Qərbi Azərbaycan İcmasının “Qayıdış hüququ – Ermənistandan zorla çıxarılan Azərbaycanlılar üçün ədalətin təşviqi” mövzusunda ikinci beynəlxalq konfransında “Beynəlxalq vəkillik və diplomatiyanın rolu” adlı panel sessiyası keçirilib.
Panel sessiyasında Deusto Universitetinin professoru Susana Manqana, Türkiyə Böyük Millət Məclisinin üzvü, Ədalət və İnkişaf Partiyasının sədr müavini Zəfər Sırakaya, İnkişaf və Beynəlxalq Münasibətlər İnstitutunun aparıcı eksperti Krsevan Antun Duymoviç, Kommunikasiya strateqi və jurnalist Klaus Peter Ralf Yürgens, Brüssel Enerji Klubunun baş nümayəndəsi Marat Terterov iştirak edib.
Deusto Universitetinin professoru Susana Manqana bildirib ki, hazırda dünyada miqrantlarla bağlı böyük problemlər mövcuddur.
“Beynəlxalq təşkilatlar bu problemlərlə bağlı işlər görməlidir. Ədalət mexanizmi tarixi ədalətsizlikləri aradan qaldırmalıdır. Alimlərin və vətəndaş cəmiyyəti də burada önəmli rol oynayır”,- deyə o əlavə edib.
Türkiyə Böyük Millət Məclisinin üzvü, Ədalət və İnkişaf Partiyasının sədr müavini Zəfər Sırakaya çıxışı zamanı qeyd edib ki, 30 il ərzində Ermənistanın Qarabağda işğal dövründə 1 milyondan çox azərbaycanlı torpaqlarından didərgin düşdü.
“Lakin sonda Azərbaycan öz haqqını özü bərpa edərək, torpaqlarını işğaldan azad etdi, ədalətsizliyə son qoydu. Beləliklə regionda sülh və stabillik üçün şərait yarandı.
Qayıdış hüququ beynəlxalq hüquqda tam şəkildə tanınan müddəadır. Azərbaycanlılar azad edilən torpaqlarına qayıtmağa davam edirlər. Yaşadığı ərazilərdən köçkün düşən azərbaycanlıların hüququ tanınmalı və tam bərpa etməlidir”,- deyə o əlavə edib.
Brüssel Enerji Klubunun baş nümayəndəsi Marat Terterov vurğulayıb ki, Azərbaycan torpaqlarını işğaldan azad edərək, öz haqqını bərpa etdi:
“Bu qeyri-adi bir nailiyyət idi. Azərbaycanın belə yüksək nailiyyətləri çoxdur. Buna misal olaraq, COP29-u göstərə bilərik. Azərbaycan hazırda yüksələn bir ölkədir və bunu diplomatiyada istifadə edə bilər”.
Qeyd edək ki, konfransda 51 ölkədən 100-dən çox nümayəndə iştirak edir.
Tədbirdə Qərbi azərbaycanlıların Ermənistandan zorla çıxarılmasının tarixi, onların qayıdış hüququnun əsasları, mədəni irsinin bərpası və bu sahədə diplomatik səylər müzakirə ediləcək.
Xatırladaq ki, dekabrın 5-i Qərbi azərbaycanlıların 1987-1991-ci il deportasiyasının anım günüdür. Sözügedən günlə bağlı ötən il də analoji beynəlxalq konfrans keçirilib. “Ermənistandan didərgin salınmış azərbaycanlıların təhlükəsiz şəkildə və ləyaqətlə geri qayıdışını təmin etmək: qlobal kontekst və ədalətli həll” mövzusuna həsr olunan beynəlxalq konfransda 44 ölkədən 100-dən çox nümayəndə iştirak etmişdi.
Trend.az
Panel sessiyasında Deusto Universitetinin professoru Susana Manqana, Türkiyə Böyük Millət Məclisinin üzvü, Ədalət və İnkişaf Partiyasının sədr müavini Zəfər Sırakaya, İnkişaf və Beynəlxalq Münasibətlər İnstitutunun aparıcı eksperti Krsevan Antun Duymoviç, Kommunikasiya strateqi və jurnalist Klaus Peter Ralf Yürgens, Brüssel Enerji Klubunun baş nümayəndəsi Marat Terterov iştirak edib.
Deusto Universitetinin professoru Susana Manqana bildirib ki, hazırda dünyada miqrantlarla bağlı böyük problemlər mövcuddur.
“Beynəlxalq təşkilatlar bu problemlərlə bağlı işlər görməlidir. Ədalət mexanizmi tarixi ədalətsizlikləri aradan qaldırmalıdır. Alimlərin və vətəndaş cəmiyyəti də burada önəmli rol oynayır”,- deyə o əlavə edib.
Türkiyə Böyük Millət Məclisinin üzvü, Ədalət və İnkişaf Partiyasının sədr müavini Zəfər Sırakaya çıxışı zamanı qeyd edib ki, 30 il ərzində Ermənistanın Qarabağda işğal dövründə 1 milyondan çox azərbaycanlı torpaqlarından didərgin düşdü.
“Lakin sonda Azərbaycan öz haqqını özü bərpa edərək, torpaqlarını işğaldan azad etdi, ədalətsizliyə son qoydu. Beləliklə regionda sülh və stabillik üçün şərait yarandı.
Qayıdış hüququ beynəlxalq hüquqda tam şəkildə tanınan müddəadır. Azərbaycanlılar azad edilən torpaqlarına qayıtmağa davam edirlər. Yaşadığı ərazilərdən köçkün düşən azərbaycanlıların hüququ tanınmalı və tam bərpa etməlidir”,- deyə o əlavə edib.
Brüssel Enerji Klubunun baş nümayəndəsi Marat Terterov vurğulayıb ki, Azərbaycan torpaqlarını işğaldan azad edərək, öz haqqını bərpa etdi:
“Bu qeyri-adi bir nailiyyət idi. Azərbaycanın belə yüksək nailiyyətləri çoxdur. Buna misal olaraq, COP29-u göstərə bilərik. Azərbaycan hazırda yüksələn bir ölkədir və bunu diplomatiyada istifadə edə bilər”.
Qeyd edək ki, konfransda 51 ölkədən 100-dən çox nümayəndə iştirak edir.
Tədbirdə Qərbi azərbaycanlıların Ermənistandan zorla çıxarılmasının tarixi, onların qayıdış hüququnun əsasları, mədəni irsinin bərpası və bu sahədə diplomatik səylər müzakirə ediləcək.
Xatırladaq ki, dekabrın 5-i Qərbi azərbaycanlıların 1987-1991-ci il deportasiyasının anım günüdür. Sözügedən günlə bağlı ötən il də analoji beynəlxalq konfrans keçirilib. “Ermənistandan didərgin salınmış azərbaycanlıların təhlükəsiz şəkildə və ləyaqətlə geri qayıdışını təmin etmək: qlobal kontekst və ədalətli həll” mövzusuna həsr olunan beynəlxalq konfransda 44 ölkədən 100-dən çox nümayəndə iştirak etmişdi.
Trend.az
