Noyabrın 3-də Nizami rayonunun Mərkəzləşdirilmiş Kitabxana Sisteminin 5 saylı filialında yazıçı-jurnalist, hərbi marşlar müəllifi Minaxanım Əkrəmqızının "Zəfər Günü"nə həsr edilmiş yaradıcılıq gecəsi keçirildi. Tədbirdə yazıçı-publisist İradə Əlili, hərbi mövzuda ixtisaslaşan, hər iki Vətən Müharibəsinin qəhrəmanları haqda kitabların müəllifi Əntiqə xanım Qonaq, 1-ci Qarabağ savaşının veteranı Ruxsarə xanım, Bakı şəhər Baş Mədəniyyət İdarəsinin Nizami rayon MKS-nin 5 saylı direktoru Sevil xanım Əliyeva, MKS-nin 5 və 2 saylı əməkdaşları, "AYMEDİACOMPANY.az" portalının rəhbəri Almaz xanım Yaşar və digər dəvət olunan qonaqlar iştirak etdilər.
Yaradıcılıq gecəsində Minaxanım Əkrəmqızı Vətən Müharibəsinin qəhrəmanlarına həsr etdiyi bir neçə yeni şeirini səsləndirdi. Sonra söz, "44 günlük savaşın 444 cəngavəri" kitabının müəllifi Əntiqə xanım Qonağa verildi. O, ürək ağrısıyla əziz canlarını Vətənin azadlığı uğrunda fəda etmiş qəhrəman igidlərimizdən danışdı. Diğər çıxışçılar, veteran-döyüşçü Ruxsarə xanım, yazıçı-publisist İradə Əlili, "AYMEDİACOMPANY"-nin təsisçisi Almaz Yaşar gələcək nəsillərin vətənpərvər ruhda tərbiyənləndirilməsində müharibə iştirakçılarının qəhrəmanllqlarının əbədiləşdirilməsinin əhəmiyyətini xüsusi vurquladılar. Sonda Minaxanım Əkrəmqızı yaradıcılıq gecəsinin keçirilməsində verdikləri dəstəyə görə kitabxana rəhbərliyinə minnətdarlığını bildirərək hamını Şanlı Zəfər Bayramı münasibətilə təbrik etdi.
AZƏRBAYCAN!!!
Azərbaycan,
Tarix-tarix alovlara qalandın,
Azərbaycan,
Oddan, sudan, gözəllikdən yarandın.
Sən cəlladlar, qaniçənlər Caynağında zaman-zaman əzildin,
Sən ikili oyunların gedişində
Qıyma-qıyma doğrandın,
Parça-parça kəsildin.
Azərbaycan
Səni belə sevmək azdı,
Canım, qanım Azərbaycan,
İgid, ərən oğulların
Canın sənə qurban deyib
Neçə-neçə tarix yazdı
Şah damarım Azərbaycan!!!
Sən igidlər vətəni,
Qəhrəmanlar oylağı,
Min fitnəylə girdiyi
Torpağımda, daşımda
Səksəkədə yaşasın
Rahat olmasın yağı.
Yad közündə qaynayan
Onun tərsa aşını
Boğazında durdurub,
Zəhərə döndərəcək
Oğullar ayaqdadı.
Yad damında, daşında
Binə salıb qurduğu,
Evim deyib durduğu
Özgənin ocağını
başına dağıdacaq
Oğullar ayaqdadı.
Hələ düşmən başında
Od olub, alov olub,
Şimşək kimi çaxacaq,
Şəhid oğullarımın
Pərişan ruhlarına,
Yaralı Vətənimin
Sızlayan yarasına
VƏTƏN!!! hay-harayıyla,
Təpəriylə, qanıyla
Məlhəm ola biləcək
Oğullar ayaqdadı.
Bir gecədə doğulur
Nübarizlər, Fəridlər,
Bir gecədə doğulur
Yüz qəhrəman Əliflər!!!
Azərbaycan,
Səni belə sevmək azdı
Canım, qanım Azərbaycan.
İgid, ərən oğulların
Canın sənə qurban deyib
Neçə-neçə tarix yazdı
ŞAH DAMARIM AZƏRBAYCAN!!!
Minaxanım Əkrəmqızı 2010
Rüstəm Rüstəmov
AYMEDİACOMPANY.AZ
