Azad Həmzə oğlu Əliyev 13 mart 1928-ci ildə Gəncədə musiqiçi ailəsində anadan olub.
O, 7 yaşından skripkada ifa etməyə başlayıb və musiqi təhsili alıb. 1951-ci ildə Azərbaycan Dövlət Konservatoriyasının o vaxtkı rektoru Qara Qarayev Əliyevi buraya skripka müəllimi kimi dəvət edir. O, həmçinin burada simli kvartetin birinci skripkaçısı kimi çalışır. Bu kvartet Azərbaycan Dövlət Filarmoniyasına keçdikdən sonra Əliyev burada fəaliyyət göstərir. Bundan başqa o, solo ifaçı kimi də çalışır.
Sənətkar “Arazbarı” ansamblına rəhbərlik edib və burada birinci skripkaçı olub. Həmin ansamblın çıxışlarının səsyazmaları Azərbaycan teleradiosunun Qızıl fonduna daxildir.
Əliyev ifaçılıqdan başqa, 40 ildən artıq Bakı Musiqi Akademiyasında və digər təhsil müəssisələrində müəllim kimi fəaliyyət göstərib. Onun dərs dediyi tələbələr arasında müsabiqə laureatları, pedaqoji ifaçılıq fəaliyyəti ilə məşğul professor və müəllim heyəti olub.
Azad Əliyev bir çox Azərbaycan bəstəkarlarının skripka üçün bəstələdikləri əsərlərinin ilk ifaçısı olub. Bu əsərlər Azərbaycan teleradiosunun Qızıl fondunda saxlanılır. Tofiq Bakıxanovun skirpka və fortepiano üçün 7 pyesi o əsərlərin arasındadır.
“Ədəbiyyat və İncəsənət” qəzetində 30 iyul 1955-ci il tarixli məqalədə Azad Əliyev haqqında belə yazılıb: “…Skripkaçı Azadın çalğısı təsirli və inandırıcı, sadə və səmimidir. O, skripkanın geniş imkanlarından bacarıqla istifadə edir. Azad dinləyicilərə musiqinin məzmununu çatdırmağı, əsərin ideya və bədii zənginliklərini parlaq şəkildə nümayiş etdirməyi bilir”.
Əliyev Moskva, Peterburq, Kiyev, Donetsk, Daşkənd, Qroznı, Krasnodar kimi şəhərlərdə, eləcə də Bolqarıstan, Türkiyə, İranda konsertlər verib. Sənətkar bəzi Ümumittifaq və beynəlxalq müsabiqələrin münsiflər heyətinə daxil olub. Əliyev Əməkdar artist və Xalq artisti fəxri adlarına layiq görülüb. O, həmçinin bir çox müsabiqələrin qalibi olub, medal, diplom və fəxri fərmanla təltif olunub.
Skripkaçı 1993-cü ildə Türkiyənin Ankara şəhərinə gedir. O, burada Milli opera orkestrinin birinci skripkaçısı – konsertmeysteri vəzifəsində çalışır.
Azad Əliyev 17 avqust 1994-cü ildə Ankarada vəfat edib. O, Bakıda Fəxri xiyabanda dəfn olunub.
O, 7 yaşından skripkada ifa etməyə başlayıb və musiqi təhsili alıb. 1951-ci ildə Azərbaycan Dövlət Konservatoriyasının o vaxtkı rektoru Qara Qarayev Əliyevi buraya skripka müəllimi kimi dəvət edir. O, həmçinin burada simli kvartetin birinci skripkaçısı kimi çalışır. Bu kvartet Azərbaycan Dövlət Filarmoniyasına keçdikdən sonra Əliyev burada fəaliyyət göstərir. Bundan başqa o, solo ifaçı kimi də çalışır.
Sənətkar “Arazbarı” ansamblına rəhbərlik edib və burada birinci skripkaçı olub. Həmin ansamblın çıxışlarının səsyazmaları Azərbaycan teleradiosunun Qızıl fonduna daxildir.
Əliyev ifaçılıqdan başqa, 40 ildən artıq Bakı Musiqi Akademiyasında və digər təhsil müəssisələrində müəllim kimi fəaliyyət göstərib. Onun dərs dediyi tələbələr arasında müsabiqə laureatları, pedaqoji ifaçılıq fəaliyyəti ilə məşğul professor və müəllim heyəti olub.
Azad Əliyev bir çox Azərbaycan bəstəkarlarının skripka üçün bəstələdikləri əsərlərinin ilk ifaçısı olub. Bu əsərlər Azərbaycan teleradiosunun Qızıl fondunda saxlanılır. Tofiq Bakıxanovun skirpka və fortepiano üçün 7 pyesi o əsərlərin arasındadır.
“Ədəbiyyat və İncəsənət” qəzetində 30 iyul 1955-ci il tarixli məqalədə Azad Əliyev haqqında belə yazılıb: “…Skripkaçı Azadın çalğısı təsirli və inandırıcı, sadə və səmimidir. O, skripkanın geniş imkanlarından bacarıqla istifadə edir. Azad dinləyicilərə musiqinin məzmununu çatdırmağı, əsərin ideya və bədii zənginliklərini parlaq şəkildə nümayiş etdirməyi bilir”.
Əliyev Moskva, Peterburq, Kiyev, Donetsk, Daşkənd, Qroznı, Krasnodar kimi şəhərlərdə, eləcə də Bolqarıstan, Türkiyə, İranda konsertlər verib. Sənətkar bəzi Ümumittifaq və beynəlxalq müsabiqələrin münsiflər heyətinə daxil olub. Əliyev Əməkdar artist və Xalq artisti fəxri adlarına layiq görülüb. O, həmçinin bir çox müsabiqələrin qalibi olub, medal, diplom və fəxri fərmanla təltif olunub.
Skripkaçı 1993-cü ildə Türkiyənin Ankara şəhərinə gedir. O, burada Milli opera orkestrinin birinci skripkaçısı – konsertmeysteri vəzifəsində çalışır.
Azad Əliyev 17 avqust 1994-cü ildə Ankarada vəfat edib. O, Bakıda Fəxri xiyabanda dəfn olunub.
