Noyabırın 6-da "AYMEDİACOMPANY.az" internet portalının təşəbbüsü "Jardin" kafesinin təşkilatı dəstəyi ilə "8 Noyabr Zəfər Günü"nə həsr edilmiş tədbir keçirildi.
Tədbirdə 44 günlük Vətən Müharibəsinin Qaziləri, kafe "Jardin"in sahibi, dietoloq, xeyriyyəçi Səadət xanım Məmmədova, "AYMEDİACOMPANY.AZ" portalının təsisçi direktoru Almaz xanım Yaşar, dəvət olunan diğər qonaqlar iştirak etdilər.
Hər iki Vətən Müharibəsində canlarını fəda etmiş Şəhidlərin əziz xatirəsi 1 dəqiqəlik sükutla yad edildi. Daha sonra Azərbaycan Respublikasının Dövlət Himni səsləndirildi, Vətən Müharibəsinin müxtəlif anlarını canlandıran videoçarx göstərildi. "Jardin" kafenin meneceri, tədbirin aparıcısı Anar Ağayev qonaqları bayram süfrəsinə dəvət etdi. Ziyafət zamanı kafe "Jardin"in sahibi, Respublikanın tanınmış dietoloqu Səadət xanım Məmmədova, "Aymediacompany.az" portalının təsisçisi Almaz xanım Yaşar Vətən müharibəsi Qazilərini salamlayaraq onların torpaqlarımızın düşmən işqalından azad olunmasında misilsiz xidmətlərini qeyd etdilər. Sonra söz Qazilərə verildi.Onlar bayram tədbirinin təşkilatçılarına minnətdarlıqlarını bildirərək Vətənin keşiyində hər zaman durmağa hazır olduqlarını bəyan etdilər. Sonda "AYMEDİACOMPANY.az" və "Jardin"in rəhbərliyi 44 günlük Vətən Müharibəsi Qazilərini xatirə hədiyyələri ilə mükafatlandırdılar.
Bayram tədbirinin keçirilməsində göstərilən hərtərəfli mənəvi və maddi dəstəyə görə "AYMEDİACOMPANY.az" kafe "Jardın"in rəhbərliyinə dərin minnətdarlığını bildirir.
ZƏFƏR BAYRAMINIZ MÜBARƏK!
Rüstəm Rüstəmov
AYMEDİACOMPANY.AZ
