Oktyabrın 3-də "Qarabağ Əlil Döyüşçülər Futbol Federasiyası"nın mənzil-qərargahında Federasıyanın İdarə Heyətinin yığıncağı keçirildi. Yığıncağda cari işlərin müzakirəsi ilə yanaşı QƏDFF-ın yeni Prezidentinin təyin edilməsi məsələsi çıxarıldı. Belə ki, Federasiyanın təsisçisi, Prezident Rövşən Quliyevin səhhətində yaranmış vəziyyətlə bağlı İdarə Heyətinin qərarı ilə hər iki Qarabağ müharibəsinin qazisi, Azərbaycan Bayrağı ordenli Şahin Ağayev QƏDFF-ın Prezidenti vəzifəsinə təyin edildi.
