“Gənc hüquq müdafiəçiləri” müsabiqəsinin final mərhələsində iştirak etmək hüququnu qazanan komandalar üçün təlimlər keçirilib.
Bakı Şəhəri üzrə Təhsil İdarəsindən (BŞTİ) bildirilib ki, təlimlərin keçirilməsində əsas məqsəd şagirdlərdə təməl hüquqi biliklərin formalaşdırılması, eləcə də onların müsabiqənin final mərhələsinə hazırlığının təmin olunmasıdır.
Azərbaycan Respublikası Ali Məhkəməsində və Məktəb-Lisey Kompleksində keçirilən təlimlər zamanı vəkil Rəhim Həsənzadə və “Femida Könüllüləri” Təşkilatı İctimai Birliyinin mətbuat katibi Aydan İsmayılova “Cinayət hüququ” və “Natiqlik bacarıqları” mövzuları üzrə şagirdlərə geniş məlumat veriblər.
Həmçinin təlimlərdə müvafiq mövzular ətrafında müzakirələr aparılıb, iştirakçıları maraqlandıran suallara aydınlıq gətirilib.
Qeyd edək ki, BŞTİ-nin “Femida Könüllüləri” Təşkilatı İctimai Birliyi və Avropa Hüquqşünas Tələbələr Assosiasiyası-Bakı İctimai Birliyi (“ELSA Azərbaycan”) ilə birgə əməkdaşlığı çərçivəsində keçirilən müsabiqədə idarənin tabeliyindəki ümumi təhsil müəssisələrinin X-Xl sinif şagirdləri və hüquq ixtisası üzrə təhsil alan tələbələr iştirak edirlər. Müsabiqə gənc nəslin qanuna hörmət ruhunda formalaşdırılması, vətəndaş cəmiyyətinin əsaslarının möhkəmləndirilməsinə, hüquqi savadlılığın artmasına töhfə verilməsi məqsədilə keçirilir.
Bakı şəhəri 193 nömrəli tam orta məktəb, Məktəb-Lisey Kompleksi, Tərəqqi və 291 nömrəli Ekologiya liseylərinin şagirdlərindən ibarət komandalar finala vəsiqə qazanıblar. Müsabiqənin final turu Azərbaycan Respublikası Ali Məhkəməsində təşkil ediləcək.
Bakı Şəhəri üzrə Təhsil İdarəsindən (BŞTİ) bildirilib ki, təlimlərin keçirilməsində əsas məqsəd şagirdlərdə təməl hüquqi biliklərin formalaşdırılması, eləcə də onların müsabiqənin final mərhələsinə hazırlığının təmin olunmasıdır.
Azərbaycan Respublikası Ali Məhkəməsində və Məktəb-Lisey Kompleksində keçirilən təlimlər zamanı vəkil Rəhim Həsənzadə və “Femida Könüllüləri” Təşkilatı İctimai Birliyinin mətbuat katibi Aydan İsmayılova “Cinayət hüququ” və “Natiqlik bacarıqları” mövzuları üzrə şagirdlərə geniş məlumat veriblər.
Həmçinin təlimlərdə müvafiq mövzular ətrafında müzakirələr aparılıb, iştirakçıları maraqlandıran suallara aydınlıq gətirilib.
Qeyd edək ki, BŞTİ-nin “Femida Könüllüləri” Təşkilatı İctimai Birliyi və Avropa Hüquqşünas Tələbələr Assosiasiyası-Bakı İctimai Birliyi (“ELSA Azərbaycan”) ilə birgə əməkdaşlığı çərçivəsində keçirilən müsabiqədə idarənin tabeliyindəki ümumi təhsil müəssisələrinin X-Xl sinif şagirdləri və hüquq ixtisası üzrə təhsil alan tələbələr iştirak edirlər. Müsabiqə gənc nəslin qanuna hörmət ruhunda formalaşdırılması, vətəndaş cəmiyyətinin əsaslarının möhkəmləndirilməsinə, hüquqi savadlılığın artmasına töhfə verilməsi məqsədilə keçirilir.
Bakı şəhəri 193 nömrəli tam orta məktəb, Məktəb-Lisey Kompleksi, Tərəqqi və 291 nömrəli Ekologiya liseylərinin şagirdlərindən ibarət komandalar finala vəsiqə qazanıblar. Müsabiqənin final turu Azərbaycan Respublikası Ali Məhkəməsində təşkil ediləcək.
