Sentyabrın 16-da "Harmoniya" otelinin konfrans zalında, "Qeyri Hökumət Təşkikatlarına Dövlət Dəstəyi" Agentliyinin maliyyə dəstəyi, "Gənclərin Töhvəsi" İctimai Birliyinin təşkilatçılığı, "Azərbaycan-Türkiyə Qida Təhlükəsizliyi" İctimai Birliyinin tərəfdaşlığı ilə "Sağlam Qidalanma və Qida Təhlükəsizliyi"nə həsr edilmiş 2-ci Respublika Forumu keçirildi. "Azərbaycan-Türkiyə Qida Təhlükəsizliyi" İctimai Birliyinin rəhbəri Forum iştirakçılarını salamlayaraq qida təhlükəsizliyinin sağlam nəslin yetişməsində önəmindən danışdı. Daha sonra söz millət vəkilli Vüqar İskəndərova verildi.O da qida təhlükəsizliyi sahəsində dövlətin gördüyü işlərdən bəhs edərək gələcəkdə Respublika vətəndaşlarının sağlamlığını qoruyan yeni qanunların qəbul edilməsinin zəruriliyini xüsusi vurquladı.Tədbirdə Dövlət Qida Təhlükəsizliyi Agentliyinin nümayəndəsi Qumru Hüseynova, Ekologiya və Təbii Sərvətlər Nazirliyinin şöbə müdiri Elnur İbrahimov, "Azad İstehlakçılar" Birliyinin sədri Eyyub Hüseynov, İlahiyyat İnstitunun kafedra müdiri Əhməd Niyazov, ölkə ictimaiyyətini təmsil edən digər hörmətli qonaqlar iştirak etdilər. Forumun 2-ci hissəsində maraqlı panel çıxışları oldu. AİB-in sədri Eyyub Hüseynovun çıxışı xüsusi maraqla qarşılandı. Belə ki, Eyyub müəllimin misal gətirdiyi beynəlxaıq mənbələrə istinadən Azərbaycan Respublikası uzunömürlüyə görə dünyada 120-ci yeri tutur. O, qeyd etdi ki, bu xoşa gəlməz amil birbaşa əhalimizin qida təhlükəsizliyi ilə bağlıdı. Ölkəyə gətirilən QMO(geni dəyişdirilmiş)tərkibli məhsullar aşkar edilərək satışdan çıxarılmalldır. Əks halda, gənc nəslin sağlamlığı təhlükə altında qala bilər.

Forum gedişatında qonaq və iştirakçılara fəxri diplom və sertifikatlar verildi.

Rüstəm Rüstəmov
"AYMEDİACOMPANY.AZ"