Ermənistanın baş naziri Nikol Paşinyanın sülh müqaviləsi ilə bağlı bəyanatları yenidən gündəmə gəlib. Paşinyan bildirir ki, Azərbaycanla sülh müqaviləsi mətninin 90 faizi razılaşdırılıb. Lakin bu rəqəmlər yalnız kağız üzərində qalır, real addımlarla təsdiqlənmir. Ermənistan rəhbərliyinin hərəkətləri, əksinə, revanşist ritorikaya və qeyri-sabit siyasi kursa işarə edir.
Bunu Trend-ə açıqlamasında politoloq Azər Qarayev deyib.
A.Qarayev bildirib ki, son aylarda Nikol Paşinyanın 80 faizdən 90 faizə yüksəltdiyi bu "irəliləyiş" iddiası Ermənistanın daxili auditoriyası üçün nəzərdə tutulmuş kimi görünür.
"Məlumatlar göstərir ki, Ermənistan tərəfi ərazi iddialarını rəsmən aradan qaldırmadan və konstitusiyasını uyğunlaşdırmadan sülh müqaviləsi ilə bağlı real irəliləyiş qeydə alınmayacaq.
Ermənistanın konstitusiyasında Azərbaycan ərazilərinə iddialar yer aldıqca, istənilən müqavilə birtərəfli ləğv edilə bilər. Erməni siyasi arenasında qərbyönlü siyasətçilərin səsləndirdiyi bəzi ideyalar diqqəti çəkir. Avropa Partiyasının rəhbəri Tiqran Xzmalyanın Qarabağ məsələsini NATO və Aİ üzvlüyünə bağlamaq cəhdləri buna nümunədir. Ukrayna və Krım məsələsi ilə Qarabağ arasında analogiyalar aparmaq isə yalnız siyasi şizofreniyanın təzahürü kimi qiymətləndirilə bilər".
Politoloq vurğulayıb ki, Paşinyanın KTMT-dən uzaqlaşmaq cəhdləri və Rusiya ilə münasibətlərin soyuması da bu qeyri-sabit siyasətin bir hissəsidir.
"Lakin Ermənistanın Aİ və NATO-ya üzvlüyü nə realdır, nə də yaxın perspektivdə mümkündür. Hərbi bazaların mövcudluğu, Rusiyanın təsir dairəsi və Türkiyənin veto hüququ bu cür planların həyata keçməsini mümkünsüz edir".
A.Qarayev onu da əlavə edib ki, Ermənistanın sülh müqaviləsi imzalaması üçün ən vacib addım Azərbaycan ərazilərinə iddialardan imtina etməkdir.
"Eyni zamanda, Ermənistanın sülhə real şəkildə yaxınlaşması, onun daxili siyasi sabitliyi və qonşu dövlətlərlə münasibətlərinin normallaşmasından asılıdır".
Bunu Trend-ə açıqlamasında politoloq Azər Qarayev deyib.
A.Qarayev bildirib ki, son aylarda Nikol Paşinyanın 80 faizdən 90 faizə yüksəltdiyi bu "irəliləyiş" iddiası Ermənistanın daxili auditoriyası üçün nəzərdə tutulmuş kimi görünür.
"Məlumatlar göstərir ki, Ermənistan tərəfi ərazi iddialarını rəsmən aradan qaldırmadan və konstitusiyasını uyğunlaşdırmadan sülh müqaviləsi ilə bağlı real irəliləyiş qeydə alınmayacaq.
Ermənistanın konstitusiyasında Azərbaycan ərazilərinə iddialar yer aldıqca, istənilən müqavilə birtərəfli ləğv edilə bilər. Erməni siyasi arenasında qərbyönlü siyasətçilərin səsləndirdiyi bəzi ideyalar diqqəti çəkir. Avropa Partiyasının rəhbəri Tiqran Xzmalyanın Qarabağ məsələsini NATO və Aİ üzvlüyünə bağlamaq cəhdləri buna nümunədir. Ukrayna və Krım məsələsi ilə Qarabağ arasında analogiyalar aparmaq isə yalnız siyasi şizofreniyanın təzahürü kimi qiymətləndirilə bilər".
Politoloq vurğulayıb ki, Paşinyanın KTMT-dən uzaqlaşmaq cəhdləri və Rusiya ilə münasibətlərin soyuması da bu qeyri-sabit siyasətin bir hissəsidir.
"Lakin Ermənistanın Aİ və NATO-ya üzvlüyü nə realdır, nə də yaxın perspektivdə mümkündür. Hərbi bazaların mövcudluğu, Rusiyanın təsir dairəsi və Türkiyənin veto hüququ bu cür planların həyata keçməsini mümkünsüz edir".
A.Qarayev onu da əlavə edib ki, Ermənistanın sülh müqaviləsi imzalaması üçün ən vacib addım Azərbaycan ərazilərinə iddialardan imtina etməkdir.
"Eyni zamanda, Ermənistanın sülhə real şəkildə yaxınlaşması, onun daxili siyasi sabitliyi və qonşu dövlətlərlə münasibətlərinin normallaşmasından asılıdır".
