Qafqaz Albaniyasının hökmdarı, görkəmli sərkərdə Cavanşir 616-cı ilin bu günü anadan olub. Azərbaycan xalqının bu qəhrəman oğlu uzun illər ərzində Girdman dövlətini xarici işğalçıların müdaxiləsindən qoruyub. Cavanşir ömrünün sonlarına yaxın Ərəbistana gedərək İslam dinini qəbul edib. (616-681)
1538-ci ilin 28 sentyabrında Yunanıstanın şimal-qərbindəki Prevezedə Barbaros Xeyrəddin Paşanın komandanlığı altındakı Osmanlı donanması Andrea Dorianın Xaçlı donanmasını məhv etdi.
Fransa ədəbiyyatının görkəmli nümayəndələrindən biri, yazıçı Prosper Merime (Prosper Mérimée) 1803-cü ilin 28 sentyabrında dünyaya gəlib. Sorbona Universitetnin hüquq fakültəsini bitirən, sonralar Fransa Akademiyasının üzvü olan yazıçının “IX Karl hökmdarlığının xronikası” romanı, “Mates Falkone”, “Tamanqo”, “Etruss kuzəsi”, “İkiqat səhv”, “Abbat Oben” və “Karmen” novellaları çox məşhurdur. Onun əsərləri əsasında musiqili komediyalar, operalar yazılıb, filmlər çəkilib. Prosper Merimenin elmi əsərləri, orta əsr memarlığı və dünya ölkələrinin tarixinə dair tədqiqatları da var. (1803-1870)
28 sentyabr 1773-cü ildə Rusiyada Yemelyan Puqaçovun rəhbərliyi ilə kəndli müharibəsi başlayıb. Puqaçovun Uralda (Yatski şəhəri) başladığı üsyan tezliklə geniş miqyas alıb. Hərəkatın genişləndiyini görən İmperatriçə II Yekaterina onun üzərinə qoşun hissələri göndərib. Üsyan yalnız 1774-cü ilin sonunda yatırıldı və 1775-ci ilin yanvarında Puqaçov və ən yaxın silahdaşları Moskvada edam edildilər.
28 sentyabr 1864-cü ildə İngiltərənin paytaxtı Londonda Beynəlxalq İşçilər Dərnəyi - Birinci İnternasional (I İnternational) quruldu.
Qazaxıstanın görkəmli yazıçısı Muxtar Auezov 1897-ci ilin bu günü dünyaya gəlib. Yaradıcılığında qazax tarixi və xalqın adət-ənənələrini parlaq şəkildə əks etdirən M.Auezovun “Abay” romanı daha çox məşhurlaşıb və dünya xalqlarının dillərinə tərcümə olunub. (1897-1961)
1871-ci il 28 sentyabrda Braziliyada qəbul olunan qanuna görə, kölə zəncilərin uşaqları doğulan gündən azad hesab edildi, amma eyni zamanda, onların 21 yaşa qədər öz sahiblərinə xidmət etməsi zəruri sayılırdı. Braziliyada quldarlıq yalnız 1888-ci ildə tamamilə ləğv edildi.
İtaliyanın dünyaşöhrətli kinoaktyoru Marçello Mastroyani (Marcello Mastroianni) 1923-cü ilin bu günü anadan olub. Əvvəllər əsasən kinokomediyalarda çəkilən aktyor sonralar tanınmış rejissorlar Fellini və Antonioninin filmlərində yaddaqalan obrazlar yaradıb və məşhurlaşıb. (1923-2002)
28 sentiyabr 1928-ci ildə Şotlandiyalı alim və həkim Aleksandr Flemminq penisillinin kəşfinə görə Nobel mükafatına layiq görülüb.
28 sentiyabr 1934-cü ildə məşhur fransız aktrisası, müğənni və model Bricit Bardo anadan olub. 1952-ci ildə ilk filmə çəkilən aktrisa sonrakı dörd il ərzində 17 ekran əsərində, xüsusilə də lirik melodramlarda rol alır. “Mən qadını gözləməkdən qorxuram” filmi isə ona dünya şöhrəti gətirir. Bu filmdən sonra Bardo bir çox tanınmış rejissorlarla işləyir. Kino karyerasına 1973-cü ildə son qoymasına baxmayaraq, onun yaratdığı obrazlar bu gün də sevilir. Dünya şöhrətli aktrisanın pərəstişkarları onun 75 illik yubileyinə hədiyyə olaraq Fransa tarixində ən böyük sərgi təşkil ediblər. Sahəsi 1000 kvadratmetrə çatan bu sərgidə Bricit Bardonun uşaqlıq illərindən tutmuş kino aləmində yaratdığı məşhur rollara kimi bütün həyat və yaradıcılığını əks etdirən minlərlə fotoşəkil sərgilənir.
1944-cü ilin bu günü İkinci Dünya Müharibəsinin gedişində Belqrad əməliyyatı başlandı: Üçüncü Ukrayna cəbhəsinin qoşunları almanların müdafiəsini yararaq Yuqoslaviyanın Xalq Azadlıq Ordusu ilə birlikdə Belqrad və SSRİ-nin şərq hissəsini azad ediblər.
Ərəb millətçiliyi ilə tanınan, Suriya ilə Birləşmiş Ərəb Dövlətini quran, 14 il Misirin dövlət başçısı olmuş Camal Əbdül Nasir 1970-ci ilin 28 sentyabrında ürək infarktından vəfat edib. (1918-1970)
1965-1986-cı illərdə Filippini idarə edən və ölkəsinin milyardlarla dollarını şəxsi mənfəəti üçün israf edən diktator Ferdinand Markos (Ferdinand Marcos) 1989-cu ilin bu günü ABŞ-ın Havay (Hawai) ştatında ölüb.
28 sentyabr 1994-cü ildə müasir dənizçilik tarixinin ən böyük gəmi qəzalarından biri baş verib. “Estoniya” gəmisinin Baltik dənizində batması nəticəsində 852 nəfər həlak olub.
28 sentiyabr 1995-ci ildə Fələstin Azadlıq Təşkilatının (FAT) lideri Yasir Ərəfatla İsrailin baş naziri İsxak Rabin Qərb Sahilinın Fələstinin tabeçiliyinə verilməsi üçün razılığa gəldilər.
2009-ci ildə Türkiyənin o zamankı baş naziri R.T.Ərdoğanın Davos zirvə toplantısında "Öldürməyə gəlincə, siz öldürməyi yaxşı bilirsiniz. Çimərliklərdəki uşaqları necə öldürmüsünüz, necə vurmusunuz, çox yaxşı bilirəm" sözləri ilə tənqid etdiyi İsrail prezidenti Şimon Peres 2016-cı ilin 28 sentyabrında ölüb. Qeyd edək ki, Davosdakı hadisə dünya tarixinə "One minute" adı ilə düşdü.
28 sentiyabr 2013-cü ildə Şabran rayonu ərazisində inşa edilən Taxtakörpü su anbarının açılışı olub. Sahəsi 8,71 kvadratkilometr olan Taxtakörpü su anbarının ümumi su tutumu 270 milyon kubmetrdir. Gil nüvəli torpaq bənd olan bu hidrotexniki qurğunun dibdə eni 754, hündürlüyü 142,5 metrdir. Bu, Avropada ən hündür torpaq bəndlərdən biridir.
