1990-cı il yanvarın 19-dan 20-nə keçən gecə Sovet ordusu Bakıya yeridildi. Dinc əhaliyə qarşı ağır silahlardan istifadə olundu. Qadın, uşaq, yaşlı demədən yüzlərlə insan qətlə yetirildi və yaralandı. Bu hadisə Azərbaycan tarixində Qanlı Yanvar kimi yadda qaldı.
20 Yanvar Şəhidləri Azərbaycan xalqının azadlıq və müstəqillik uğrunda verdiyi ən müqəddəs qurbanlardır.
20 Yanvar Şəhidləri
Vətənin azadlığı,
müstəqilliyi,
xalqın şərəf və ləyaqətinin qorunması
uğrunda canlarını fəda etdilər.
20 Yanvar faciəsi sübut etdi ki, Azərbaycan xalqı azadlıq yolundan dönməyəcək. Bu hadisə milli oyanışın, birlik və mübarizə ruhunun zirvəsi oldu və 1991-ci ildə dövlət müstəqilliyimizin bərpasına aparan yolun başlanğıcı sayılır.
Ən yeni tariximizin şərəfli səhifələrindən biri hesab olunan 20 Yanvar faciəsinin 36-cı ildönümü ilə bağlı silsilə tədbirlər keçirilib.
Belə tədbirlərdən biri də N.Nərimanov adına Sumqayıt Mədəniyyət Mərkəzinin tabeliyində olan Şəhər Mədəniyyət Evində “20 Yanvar - Arzumuzun Azadlıq Günü, Azadlığımızın Zirvə Günüdür” adlı ədəbi-bədii gecə keçirilib. Tədbir Azərbaycan Respublikasının Dövlət Himninın səslənməsi ilə başlanıb. Ölkəmizin müstəqilliyi və torpaqlarımızın bütövlüyü uğrunda canlarından keçən Şəhidlərimizin əziz xatirəsi bir dəqiqəlik sükutla yad edilib.
Aparıcı, “Veteranlar” xalq xorunun konsertmeysteri Vəliyeva Turanə 20 yanvar hadisələri haqqında məlumat verib.
Tədbirdə Azərbaycan Yazıçılar Birliyi Sumqayıt bölməsinin sədri Gülnarə Cəmaləddin, Azərbaycan Respublikası Şəhid Ailələrinə “Qayğı” Cəmiyyətinin Sumqayıt şəhər təşkilatının sədri H.Seyid Əfəndi, "Azərbaycan Vətən Müharibəsi Veteranları" İctimai Birliyinin nümayəndələri- kapitan Fəxrəddin Behbudov, polkovnik Zeydulla Mustafayev 20 Yanvar hadisəsinin xalqımızın qəhrəmanlıq salnaməsi və bu hadisənin müstəqilliyimizə, azadlığa gedən yol olduğunu, inam, sınaq və qürur günü kimi yadda qaldığını çıxışlarında qeyd ediblər. Bədii qiraət dərnəyinin üzvləri (bədii rəhbər Aslanova Kəmalə)20 yanvar faciəsinə həsr edilmiş şeirlər, kompozissiya nümayiş etdiriblər. İfaçı Mirzə Bağıyev “ Amin”, “Çırpınırdı Qara dəniz,” “Veteranlar”xalq xoru (konsertmeyster Vəliyeva Turanə və drijor Nərimanov İlham) “Ölkəm” romansını ifa ediblər. Rəssamlıq dərnəyinin üzvlərinin əl işləri, videoçarx nümayiş olunub.
Tədbirdə ictimaiyyət nümayəndələri, KİV, veteranlar, məktəblilər iştirak edirdilər.
20 Yanvar - qürur və kədərin birləşdiyi gün.
Bütün Şəhidlərimizin xatirəsini ehtiramla yad edirik!
"AYMEDİACOMPANY.AZ"
