Oktyabrın 9-da Azərbaycan Respublikasının 18110 saylı ilk hərbi hissəninin yaradılmasının 33-cü il dönümü ilə bağlı 1-ci Qarabağ Savaşının veteranları Şəhidlər Xiyabanında toplandı. Sonradan 701 saylı briqadaya çevrilən hərbi hissənin veteranları Vətənin Azadlığı uğrunda həyatlarını fəda etmiş şəhidləri yad edərək, Xiyabanda ucalan Əbədi Məşələ əklil qoydular. Briqadanın komandiri Əzizağa Qənizadə onların keçdiyi şərəfli döyüş yolundan bəhs etdi. Belə ki, 1993-cü ilin aprelində brinqadanın döyüşçüləri yağı düşmənə layiqli müqavimət göstərməsəydi, Kəlbəcərin 60 minlik əhalisi düşdüyü mühasirədən təxliyyə oluna bilməzdi. Bundan əlavə, 1994-cü ilin Ağdam rayoyunun Baş Qərvənd istiqamətində gedən ağər döyüşlərdə 701 saylı briqadanın fədakarlığı sayəsində düşmənin Yevlax körpüsünə sarı irəliləməsi dayandırıldı. Daha sonra briqadanın veteranları Aydın Şiriyev, Şahin Ağayev və başqaları şəhid döyüş yoldaşlarının xatirəsini əziz tutaraq, 2020-ci ilin 44 günlük müharibəsi nəticəsində qazanılan şanlı Zəfərimizdən danışdılar. Tədbir xatirə şəkillərinin çəkdirilməsi ilə başa çatdı.