Azərbaycanın gənc və istedadlı simalarından biri, tanınmış model, aktyor və media sahəsinin fəal nümayəndələrindən olan Samir Nağızadeh yaradıcılıq fəaliyyətində mühüm bir mərhələyə imza atıb. O, uzun müddətdir üzərində çalışdığı və oxucuların böyük səbirsizliklə gözlədiyi "Səhnə Sənin" adlı yeni kitabını rəsmən təqdim edib.
Şou-biznes, modellik və aktyorluq dünyasına ilk addımını atmaq, bu sahədə uğur qazanmaq istəyən gənclər üçün əsl stolüstü kitab mahiyyəti daşıyan bu əsər, sadəcə nəzəri biliklərlə məhdudlaşmır. Kitabda Samir Nagizadeh öz şəxsi təcrübələrinə, sənət yolunda qarşılaşdığı real çətinliklərə və bu çətinliklərin öhdəsindən necə gəldiyinə geniş yer ayırib. Sektorun içindən biri kimi oxuculara bələdçilik edən müəllif, kulis arxasında baş verənləri, şou-biznesin gizli tərəflərini və peşəkar səhnədə ayaqda qalmağın sirlərini açıqlayır.
Əsərdə xüsusilə gənc istedadların ən çox səhv etdikləri məqamlara, kastinglərdə və seçimlərdə diqqət edilməli olan qaydalara toxunulub. Müəllif bildirir ki, məqsədi bu sahəyə gəlmək istəyən hər kəsə doğru istiqamət vermək, onların daha az səhv edərək qısa müddətdə özlərinə yer qazanmalarına kömək etməkdir.
İşıq üzü görən kimi həm oxucular, həm də sənətsevərlər tərəfindən böyük maraq və rəğbətlə qarşılanan "Səhnə Sənin" kitabı, artıq qısa müddətdə sosial şəbəkələrdə və oxucu dairələrində də ən çox müzakirə olunan mövzulardan birinə çevrilib. Kitabın yaxın günlərdə imza günlərinin və xüsusi təqdimat mərasimlərinin də keçirilməsi nəzərdə tutulur.
Samir Nağızadə kimdir? Gənc aktyorun həyatı, oyunculuq karyerası və layihələri
Azərbaycanın gənc və istedadlı simalarından biri, kino və teatr sahəsindəki fəaliyyəti ilə tanınan Samir Nağızadə yaradıcılıq yolu və rol aldığı layihələrlə izləyicilərin diqqətini çəkməyi bacarıb. Geniş kütlənin marağına səbəb olan gənc aktyorun həyatı və sənət yolu kifayət qədər maraqlı məqamlarla zəngindir.
Həyatı və Təhsil Yolu
Samir Nağızadə 1997-ci ilin sentyabr ayında Naxçıvanın Nehrəm qəsəbəsində anadan olub. Orta təhsilini doğma qəsəbəsində başa vuran gənc, 2014-cü ildə liseyi bitirdikdən sonra aktyorluq təhsili alaraq müvafiq diplom sahibi olub. Sənətə olan marağı onu bu sahədə peşəkar addımlar atmağa sövq edib.
Kino və Televiziya Karyerası:
Oyunçuluq karyerasına kiçik rollarla start verən Samir, zamanla daha böyük və diqqətçəkən layihələrdə yer almağa başlayıb. Onun karyerasında mühüm dönüm nöqtələrindən biri Azərbaycanda çəkilən "Lates Movie" adlı Bollivud filmində döyüşçü kimi iştirak etməsi olub. Bu filmdəki performansı ona aktyorluq sahəsində yeni və daha geniş imkanlar qazandırıb.
O, müxtəlif illərdə bir sıra tanınmış film və seriallarda da uğurlu obrazlar yaradıb:
"Qız qaçırtma" filmində rol alıb.
"Faili Meçhul" serialında Həsən xarakterini canlandırıb.
"Yol Ayrımı" serialında köməkçi aktyor kimi çıxış edib.
Teatr Fəaliyyəti:
Kino ekranları ilə yanaşı teatr səhnəsində də qüvvəsini sınayan Samir Nağızadə "Cırtdan Mega Show" teatrında Mim karakterini uğurla canlandırıb.
Çoxşaxəli fəaliyyəti, rol aldığı müxtəlif səpgili layihələri və sənətə olan sevgisi ilə Samir Nağızadə gənc nəsil aktyorlar arasında özünəməxsus yer tutmağa davam edir.
"AYMEDİACOMPANY.AZ"
