İranın xarici işlər naziri Abbas Araqçı ölkəsinin İsraillə genişmiqyaslı müharibəyə hazır olduğunu bəyan edib.

Bu sözləri nazir Portuqaliyanın “Diario de Noticias” qəzetinə açıqlamasında deyib.

“İran regionda eskalasiyaya can atmır, lakin özünü müdafiə edə bilər. İran İsraillə müharibəyə hazır olsa da, bunu istəmir. Biz israillilərdən fərqli olaraq bölgədə gərginlik tərəfdarı deyilik. Təbii ki, biz müharibəyə, hətta irimiqyaslı müharibəyə də hazırıq. Amma bu bizim istəyimiz və seçimimiz deyil. İsrail tərəfi bu variantı seçsə, biz buna tam hazırıq”, - deyə o bildirib.