8 noyabr tarixində Zəfər parkının açılışında iştirak edən və orada Azərbaycanın üçrəngli Dövlət Bayrağını ucaldan Prezident İlham Əliyevin xalqa müraciətində səsləndirdiyi fikirlər 44 günlük Vətən müharibəsində tarixi Zəfər qazanmağımızdan ötən dörd il ərzində keçdiyimiz yola və qalib ölkə statusunun bizə gətirdiyi siyasi, mənəvi-psixoloji üstünlüklərə nəzər salmaq, ümumiləşdirmələr aparmaq baxımından olduqca əhəmiyyətlidir. Dövlət başçımızın Azərbaycan xalqına müraciəti Zəfər ovqatımızı əks etdirən müraciətdir. Əlbıtdə ki, qalib Liderin çıxışı elə bu cür mübariz, inamlı və əzmkar ruhda olmalıydı.
Açılışı olan Zəfər tağı da qalibiyyət ruhumuzun təntənəsidir, Azərbaycan xalqının qəhrəmanlığının simvoludur, şəhidlərimizin xatirəsinə duyduğumuz sayğının təzahürüdür.
Prezident İlham Əliyevin Zəfər parkı, Zəfər tağı ilə bağlı sözləri qürurvericidir. Dövlət başçımızın bildirdiyi kimi şəhərimizin ən gözəl yerlərindən birində açılan Zəfər tağı, Zəfər abidəsi, ərazisi on hektara yaxın olan gözəl park, müasir üslubda və çox əzəmətli inşa edilib. Hündürlüyü də 44 metrdir, sütunlarının da sayı 44-dür. Onun aşağısında Zəfər muzeyi artıq inşa edilib, onun tərtibatı gedir, gələcəkdə Zəfər muzeyi də olacaq. Bu parkda və indi tərtib olunan muzeydə bir çox önəmli rəmzlər var.
Zəfər parkının və onun giriş qapısının – Zəfər tağının görünüşü, ümumi ab-havası İkinci Qarabağ müharibəsindəki tarixi . Bu əzəmətli kompleks Dövlətimizin gücünün, Ordumuzun qəhrəmanlığının rəmzi kimi bura ziyarətə gələn hər bir azərbaycanlıda böyük qürur hissi yaradır. Zəfər tağı 200 ildə Azərbaycanın apardığı azadlıq mübarizəsinin rəmzidir, qalibiyyət və tərəqqi dövrünə açılan qapısıdır. 8 noyabr - Zəfər günü hamımız üçün müqəddəs, dəyərli gündür. Biz 200 ildi ki davamlı torpaq itkiləri ilə üzləşir və 30 il idi ki Qarabağ nisgili ilə yaşayırdıq. Amma Ali Baş Komandanımızın sərkərdəlik əzmi və Şanlı Ordumuzun rəşadəti sayəsində Azərbaycan xalqının başına gətirilən müsibət və faciələrə, soyqırımlarına son qoyuldu. Hələ 2003-cü ildə İlham Əliyev ilk dəfə Azərbaycan Respublikasının Prezidenti vəzifəsinə seçiləndə, andiçmə mərasimində çıxışı zamanı bəyan etmişdi ki, nəyin bahasına olursa-olsun, biz öz ərazi bütövlüyümüzü bərpa edəcəyik, Azərbaycanın ərazi bütövlüyü, suverenliyi danışıqlar mövzusu olmayacaq. Sonradan baş verən proseslər də bunu göstərdi ki, Azərbaycan həqiqətən də öz ərazi bütövlüyünü bərpa etmək əzmindədir. Prezident İlham Əliyevin 17 illik rəhbərliyi ərzində Azərbaycan qüdrətli dövlətə çevrilməyi, güclü ordu qurmağı bacardı. Dövlətin mükəmməl ordu quruculuğu siyasəti və uğurlu diplomatiyası tarixi ədaləti və beynəlxalq hüququ öz gücümüzə təmin etməyə imkan yaradıb.
Hazırda quruculuq işləri ilə məşğul olduğumuzu diqqətə çatdıran və bunun bizim üçün əsas məsələ olduğunu vurğulayan Prezident İlham Əliyev o cümlədən müharibə istəmədiyimizi də bir daha açıq mətnlə bəyan etdi. Amma qarşı tərəf də sülh istəyirmi, dinc quruculuğa üstünlük verirmi? Təəssüflər olsun ki, bu suala müsbət cavab vermək mümkün deyil. Əksinə, Ermənistanın havadarları onu revanşizmə təhrik edirlər. Əlbətdə ki, biz buna göz yuma bilmərik. Azərbaycan Prezidenti də çıxışında qeyd etdi ki, biz Ermənistanın və onun havadarlarının hərəkətlərinə adekvat reaksiya verməliyik.

Fərid Mustafayev
YAP Yasamal rayon Elm və Təhsil Nazirliyinin Torpaqşünaslıq və Aqrokimya İnstitutu üzrə ərazi partiya təşkilatının sədr müavini