Xocalı soyqırımının 33-cü ildönümü ilə əlaqədar İsveçdə videokonfrans keçirilib. Tədbir “Qobustan Azərbaycan Aydınlar Ocağı” dərnəyinin sədri Səadət Kərimi tərəfindən təşkil olunub.
İsveç, Norveç, Azərbaycan, Türkiyə və Rusiyadan 40-a yaxın qonağın iştirak etdiyi tədbir Azərbaycanın Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla anılması ilə başlayıb.
Konfransın məruzəçisi - Azərbaycan Yazıçılar Birliyinin İsveçdə yaşayan fəxri sədri, İraq-Türkman Yazarlar Birliyinin fəxri üzvü, İsveçdə "Fri Ord" (Azad Söz) dərnəyinin sədri, onlarla kitabın müəllifi yazıçı Eluca Atalı çıxışında əsasında tamaşa qurulan və bir neçə dilə tərcümə olunan “Tigranizm Xocalıda” kitabı barədə danışıb. Bildirib ki, kitabın ilk fəsli eramızın 50-60-cı illərində Roma imperiyasının zəiflədiyi zaman Roma ordusunda erməni mənşəli sərkərdə olan Tigranın bu fürsətdən istifadə edərək imperiyanın bir hissəsini "erməni dövləti" adlandırması ilə başlayır. Kitabda ermənilərin Qarabağa iddiası, Xocalıda törədilən vəhşiliklər, xarici mətbuatın Xocalı soyqırımına münasibəti işıqlandırılıb.
Çıxışını "Təkrarlanan tariximizə bir baxış və çıxış yolu" istiqamətində quran müəllif bildirib: “Yurdumuz qayıtdı, yurdumuza qayıtdıq. Amma Xocalı bizim üçün yalnız yurd məsələsi yox, həm də ləyaqət məsələsi olduğu üçün “Xocalıya ədalət!” tələbimizi davam etdirməliyik”.
Konfrans iştirakçısı - Rusiyada yaşayan diaspor nümayəndəsi Xatirə Qəmbərova çıxışında Azərbaycanın ağır sınaqlardan keçib şəhidlərimizin qanı bahasına alınan torpaqlarımızdan söz açıb.
“Diasporun üzərinə düşən əsas vəzifə ana dilimizi qorumaq, başımıza gələn hadisələri və şanlı tariximizi gələcək nəsillərə ötürmək, həmçinin Azərbaycanın haqq səsini dünyaya çatdırmaqdır”, - deyə X.Qəmbərova vurğulayıb.
Milli Qəhrəman Polad Həşimovun bacısı Kəmalə Həşimova konfransda çıxış edərək deyib: “Qardaşım 17 yaşından savaşda iştirak edib. Bu gün sevinirəm ki, uğrunda qanını tökdüyü torpaqlar geri qaytarılıb”.
Sonda E.Atalı tarixi hadisələrimizə dair bədii ədəbiyyatın yazılmasının, pyeslərin səhnələşdirilməsinin və filmlərin çəkilməsinin önəmini vurğulayıb.
AZƏRTAC
İsveç, Norveç, Azərbaycan, Türkiyə və Rusiyadan 40-a yaxın qonağın iştirak etdiyi tədbir Azərbaycanın Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla anılması ilə başlayıb.
Konfransın məruzəçisi - Azərbaycan Yazıçılar Birliyinin İsveçdə yaşayan fəxri sədri, İraq-Türkman Yazarlar Birliyinin fəxri üzvü, İsveçdə "Fri Ord" (Azad Söz) dərnəyinin sədri, onlarla kitabın müəllifi yazıçı Eluca Atalı çıxışında əsasında tamaşa qurulan və bir neçə dilə tərcümə olunan “Tigranizm Xocalıda” kitabı barədə danışıb. Bildirib ki, kitabın ilk fəsli eramızın 50-60-cı illərində Roma imperiyasının zəiflədiyi zaman Roma ordusunda erməni mənşəli sərkərdə olan Tigranın bu fürsətdən istifadə edərək imperiyanın bir hissəsini "erməni dövləti" adlandırması ilə başlayır. Kitabda ermənilərin Qarabağa iddiası, Xocalıda törədilən vəhşiliklər, xarici mətbuatın Xocalı soyqırımına münasibəti işıqlandırılıb.
Çıxışını "Təkrarlanan tariximizə bir baxış və çıxış yolu" istiqamətində quran müəllif bildirib: “Yurdumuz qayıtdı, yurdumuza qayıtdıq. Amma Xocalı bizim üçün yalnız yurd məsələsi yox, həm də ləyaqət məsələsi olduğu üçün “Xocalıya ədalət!” tələbimizi davam etdirməliyik”.
Konfrans iştirakçısı - Rusiyada yaşayan diaspor nümayəndəsi Xatirə Qəmbərova çıxışında Azərbaycanın ağır sınaqlardan keçib şəhidlərimizin qanı bahasına alınan torpaqlarımızdan söz açıb.
“Diasporun üzərinə düşən əsas vəzifə ana dilimizi qorumaq, başımıza gələn hadisələri və şanlı tariximizi gələcək nəsillərə ötürmək, həmçinin Azərbaycanın haqq səsini dünyaya çatdırmaqdır”, - deyə X.Qəmbərova vurğulayıb.
Milli Qəhrəman Polad Həşimovun bacısı Kəmalə Həşimova konfransda çıxış edərək deyib: “Qardaşım 17 yaşından savaşda iştirak edib. Bu gün sevinirəm ki, uğrunda qanını tökdüyü torpaqlar geri qaytarılıb”.
Sonda E.Atalı tarixi hadisələrimizə dair bədii ədəbiyyatın yazılmasının, pyeslərin səhnələşdirilməsinin və filmlərin çəkilməsinin önəmini vurğulayıb.
AZƏRTAC
