1561-ci ilin 19 avqustunda 18 yaşlı Mariya Stüart 13 il Fransada qaldıqdan sonra Şotlandiyaya geri döndü.
1895-ci il. Kənd təsərrüfatının ümumi məsələləri üzrə beynəlxalq təşkilat - Beynəlxalq Kooperativ Alyansı yaradılıb. Londonda təsis edilən bu qurum əsasən istehlak, kredit və kənd təsərrüfatı yönümlü milli və regional ittifaqları, kooperativ federasiyaları özündə birləşdirən, kooperativ hərəkatı bütün dünyada təmsil edən qeyri-hökumət təşkilatıdır.
1912-ci il. Azərbaycanın Xalq Şairi Mirvarid Dilbazinin doğum günü (1912-2001). Şairin qadın azadlığı mövzusunda yazdığı “Qadınların hürriyyəti” adlı ilk şeiri 1927-ci ildə, “Bizim səsimiz” adlı birinci kitabı isə 1934-cü ildə çapdan çıxıb. O, “Sənətkarın xəyalı”, “Seçilmiş şeirlər”, “Xatirələr olan yerdə”, “Həyat lövhələri”, “Ana qanadı” və s. əsərlərin müəllifidir. Qadın mövzusunda qələmə aldığı “Məhsəti”, “Əlcəzairli qız”, “Partizan Aliyə”, “Ana ürəyi”, “Məhəbbətin göz yaşları” poemaları və “Analıq duyğuları” silsiləsi müəllifə böyük oxucu məhəbbəti qazandırıb. Bütün bu uğurlara görə Mirvarid Dilbazi iki dəfə “Şərəf Nişanı”, “Qırmızı Əmək Bayrağı”, “İstiqlal” ordenləri ilə təltif olunub. 1967-ci ildə Əməkdar Mədəniyyət İşçisi, 1973-cü ildə Əməkdar İncəsənət Xadimi, 1979-cu ildə Azərbaycanın Xalq Şairi fəxri adlarına layiq görülüb.
19 avqust 1915-ci ildə Tevfik Fikrət 48 yaşında Rumelihisarındakı evi “Aşiyan”da rəhmətə getdi. 30 ildən sonra eyni gün “Aşiyan” muzey kimi xalqa qapılarını açdı.
1919-cu ilin bu günü Əfqanıstan Böyük Britaniyadan müstəqillik aldı.
1934-cü ilin 19 avqustunda Adolf Hitler Almaniyada prezidentlik üçün keçirilən referendumda 89,9 faiz müsbət səs topladı. Hitler Məclis qərarı ilə “Führer” elan edildi.
19 avqust 1946-cı ildə Çində millətçilər ilə kommunistlər arasında vətəndaş müharibəsi başladı. 1949-cu ilədək davam edən vətəndaş müharibəsində Pekini ələ keçirən Mao başçılığındakı kommunistlər qələbə qazandılar.
19 avqust 1953-cü ildə İranda əhalinin səslərilə hakimiyyətə gələn Məhəmməd Musaddıq ABŞ ilə İngiltərə tərəfindən təşkilatlanan Şah tərəfdarı zabitlərin həyata keçirdiyi çevriliş nəticəsində hakimiyyətdən uzaqlaşdırıldı.
1960-cı ilin 19 avqustunda Sovet İttifaqının hava məkanında kəşfiyyat uçuşu reallaşdıran Amerikan U-2 casus təyyarəsi vuruldu. Pilot Qery Poversa 10 il iş kəsildi.
1960-cı ilin bu günü dünyada ilk dəfə canlı məxluq, Belka adlı it, SSRİ-nin "Sputnik-5" raketi ilə kosmosa göndərildi və avqustun 20-də sağ-salamat geri döndü
1974-cü ilin 19 avqustunda ABŞ-ın Lefkoşa Səfirliyi qabağında rumların keçirdiyi aksiya zamanı səfir Rodger Davies kənardan açılan atəş nəticəsində öldürüldü.
19 avqust 1980-ci ildə Səudiyyə Ərəbistanı hava yollarına məxsus sərnişin təyyarəsi Ər-Riyad hava limanına eniş etdikdən sonra yandı. Nəticədə 301 nəfər həlak oldu.
1991-ci ilin 19 avqustunda kommunizm tərəfdarı generallar Sovet İttifaqında çevrilişə cəhd etdilər. Dövlət başçısı Mixail Qorbaçovun vəzifədən çıxarıldığı açıqlandı, lakin Qorbaçov iki gün sonra vəzifəsinə qayıtdığını elan etdi.
Avqustun 19-u Dünya Humanitar Yardım Günüdür. Bu gün 2003-cü ildə İraqda BMT qərargahının bombalanması nəticəsində humanitar yardım işçilərinin həlak olması ilə əlaqədar təsis edilib. Əsas məqsəd insan həyatını xilas etmək üçün çalışanları xatırlamaq və bu nəcib məqsəd uğrunda canlarından keçən humanitar yardım işçilərinin xatirəsini yad etməkdir.
Avqustun 19-u Dünya Foto Günüdür. Bu gün 2009-cu ildə avstraliyalı fotoqraf Korske Aranın təşəbbüsü ilə təsis edilib. Bu tarixin seçilməsi 1839-cu ildə dünyada ilk dəfə Lui Jak Mande Daqera tərəfindən şəklin prototipinin cəmiyyətə təqdim olunması ilə bağlıdır.
