Oktyabrın 11-də "Qarabağ - Əlil Döyüşçülər" Futbol Federasiyasının mənzil-qərargahında Azərbaycan Respublikası "Qeyri-Hökümət Təşkilatlarına Dövlət Dəstəyi Agentliyi", "Xüsusi Təyinatlıların qaziləri və Veteranları"n İctimai Birliyinin dəstəyi ilə şəhid ailələri və qazilər üçün sosial dəstək layihəsi çərçivəsində psixoloji reabilitasiya tədbiri keçirildi. Tədbirdə Xüsusi Təyinatlıların İctimai Birliyinin Abşeron rayon bölməsinin üzvləri,şəhid yaxınları iştirak etdilər. Layihənin icraçısı Gülnar Nəsibli tədbir iştirakçılarına psixoloji testlər payladı. Daha sonra psixoloq Nailə Əlişova şəhid ailə üzvləri, qazi və müharibə veteranları ilə fərdi şəkildə söhbət apardı. Hüquqşünas Əli Muradov toplantı iştirakçılarına lazımı məsləhətlər verdi. Layihə çərçivəsində paylanılan testlərin cavablarına müvafiq olaraq qazi və şəhid ailə üzvlərinin sosial problemlərini həll etmək üçün aidiyyatı qurumlara ətraflı məlumat veriləcək.

AYMEDİACOMPANY.AZ