Bakı şəhəri, Xətai rayonunda yerləşən 194 nömrəli tam orta məktəbdə 1-ci sinif şagirdləri üçün Novruz bayramı münasibətilə təntənəli tədbir keçirilib. Tədbirin əsas məqsədi şagirdlərə milli adət-ənənələrimizi tanıtmaq, onlarda bayram əhval-ruhiyyəsi yaratmaq və Novruzun mahiyyətini anlamağa kömək etmək olub.




Şənlik məktəbin akt zalında təşkil edilib.Tədbirdə valideyinlər,müəllimlər və məktəb rəhbərliyi iştirak edib.Zal Novruz atributları ilə bəzədilib, səməni, boyanmış yumurtalar və bayram şirniyyatları ilə zəngin süfrələr qurulub.



Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra məktəbin direktoru Elnarə Zeynalova çıxış edərək, Novruz bayramının əhəmiyyətindən, onun xalqımızın tarixində və mədəniyyətində tutduğu mövqedən bəhs edib. O, belə tədbirlərin uşaqların milli-mənəvi dəyərlərə bağlılığının gücləndirilməsində mühüm rol oynadığını vurğulayıb.



Şagirdlər bayramla bağlı şeirlər söyləyib, mahnılar ifa edib və rəqslər nümayiş etdiriblər. Xüsusilə, Keçəl və Kosanın məzəli səhnəcikləri uşaqlar və valideynlər tərəfindən böyük maraqla qarşılanıb. Bahar qızının gəlişi isə tədbirə xüsusi rəng qatıb.


Bundan əlavə, şagirdlərin əl işlərindən ibarət sərgi təşkil edilib. Onlar öz yaradıcılıqlarını nümayiş etdirərək, səməni, xonça və digər Novruz atributlarını hazırlayıblar. Bu sərgi uşaqların bacarıqlarını inkişaf etdirmək və onlara milli dəyərləri aşılamak məqsədi daşıyıb.


Sonda Valideynlər və müəllimlər belə tədbirlərin uşaqların sosial inkişafına, onların milli kimliyinin formalaşmasına müsbət təsir etdiyini qeyd ediblər.

Beləliklə, 194 nömrəli tam orta məktəbdə keçirilən Novruz bayramı şənliyi 1-ci sinif şagirdləri üçün unudulmaz bir təcrübə olub, onlara milli dəyərlərimizi daha yaxından tanıma imkanı yaradıb.Biz də xalqımızın Novruz bayramını təbrik edirik.