Dahilərdən biri demişdir: "Bəzi şeylər sevilir, çünki onlar dəyərlidir, bəzi şeylər dəyərlidir, çünki onlar sevilir. Qadınlar isə hər ikisinə layiqdir". Qadınlıq, analıq, fədakarlıq kimi mənəvi dəyərləri özündə birləşdirməyi bacaran xanımlar, bu bayram dünyanın qadınlar qarşısında baş əydiyi gündür. Hamı varlığına görə sizə borcludur.
Ulu öndərimiz Heydər Əliyev demişdir: "Qadınlar bir belə əziyyət çəkərkən nə istəyirlər? Sadəcə onlara diqqət, qayğı və ehtiram! Bu anlayışlar çox genişdir. Diqqət də, qayğı da müxtəlif formalarda ola bilər. Ancaq kişilər gərək qadınları həmişə yüksəkdə görsünlər, qadınlara gərək xüsusi hörmət etsinlər, qadınlara diqqətlə yanaşsınlar".
Azərbaycan qadını ölkəmizin ictimai-siyasi, elm, təhsil və mədəni həyatında daim öz fəallığı ilə seçilir. Bu gün Azərbaycan qadını cəmiyyətdə öz sözünü deməyi bacarır, müxtəlif sahələrdə kişilərlə bərabər fəaliyyət göstərir.
Səhər bütün dünyada olduğu kimi, Azərbaycanda da qadınlar üçün əziz gündür. Yer üzünün əşrəfi sayılan qadınların bayramıdır! 8 Mart Beynəlxalq Qadınlar Günü respublikamızda geniş miqyasda qeyd olunur. Elə bu münasibətlə də hörmətli dövlət başçımız bir sıra xanımlarımızı, qadınlarımızı 8 mart Qadınıar Bayramı münasibəti ilə "Tərəqqi" medalına layiq görərək təbrik etmişdir. Belə xanımlardan biri də Sevinc xanım Alızadədir. Sevinc xanım şəhid polkovnik Raquf Orucovun həyat yoldaşıdır. O, Şəhid ailələrinə yardım məqsədi ilə "Zəfər Şəhid Ailələrinə Dəstək" İctimai Birliyi yaradaraq fəaliyyət göstərir. Mən ürəklə deyə bilərəm ki, bir şəhid xanımı şəhid balaları üçün əlindən gələni edəcəkdir və edir də. Elə Süvinc xanımın ictimai fəaliyyətini nəzərə alaraq Prezidentimiz onu "Tərəqqi" medalı ilə təltif etmişdir. Yeri gəlmişkən, biz də Sevinc xanımı həm "Tərəqqi" medalına layiq görüldüyü üçün və həm də 8 Mart Qadınlar Bayram münasibəti ilə ürəkdən təbrik edirik.
Bəli, bir neçə gündən sonra Apreı ayına qədəm qoyacağıq. Aprel ayı bizim üçün həm də matəm ayıdır. Çünki Aprel ayında polkovnik-leytenant Raquf Orucovu itirmişik. Azərbaycan tarixinə Aprel Şəhidlərinin adı qara hərflərlə yazıldı. Bəli, Aprel döyüşlərində böyük hünər, rəşadət göstərərək Şəhidlik zirvəsinə yüksəlmiş Vətən oğullarının hamısı qəhrəmandır. Onların aprel ayının əvvəlində cəmi bir neçə gün davam edən döyüşlərdə göstərdikləri qəhrəmanlıq nümunələri indi hər bir Azərbaycan gənci üçün sözün həqiqi mənasında bir örnəkdir. Çünki onlar Şəhid olsalar da, Birinci Qarabağ müharibəsində məğlub olmuş Azərbaycan Ordusunu qalib orduya çevirə bildilər. Elə öz adlarını da Azərbaycan xalqının qəhrəman oğulları kimi tarixə yazdılar.
... Hamı onlardan danışırdı, döyüş yollarından, şərəflə yaşadıqları həyatlarından oçerklər yazılır və elə bu gün də yazılır. Hər birinin məzarı bütöv Azərbaycan xalqının müqəddəs ziyarətgahına, Vətən, torpaq, Qarabağ nisgili ilə yaşayan gənclərin isə and yerinə çevrilib. Aprel Şəhidləri arasında bir kəşfiyyatçı polkovnik də vardı ki, onun haqqında daha çox danışılır: polkovnik-leytenant Raquf Orucov. O, sözün əsl mənasında qəhrəman idi. Raquf Orucov Azərbaycan Ordusunun polkovnik rütbəsində şəhid olan ilk zabitidir. Raquf Azərbaycan Silahlı Qüvvələrinin şəhid olan ilk hərbi hissə komandiri idi. Raquf Orucov Şəhid olduğu günədək bir çox təltiflərə, o cümləndən, Ali Baş Komandanın müvafiq fərmanları ilə "Hərbi xidmətlərə görə” və "İgidliyə görə" medallarına layiq görülüb. Şəhidlik zirvəsinə yüksəldikdən sonra isə... Allah bütün Şəhidlərimizə rəhmət eləsin, məkanları cənnət olsun.
P.S. Səhər təqvimə görə mart ayının 8-dir. Bu tarix Azərbaycan qadınları üçün ən yadda qalan və heç bir zaman unudulmayan tarixdir. Çünki 8 martda hər kəsin evinə çiçək dəstələri göndərilir, gözəl sözlər söylənilir, təbriklər deyilir. Elə biz də 8 mart Qadınlar Bayram münasibəti ilə bütün qadınlarımızı təbrik edir, onlara uzun ömür, can sağlığı və xoşbəxtlik arzulayırıq. Xoşbəxtlik olan yerdə isə hər şey vardır - evin istiliyi, ömrün istiliyi və həyatın istiliyi. Mən hər bir evə bax belə bir istilik arzulayıram. Bir daha Bayramınız mübarək, əziz Xanımlar!

"AY MEDİA COMPANY"