keçmək zərurəti ilə əlaqədar Moskva Xarici Dillər İnstitutuna daxil olur və ingilis dili ixtisası üzrə oranı müvəffəqiyyətlə bitirir. 1966-cı ildə o, Vətənə dönüb və Azərbaycan Politexnik İnstitutunun hərbi kafedrasına tədris hissə rəisi vəzifəsinə təyin edilib. Mustafa Məhərrəmov bu tədris müəssisəsində qazandığı bilik və təcrübələrini tələbələrinə öyrədib və məzunları zabit rütbəsinə təqdim edib. Burada işlədiyi dövrdə yüksək peşəkarlığı ilə seçilən Mustafa müəllim "Təhsil əlaçısı" döş nişanı ilə təltif edilib. 1979-cu ilin yanvarın 5-də SSRİ Müdafiə nazirinin təşəkkür əmri ilə ehtiyata buraxıldıqdan sonra 13 il ərzində Azərbaycan İnşaat Mühəndisləri İnstitutunda xüsusi şöbənin müdiri vəzifəsində çalışıb.
Müstəqil Azərbaycanda ordu quruculuğuna başlanan vaxtlarda ehtiyatda olan polkovnik M.Məhərrəmov Azərbaycan Respublikası Müdafiə Nazirliyi sistemində çalışmağa başlayır. O, Hərbi Elmi-Tədqiqat Mərkəzində Normativ sənədlərin işlənib hazırlanması üzrə şöbənin rəisi və Müdafiə nazirinin hərbi strateji məsələlər üzrə müşaviri vəzifələrində işləyib. Həmçinin 1992-ci ildə Müdafiə nazirinin müvafiq əmri ilə 4-cü Ordu Qarnizonunun Döyüş Şöhrəti muzeyinin bazasında Hərb Tarixi Muzeyi yaradılır. Məhz Mustafa müəllim Hərb Tarixi Muzeyinin bütün normativ-hüquqi və təşkilati işlərini həyata keçirir.
1993-1997-ci illərdə polkovnik M.Məhərrəmov Müdafiə Nazirliyinin "Hərbi bilik" jurnalının idarə heyətində çalışarkən, Müdafiə Nazirliyinin hərbi dərslikləri, hərbi texnikanin istifadəsinin təlimatları, hərbi kəşfiyyatın döyüş təlimatları, ordunun nizamnaməsinin və s. normativ-hüquqi sənədlərin hazırlanmasında müstəsna rolu olub. Onun məktəbini keçən texniki ixtisaslara malik zabitlərin əksəriyyəti bu gün Azərbaycan Silahlı Qüvvələrinin tərkibində məsul vəzifələrdə xidmətini davam etdirir. 1995-ci ildə Müdafiə nazirinin müvafiq əmri ilə göstərdiyi xidmətlərə görə Mustafa müəllim "Şöhrət" ordeni ilə təltif edilib.
Mustafa müəllim hansı vəzifədə olursa-olsun, hərbi mütəxəssis kimi özünün əməli-nəzəri, elmi potensialını nümayiş etdirib.
İstefada olan polkovnik hər biri 9000 sözlük olan "Rusca-Azərbaycanca hərbi lüğət", "Azərbaycanca-rusca hərbi lüğət" və 18000 sözlük "Türkcə-Azərbaycanca hərbi lüğət" kitablarının müəllifidir.
Vəfatından öncə Mustafa Məhərrəmov 90000 sözlük olan "Türk-Fars-Ərəb-Azərbaycan hərbi lüğəti"nin üzərində çalışıb.
Polkovnik Mustafa Məhərrəmov 03.02.2004-cü ildə vəfat edib.
