Qəhrəman qazimiz, ikinci Vətən Müharibəsi iştirakçısı Elşad Məmmədov 1988-ci il 24 dekabrda Sumqayıt şəhərində anadan olub. 12 saylı orta məktəbi bitirdikdən sonra həqiqi hərbi xidmətə gedib.
44 günlük Vətən müharibəsində Cəbrayıl, Füzuli, Xocavənd istiqamətində gedən döyüşlərdə Bakı Həmlə taborunda bölüyün baş çavuşu vəzifəsində döyüş əməliyyatlarında iştirak edib.
26 oktyabr Xocavənd istiqamətində ağır yaralanıb,
ömürlük müharibə əlilidir. "Şücaətə görə",
"Cəbrayılın azad olunmasına görə",
"Füzulinin azad olunmasına görə",
"Xocavəndin azad olunmasına görə",
"Vətən müharibəsi iştirakçısı" medalları ilə təltif edilib.
Ailəlidir, 2 övladı var.

Bu gün qəhrəman qazimiz Elşad Məmmədovun doğum günüdür. Bu münasibətlə qazimizi təbrik edir, ona can sağlığı, işlərində müvəffəqiyyətlər arzulayırıq.
Adın bayrağımız kimi daim yüksəklərdə olsun!