Gənc ömrünü vətənə bağışlayan oğullardan biri də Rəvan Mərdan oğlu Quliyev olmușdur. Doğulduğu gündən ona Rəvan adı verilmişdir, sanki hər iși daha asan, axıcı, rahat olsun deyə. Rəvan Quliyev isə əbədi olaraq vətən tarixinə rəvan oldu, yol aldı, köçdü... Ölümsüzlük çeşməsindən su içərək șəhadətə rəvan oldu, bu yolun əbədiyyət ulduzuna çevrildi. Vətənini daha yüksəkdən seyr etsin deyə, daim ucaldığın izləsin deyə... Valideynləri Neftçala rayon qeydiyyatında olsa da, tale qismətindən Șirvan şəhərində, 2001-ci ilin iyul ayının 17-də dünyaya göz açmışdı Qəhrəmanımız. 2007-ci ildə ailəsi ilə birlikdə Bakı şəhərinə köçmüş və burada Səbail rayonu 51 saylı tam orta məktəbin birinci sinfinə daxil olmuşdur. Daha sonra yenidən Neftçala rayonuna köçərək 2013-cü ildə Neftçala rayonunda, Așağı Qaramanlı kəndində təhsilini davam etdirmiş, kənd məktəbində yeddinci sinifdə təhsil almışdır. Bu sinifdə həm də Vətən müharibəsi Şəhidimiz Orucov Yunis Șaiq oğlu da təhsil alırdı. Bu iki əsgər Şəhid balalar bir kəndin, bir sinfin oğulları idi...

Bir il kənd məktəbində tahsil alan Ravan Quliyev yenidən ailəsi ilə birlikdə Bakı şəhərinə qayıtmış, 9 illik təhsilini Səbail rayon 51 saylı məktəbdə başa vurmuşdur. Daha sonra isə bərbərlik sənətini öyrənmişdir. Rəvan Quliyev ailənin iki oğul övladıdan ilki idi.

Rəvan Quliyev 7 yanvar 2020-ci il tarixində Neftçala rayon Hərbi Komissarlığından həqiqi hərbi xidmətə yola düşür. Üç ay Ağcabədi rayonunda xidmət etdikdən sonra Füzuli rayonu "N" saylı hərbi hissədə xidmətdə olmuşdur. Vətən müharibəsi bașladıqda sentyabr ayinın 27-dən Rovan Quliyev də xidmət etdiyi hərbi hissə ile birlikdə döyüşlərə qatılmıșdir. O, döyüş yoldașları ilə birlikdə Cəbrayıl, Füzuli, Zəngilan, Xocavənd, Qubadlı istiqamətində gedən döyüşlərdə iștirak etmiş, qəhrəmanlıqla vuruşmuş, 24 oktyabr 2020-ciil tarixində Füzuli rayonu istiqamətində gedən döyüşlərdə qəhrəmancasına Şəhid olmuşdur. Oktyabr ayının 25-də doğma Neftçala rayonu, Așağı Qaramanlı kəndində dəfn olunmuşdur.

Anası Aybəniz xanımın xatirələrindən: "17 iyul 2001-ci ildə dünyaya göz açan Rəvan iki oğul övladımdan ilkim idi. Qardaşı Hüseyn ondan kiçikdir. O, Şirvan şəhərində doğulsa da, biz sonradan Bakı şəhərinə köçdük və Rəvan da təhsilini Bakının Səbail rayonu 51 saylı orta məktəbdə almışdır. Yaşadığımız yeri müəyyən səbəblərdan dəyişdiyimiz üçün Rəvan 7-ci sinifdə oxuyanda Neftçala rayonuna gəldik. Elə həmin sinfi şəhid Yunis Orucovla birlikdə Aşağı Qaramanlı məktəbində oxuyub. Sonra biz yenə Bakı şəhərinə köçməli olduq. 9 illik təhsilini Bakı șəhərində başa vurdu. Onu bərbərlik sənəti üzrə usta yanına qoymuşdum. Amma özü çox istəyirdi ki, futbolçu olsun. Rəvanın əsgər gedəndə çəkisi uyğun deyildi. Aparmaq istəmirdilər. Amma özü çox arzu edirdi ki, hərbi xidmətə getsin. Deyirdi yoldaşlarımdan geri düşməyim. Biz, nənəsi ilə mən ona çox qulluq etdik, altı ay keçdi. Və Rəvan 2020-ci ilin yanvar ayının 7-da hərbi xidmətə yola düşdü.

İlk olaraq Ağcabədi şəhərində "'N" sayli hərbi hissədə xidmət edirdi. Daha sonra isə aprel ayından onları Füzuli rayonuna qaldırdılar. Vətən müharibəsi başlayanda o, elə Füzulidə idi. Elə ilk gündən xidmətdə olduğu hərbi hissənin əsgərləri ila birlikdə döyüşlərə qoșulub. Lakin bunu tamamilə bizdən gizli saxlamıșdı. Hərdən telefonla əlaqə saxlayardıq. Ela rahatlıqla danışırdı ki, heç inanmırdım ki, o döyüşdədir. "Çox yaxşıyam, ay ana!" - deyirdi, nə vaxt soruşsaydım hal-əhvalın elə deyərdi. Nə biləydim ki, balam müharibədədir. Onun əsgər olması bəlkə məni uzaqlaşdırırdı belə düşünməkdən. Düşünürdüm ki, o hərbidə hələ yenidir.. Rəvanın yanına sonuncu dəfə fevral ayında, hərbi and mərasimində getmișdik. Elə sonuncu dəfə də onda gördüm Rəvanı. Çox yaxşı uşaq idi... Ağıllı balam idi... Heç zaman sözümdən çıxmazdı... Onunla bağlı çox arzularım var idi. ALLAH bütün Şəhid analarına səbr versin. Amin."