18 sentiyabr 96-cı il Qədim Romada beş yaxşı imperator dövrü başlamışdır.
18 sentiyabr 1793-cü ildə ABŞ prezidenti Corc Vaşinqton Kapitolinin bünövrəsinin ilk daşını qoymuşdur.
18 sentiyabr 1810-cu ildə Çili müstəqilliyini elan etmişdir.
18 sentiyabr 1851-ci ildə “Nyu-York tayms” jurnalın ilk nömrəsi işıq üzü görüb. ABŞ-da gündəlik qəzetdir. “Nyu-York tayms şirkəti” tərəfindən nəşr edilir. Latın Amerikası və Avropa nəşrləri müvafıq olaraq Limada (Peru) və Parisdə (Fransa) çıxır. Tirajı 1 milyondan çoxdur.
18 sentiyabr 1885-ci ildə bəstəkar, publisist, dramaturq, pedaqoq və ictimai xadim, müasir Azərbaycan peşəkar musiqi sənətinin və milli operasının banisi Üzeyir Hacıbəylinin doğum günü (1885-1948). Ü.Hacıbəyli Azərbaycan Respublikası himninin bəstəkarı, müsəlman Şərqində ilk operanın müəllifidir ("Leyli və Məcnun", 1908). 1937-ci il aprelin 30-da Azərbaycan Dövlət Akademik Opera və Balet Teatrında ilk dəfə tamaşaya qoyulan "Koroğlu" operası isə (librettosu H.İsmayılov və M.S.Ordubadinindir) Ü.Hacıbəyli yaradıcılığının zirvəsini təşkil edir. “Ər və arvad” musiqili komediyası, “O olmasın, bu olsun”, “Arşın mal alan” operettaları da görkəmli bəstəkarın sevilən əsərləri arasındadır. Bədii yaradıcılığa publisistika ilə başlayan Ü.Hacıbəyli "Kaspi", "Həyat", "İrşad", "Tərəqqi", "Həqiqət", "İqbal", "Yeni iqbal" qəzetlərində və "Molla Nəsrəddin" jurnalında "Ordan-burdan", "O yan-bu yan" və s. başlıqlar altında "Ü", "Filankəs", "Behmankəs" və s. gizli imzalarla dövrün mühüm ictimai-siyasi, maarifçilik məsələlərinə dair çoxlu məqalə, felyeton və satirik miniatürlər dərc etdirib. 1995-ci ildə ulu öndər Heydər Əliyevin Fərmanı ilə dahi bəstəkarın anadan olduğu gün Azərbaycanda Milli Musiqi Günü kimi qeyd olunur.
18 sentiyabr 1885-ci ildə Azərbaycan peşəkar musiqili teatrının banilərindən biri, məşhur bəstəkar Müslüm Maqomayev anadan olub (1885-1937). 1927-ci ildə onun redaktəsi ilə "Azərbaycan Türk Xalq Mahnıları"nın ilk məcmuəsi (Üzeyir Hacıbəyov tərəfindən yazılıb və işlənib) nəşr olunub. Bəstəkar, dirijor, pedaqoq, folklorşünas, ictimai xadim olan M.Maqomayev Azərbaycan musiqisində Avropa stilində ilk operanın ("Nərgiz", 1935), həmçinin “Şah İsmayıl” operasının müəllifidir (1916). Müğənni, bəstəkar Müslüm Maqomayevin babası, kinorəssam Məhəmməd Maqomayevin atasıdır.
18 sentyabr 1923-cü ildə Hindistan Milli Konqresi ingilis müstəmləkəsinə qarşı vətəndaş itaətsizliyi kampaniyasına start verdi.
18 sentyabr 1934-cü ildə Sovet İttifaqı Millətlər Liqasının tərkibinə daxil olmuşdur.
18 sentyabr 1956-cı ildə Efesdə 1926-cı ildən bəridir davam edən qazıntılarda dünya şöhrətli Artemis heykəli gün işığına çıxarıldı.
1981-ci ilin 18 sentyabr günü Fransada edam cəzası ləğv olundu.
18 sentyabr 1988-ci ildə daha çox Şəhriyar təxəllüsü ilə tanınan böyük Azərbaycan şairi Seyid Məhəmmədhüseyin Behcəti Təbrizi (Məhəmmədhüseyn Şəhriyar) vəfat edib (1906-1988). Şeirlərini Azərbaycan və fars dillərində yazıb. M.Şəhriyarı XX əsr Azərbaycan poeziyasının nəhəngləri sırasına ucaldan ilk növbədə onun ölməz "Heydər babaya salam" poeması olub.
18 sentyabr 1997-ci ildə 89 ölkə quruda yerləşdirilmiş minaların qadağan olunmasına dair razılaşmanı təsdiq etdi. ABŞ sənədi imzalamağı rədd etdi.
18 sentiyabr 1998-ci ildə Domen adlarının və IP-ünvanların idarə olunması üzrə ICANN korporasiyası təsis edilmişdir.
2000-ci ilin 18 sentyabrında İsrail hökuməti Fələstin ilə davam etdirdiyi sülh danışıqlarını dayandırdı.
2002-ci ilin 18 sentyabr tarixinde Səngəçal terminalında Türkiyə, Azərbaycan və Gürcüstanın dövlət başçıları Əhməd Necdət Sezər, Heydər Əliyev və Eduard Şevardnadzenin iştirakı ilə Bakı-Tbilisi-Ceyhan əsas ixrac neft boru kəmərinin təməli qoyuldu. 2005-ci ilin aprel ayında tikinti işləri yekunlaşdı. Həmin il mayın 25-də Səngəçal terminalında xam neftin BTC-yə vurulması ilə bağlı rəsmi tədbir keçirildi. 2006-cı il mayın 28-də Azərbaycan nefti Ceyhan limanına çatdı. İyulun 4-də isə neftlə yüklənmiş ilk tanker yola salındı.
2005-ci ilin 18 sentyabr günü Əfqanıstanda 36 ildən sonra parlament seçkiləri keçirildi.
18 sentiyabr 2013-cü ildə Qubada Heydər Əliyev Fondunun dəstəyi ilə yaradılan Quba Soyqırımı Memorial Kompleksi açılıb. Azərbaycan Respublikasının Prezidenti İlham Əliyev açılış mərasimində iştirak edib.Quba soyqırımı məzarlığı 2007-ci il aprelin 1-də ərazidə torpaq işləri görülərkən aşkarlanıb. 2007-2008-ci illərdə Azərbaycan Milli Elmlər Akademiyasının Arxeologiya və Etnoqrafiya İnstitutunun əməkdaşları tərəfindən kütləvi məzarlıqda geniş tədqiqat işləri aparılıb. Tədqiqat nəticəsində məzarlığın 1918-ci ildə ermənilərin yerli dinc əhaliyə qarşı törətdiyi soyqırımı ilə bağlı olduğu müəyyən edilib.
