Oktyabrın 21-i Azərbaycan Respublikasının əməkdar elm xadimi, Humboldt mükafatı alan ilk azərbaycanlı, professor Məsud Arif oğlu Əfəndiyevin 71 yaşı tamam oldu.
Əfəndiyev Məsud 1953-cü ildə Azərbaycan Respublikasının Zaqatala rayonunda dünyaya gəlib. O, 1970-ci ildə Zaqatala şəhərindəki Şıxəli Qurbanov adına məktəbi qızıl medalla bitirərək Azərbaycan Dövlət Universitetinin (indiki BDU) Mexanika-riyaziyyat fakültəsinə qəbul olunub. İki il təhsil aldıqdan sonra Məsud Əfəndiyev təhsilini M.Lomonosov adına Moskva Dövlət Universitetində davam etdirib və uğurla namizədlik, sonra isə doktorluq dissertasiyalarını müdafiə edib.
1991-ci ildən hazırkı dövrədək Almaniyada yaşayan alim ölkənin müxtəlif universitetlərində (Münhen, Ştutqart, Berlin) sevdiyi peşəni tədris edir.
2005-ci ildə o, Yaponiyanın nüfuzlu “Japan Society for the Promotion of Science – JSPS” təşkilatının mükafatına layiq görülüb.
M.Əfəndiyev postsovet məkanında dünyanın altı aparıcı elmi jurnalının redaksiya heyətinin üzvü olan yeganə riyaziyyatçı alimdir. O, dünya elmində ən yüksək təltiflərdən hesab edilən, “kiçik Nobel mükafatı” adlandırılan, Almaniya hökumətinin təsis etdiyi “Aleksander fon Humboldt” mükafatına layiq görülən ilk azərbaycanlı laureat olaraq tarixdə iz qoyub.
2014-cü ildə Münxendə professor M.Əfəndiyevin 60 illiyinə həsr olunan “Biologiya, fizika və mexanikada qeyri-xətti təzahür” beynəlxalq konfransı keçirilib.
Alim on aparıcı beynəlxalq jurnalların redaksiya şuralarının üzvü olmaqla bərabər “International Journal of Biomathematics and Biostatistics” jurnalının baş redaktoru, həmçinin Yaponiya, Almaniya, ABŞ, Kanada və İsveçrədə nəşr olunan 7 kitabin müəllifidir.
Müxtəlif xarici dil biliyinə malik olan alimin son iki kitabı 2018-ci ildə “Springer” nəşriyyatında çap olunub.
2018-2019-cu illərdə professor Məsud Əfəndiyev Kanadanın bir sıra universitetlərində (Toronto, Fields, Vaterloo) “Riyazi biologiya” fənni üzrə mühazirələr etmişdir.
Fizika-riyaziyyat elmləri doktoru, professor Məsud Əfəndiyev hazırda Almaniyanın Münxen şəhərində “Helmholtz” Elmi-Tədqiqat Mərkəzində “Dinamik sistemlər” şöbəsinin müdiri vəzifəsində çalışır.
Aparıcı beynəlxalq jurnallarda alimin 160-dan çox məqaləsi dərc edilmişdir.
21 aprel 2022-ci ildə Azərbaycan Respublikasının Prezidenti İlham Əliyev tərəfindən Elm sahəsində nailiyyətlərinə və Azərbaycan diasporunun inkişafında xidmətlərinə görə professor Məsud Əfəndiyev “Əməkdar elm xadimi” fəxri adına layiq görülmüşdür.
Alim müntəzəm olaraq Azərbaycana gələrək müxtəlif elm və ali təhsil müəssisələrində mühazirə, seminar və master-klasslar təşkil edir. Professor Məsud Əfəndiyev Bakıdakı Qərbi Kaspi Universitetinin fəxri doktorudur.
Beynəlxalq aləmdə tanınmış riyaziyyatçı alimi yubileyi münasibətilə təbrik edir, sağlamlıq və uğurlarının davamlı olmasını arzulayırıq.
Məlumatı tərtib etdi: AMEA-nın Arxeologiya, Etnoqrafiya və Antropologiya İnstitutunun elmi işçisi Bədircahan Məmmədova
Əfəndiyev Məsud 1953-cü ildə Azərbaycan Respublikasının Zaqatala rayonunda dünyaya gəlib. O, 1970-ci ildə Zaqatala şəhərindəki Şıxəli Qurbanov adına məktəbi qızıl medalla bitirərək Azərbaycan Dövlət Universitetinin (indiki BDU) Mexanika-riyaziyyat fakültəsinə qəbul olunub. İki il təhsil aldıqdan sonra Məsud Əfəndiyev təhsilini M.Lomonosov adına Moskva Dövlət Universitetində davam etdirib və uğurla namizədlik, sonra isə doktorluq dissertasiyalarını müdafiə edib.
1991-ci ildən hazırkı dövrədək Almaniyada yaşayan alim ölkənin müxtəlif universitetlərində (Münhen, Ştutqart, Berlin) sevdiyi peşəni tədris edir.
2005-ci ildə o, Yaponiyanın nüfuzlu “Japan Society for the Promotion of Science – JSPS” təşkilatının mükafatına layiq görülüb.
M.Əfəndiyev postsovet məkanında dünyanın altı aparıcı elmi jurnalının redaksiya heyətinin üzvü olan yeganə riyaziyyatçı alimdir. O, dünya elmində ən yüksək təltiflərdən hesab edilən, “kiçik Nobel mükafatı” adlandırılan, Almaniya hökumətinin təsis etdiyi “Aleksander fon Humboldt” mükafatına layiq görülən ilk azərbaycanlı laureat olaraq tarixdə iz qoyub.
2014-cü ildə Münxendə professor M.Əfəndiyevin 60 illiyinə həsr olunan “Biologiya, fizika və mexanikada qeyri-xətti təzahür” beynəlxalq konfransı keçirilib.
Alim on aparıcı beynəlxalq jurnalların redaksiya şuralarının üzvü olmaqla bərabər “International Journal of Biomathematics and Biostatistics” jurnalının baş redaktoru, həmçinin Yaponiya, Almaniya, ABŞ, Kanada və İsveçrədə nəşr olunan 7 kitabin müəllifidir.
Müxtəlif xarici dil biliyinə malik olan alimin son iki kitabı 2018-ci ildə “Springer” nəşriyyatında çap olunub.
2018-2019-cu illərdə professor Məsud Əfəndiyev Kanadanın bir sıra universitetlərində (Toronto, Fields, Vaterloo) “Riyazi biologiya” fənni üzrə mühazirələr etmişdir.
Fizika-riyaziyyat elmləri doktoru, professor Məsud Əfəndiyev hazırda Almaniyanın Münxen şəhərində “Helmholtz” Elmi-Tədqiqat Mərkəzində “Dinamik sistemlər” şöbəsinin müdiri vəzifəsində çalışır.
Aparıcı beynəlxalq jurnallarda alimin 160-dan çox məqaləsi dərc edilmişdir.
21 aprel 2022-ci ildə Azərbaycan Respublikasının Prezidenti İlham Əliyev tərəfindən Elm sahəsində nailiyyətlərinə və Azərbaycan diasporunun inkişafında xidmətlərinə görə professor Məsud Əfəndiyev “Əməkdar elm xadimi” fəxri adına layiq görülmüşdür.
Alim müntəzəm olaraq Azərbaycana gələrək müxtəlif elm və ali təhsil müəssisələrində mühazirə, seminar və master-klasslar təşkil edir. Professor Məsud Əfəndiyev Bakıdakı Qərbi Kaspi Universitetinin fəxri doktorudur.
Beynəlxalq aləmdə tanınmış riyaziyyatçı alimi yubileyi münasibətilə təbrik edir, sağlamlıq və uğurlarının davamlı olmasını arzulayırıq.
Məlumatı tərtib etdi: AMEA-nın Arxeologiya, Etnoqrafiya və Antropologiya İnstitutunun elmi işçisi Bədircahan Məmmədova
