Beynəlxalq ekspertlər və yerli media işçilərinin sülh prosesi barədə fikirləri məqalələri vasitəsilə səsləndirildi. Ermənistan Media qurumlarını sülh prosesinə cəlb etmək üçün monitorinq keçirilməsi haqqında məlumat verildi. Müharibənin bitməsindən sonra qarşıdaki sülhquruculuğu prosesinə medianın necə təsirli bir vasitə olduğu diqqətə çatdırıldı.
Təbii, bizdən fərqli olaraq informasiya müharibəsində erməni media qurumları nifrət paylaşımları etdi. Bunun bariz nümunəsi olaraq Şuşada keçirilən media forumuna, ermənilərin Beynəlxalq jurnalistlər birliyinə etiraz etməsi ən yaxşı misal ola bilər. Belə ki, Şuşada keçirilən tədbirə 11 erməni media qurumu öz etirazını bildirmişdi. Eynilə də az sayda erməni media qurumları sülh prosesinə dəstək olublar, ancaq media və xalq tərəfindən erməni cəmiyyətində az qalsın linç ediləcək qədər qınanılıblar. Baxmayaraq ki, Azərbaycan və Ermənistan arasında sülh müqaviləsi imzalanmayıb, ancaq gözlənilən olduğu üçün bu prosesdə medianın rolu və yol trakyektoriyası qarşıya qoyulan ümumi prioritetlərdəndir.
Daha sonra Əməkdar jurnalist, "BAYRAQDAR MEDİA"-nın baş redaktoru Azər Həsrət, Mətbuat Şurası İdarə Heyətinin üzvü Yeganə Hacıyeva, "Aymediacompany.az” saytının Baş redaktor müavini Rüstəm Rüstəmov, Mədəniyyət şöbəsinin müdiri Fərid Əmiraslanov və bir çox media qurumları əməkdaşları mövzu haqqında fikirlərini bölüşdülər. Gələcəkdə də informasiya və media sahəsində çalışan əməkdaşların daha da inkişafı və beynəlxalq arenada aktiv çalışmalarını təmin etmək üçün müntəzəm bu tipli maarifləndirici tədbirlərin keçiriləcəyi vurğulandı.
Fərid Əmiraslanov
"AYMEDİACOMPANY.AZ" mədəniyyət şöbəsinin müdiri
