Əməkdar məşqçi Hacıbaba Əskərov 22 sentyabr 1917-ci ildə Gəncədə anadan olub.
O, 1925-1932-ci illərdə Gəncədə yeddiillik məktəbdə təhsil alıb. Sonra Əskərov Bakı Neft Texnikumuna, 1937-ci ildə isə indiki Azərbaycan Dövlət Bədən Tərbiyəsi və İdman Akademiyasına (ADBTİA) daxil olub.
Hacıbaba Əskərov iştirak etdiyi ilk yarışlarda birdən qaldırmada respublika rekorduna nail olub. Bundan sonra o, uzun illər yarımyüngül və yüngül çəkidə Azərbaycan çempionu olub. 1939-cu ildə Hacıbaba ADBTİA-da təhsil aldığı müddətdə sözügedən təhsil müəssisəsində həm də ağır atletikadan dərs deyib.
1941-ci ildə Böyük Vətən müharibəsinin başlaması ilə əlaqədar Əskərov cəbhəyə yollanır. O, Rusiyanın Kursk, Oryol, Pskov şəhərlərinin azad edilməsində iştirak edir. Cəbhədə göstərdiyi igidliyə görə Abrek (Qafqazda haqsızlığa qarşı mübarizəyə qalxan, qaçaq) ləqəbini alır. Ona bütün sənədlər, mükafat və rütbələr “Abrek Hacı” adı ilə verilir.
İştirak etdiyi sonuncu döyüşdə Əskərov onurğasından ağır yaralanır. O, ayaqlarının iflic olmasına görə yeriyə bilmir. Lakin Hacıbaba hazırladığı üsullar və texnikanın köməyilə, sadə avadanlıq və mexanizmlərdən istifadə edərək bir müddət sonra yeriməyə başlayır, hətta idmana və fəal həyat tərzinə qayıtmağı bacarır.
O, 1944-cü ildə Azərbaycan mərkəzi avto-moto klubunun rəisi, 1946-cı ildə Kirovabad Bədən Tərbiyəsi Texnikumunun direktoru vəzifəsində çalışıb. Əskərov 1947-ci ildə ADBTİA-da ağır atletika kafedrasının müdiri vəzifəsində işləyən ilk azərbaycanlı olub. O, 1955-ci ildən Moskva Dövlət Mərkəzi Bədən Tərbiyəsi İnstitutunun Azərbaycandakı qiyabi şöbəsinin direktoru vəzifəsinə təyin edilib.
Hacı Əskərov idman sahəsi üzrə Azərbaycan dilində ilk dərsliyin müəllifidir.
Hacıbaba Əskərov əməkdar məşqçi, Əmək veteranı adlarına layiq görülüb, “Əmək igidliyinə görə” medalı və “İşdə əla nailiyyətlərə görə” döş nişanı ilə təltif edilib. O, 1965-ci ildə ağır atletika üzrə Beynəlxalq kateqoriyaya layiq görülən ilk hakim olub.
Onun hazırladığı mütəxəssislər: Məmməd Useynov, Şua Hüseynov, Nazim Orucov, Yusif Əhmədov, Arif Əsgərov, Vəli Əliyev, Oqtay Rzayev, İsmayıl İsmayılov və başqaları idmançı kadrların yetişdirilməsi ilə məşğul olublar.
Hacıbaba Əskərov 14 aprel 1988-ci ildə vəfat edib.
O, 1925-1932-ci illərdə Gəncədə yeddiillik məktəbdə təhsil alıb. Sonra Əskərov Bakı Neft Texnikumuna, 1937-ci ildə isə indiki Azərbaycan Dövlət Bədən Tərbiyəsi və İdman Akademiyasına (ADBTİA) daxil olub.
Hacıbaba Əskərov iştirak etdiyi ilk yarışlarda birdən qaldırmada respublika rekorduna nail olub. Bundan sonra o, uzun illər yarımyüngül və yüngül çəkidə Azərbaycan çempionu olub. 1939-cu ildə Hacıbaba ADBTİA-da təhsil aldığı müddətdə sözügedən təhsil müəssisəsində həm də ağır atletikadan dərs deyib.
1941-ci ildə Böyük Vətən müharibəsinin başlaması ilə əlaqədar Əskərov cəbhəyə yollanır. O, Rusiyanın Kursk, Oryol, Pskov şəhərlərinin azad edilməsində iştirak edir. Cəbhədə göstərdiyi igidliyə görə Abrek (Qafqazda haqsızlığa qarşı mübarizəyə qalxan, qaçaq) ləqəbini alır. Ona bütün sənədlər, mükafat və rütbələr “Abrek Hacı” adı ilə verilir.
İştirak etdiyi sonuncu döyüşdə Əskərov onurğasından ağır yaralanır. O, ayaqlarının iflic olmasına görə yeriyə bilmir. Lakin Hacıbaba hazırladığı üsullar və texnikanın köməyilə, sadə avadanlıq və mexanizmlərdən istifadə edərək bir müddət sonra yeriməyə başlayır, hətta idmana və fəal həyat tərzinə qayıtmağı bacarır.
O, 1944-cü ildə Azərbaycan mərkəzi avto-moto klubunun rəisi, 1946-cı ildə Kirovabad Bədən Tərbiyəsi Texnikumunun direktoru vəzifəsində çalışıb. Əskərov 1947-ci ildə ADBTİA-da ağır atletika kafedrasının müdiri vəzifəsində işləyən ilk azərbaycanlı olub. O, 1955-ci ildən Moskva Dövlət Mərkəzi Bədən Tərbiyəsi İnstitutunun Azərbaycandakı qiyabi şöbəsinin direktoru vəzifəsinə təyin edilib.
Hacı Əskərov idman sahəsi üzrə Azərbaycan dilində ilk dərsliyin müəllifidir.
Hacıbaba Əskərov əməkdar məşqçi, Əmək veteranı adlarına layiq görülüb, “Əmək igidliyinə görə” medalı və “İşdə əla nailiyyətlərə görə” döş nişanı ilə təltif edilib. O, 1965-ci ildə ağır atletika üzrə Beynəlxalq kateqoriyaya layiq görülən ilk hakim olub.
Onun hazırladığı mütəxəssislər: Məmməd Useynov, Şua Hüseynov, Nazim Orucov, Yusif Əhmədov, Arif Əsgərov, Vəli Əliyev, Oqtay Rzayev, İsmayıl İsmayılov və başqaları idmançı kadrların yetişdirilməsi ilə məşğul olublar.
Hacıbaba Əskərov 14 aprel 1988-ci ildə vəfat edib.
