Sentyabrın 23-də Mətbuat Şurasının inzibati binasında Azərbaycan Respublikasının Qeyri-Hökumət Təşkilatlarına Dövlət Agentliyinin dəstəyi ilə Azərbaycan Jurnalistləri Həmrəylik Komitəsi İctimai Birliyinin "Uşaqlar haqqında infornasiya yayımının şərtləri" mövzusunda tədbir keçirildi.
İlk öncə çıxış üçün söz AYHK-si İctimai Birliyinin sədri, "Həsən bəy Zərdabi" və "Qızıl Qələm" mükafatlarının laureatı Mədət Məmmədova verildi. Mədət müəllim çıxışında ölkəmizin sağlam gələcəyi üçün bu mövzunun aktuallığını xüsusi vurqulayaraq, uşaqlar haqqında məlumat yayan media qurumlarının məsuliyyətli olmağa çağırdı. Onun sözlərinə görə: "Ehtiyatsız yayım uşaqların psixoloji durumuna mənfi təsirlə yanaşı, bəzi hallarda faciəvi sonluqla nəticələnə bilər." Daha sonra Demokratik Jurnalistlər Liqasının sədri Yadigar Məmmədli çıxış etdi. O, da Uşaqların İnformasiya Təhlükəsizliyinin vacibliyindən danışaraq sosial mediada, qəzet və TV-lərdə bununla bağlı profilaktik, maarifləndirici tədbirlərin görülməsinə böyük ehtiyac olduğunu qeyd etdi.

Tədbirdə Mətbuat Şurasının İdarə Heyətinin üzvləri Müşfiq Ələsgərli, Ceyhun Musa oğlu, "AY Media Company"MMC-nin rəhbəri Alnaz Yaşar,

"AZpress.AZ" internet portalının təsisçisi Rasim Sadıxov, dəvət olunan diğər media nümayəndələri iştirak etdilər.

AYMEDİACOMPANY.AZ