— Ellada xanım, ilk olaraq oxucularımıza özünüz haqqında qısa məlumat verərdiniz. Harada doğulmusunuz, bu gün sizi siz edən yol haradan başlayıb?

— Mən 22 sentyabr 1995-ci ildə Bakı şəhərinin Nizami rayonunda anadan olmuşam. Həyat yolum çox erkən yaşlardan öz zəhmətimə güvənməklə başlayıb. Düşünürəm ki, məni bu gün olduğum nöqtəyə gətirən əsas amil heç vaxt asan yolu seçməməyim və daim öz üzərimdə işləməyim olub.

— Uzun müddət təşkilatçı kimi tanınmısınız. Bu sahə sizə nə qazandırdı?

— Təşkilatçılıq mənim üçün sadəcə iş deyildi, böyük bir məktəb idi. İnsanlarla ünsiyyət, məsuliyyət, zamanın düzgün idarə olunması və stres altında qərar vermək kimi bacarıqları məhz bu sahədə qazandım. Geniş auditoriya tərəfindən tanınmaq isə mənə həm güvən, həm də daha böyük məsuliyyət hissi verdi.

— Hazırda fəaliyyətinizi network marketing sahəsində davam etdirirsiniz. Bu sahəni seçməyinizin əsas səbəbi nə oldu?

— Mən hər zaman sərbəstliyə önəm vermişəm. Sərbəst iş qrafiki, səyahət etmək imkanı, yeni insanlarla tanışlıq və şəxsi inkişaf — bütün bunlar məni bu sahəyə gətirdi. Network marketing mənə həm maddi, həm də mənəvi baxımdan özümü inkişaf etdirmək fürsəti verdi.

— Qısa müddətdə bu sahədə uğur qazanmağınızın sirri nədədir?

— Açığı, bunun bir sirri yoxdur. Disiplin, davamlılıq və özünə inam. Çətin anlar çox olub, amma heç vaxt motivasiyamı itirməmişəm. Mənim üçün hər çətinlik yeni bir dərs, hər maneə isə daha güclü olmağa səbəbdir.

— Gənc yaşda “iş xanımı” statusunu qazanmaq sizə nə hiss etdirir?

— Bu, böyük qürurdur. Amma eyni zamanda məsuliyyətdir. Çünki bilirəm ki, mənim yolum bir çox gənc xanım üçün nümunə ola bilər. Əsas məqsədim yalnız uğur qazanmaq deyil, eyni zamanda başqalarına da “bacararsan” hissini aşılamaqdır.

— Qarşınıza qoyduğunuz əsas hədəflər nələrdir?

— Davamlı inkişaf, azad həyat tərzi, səyahət, güclü komanda qurmaq və öz yolunu tapmaqda çətinlik çəkən insanlara dəstək olmaq. Mən inanıram ki, insan öz potensialını kəşf etdikcə həyatı da dəyişir. Həm də sizə müsahibədən kənar dediyim kimi məqsədim öz işimin brendi olmaqdır.

— Sonda gənclərə, xüsusilə gənc xanımlara nə demək istərdiniz?

— Özünüzə inanın və qorxmayın. Heç kim uğura problemsiz çatmır. Əsas olan yolda qalmaqdır. Çətinliklər sizi dayandırmaq üçün yox, gücləndirmək üçün var.

⁃ Biz də sizə bu çətin yolda uğur və müvəffəqiyyət arzu edirik

⁃ Çox sağolun.

Fərid Əmiraslanov
"AYMEDİACOMPANY.AZ" mədəniyyət işləei üzrə direktor müavini