1520-ci il. Portuqaliyalı səyyah, tədqiqatçı Ferdinand Magellan tərəfindən Cənubi Amerikanı Antarktidadan ayıran boğaz kəşf edilib. Sonradan bu yer onun şərəfinə “Magellan boğazı” adlandırılıb. Güclü küləklər Magellanın gəmisini boğazın girişində olan buxtaya salır və gəmi heyəti üzərək boğazı keçir. Bununla Magellan tarixdə ilk dəfə Sakit okeanında üzən avropalı olur.
21 oktyabr 1805-ci ildə Horatio Nelsonun komandanlığı altındakı İngiltərə donanması Trafalqarda Napoleonun Birləşmiş Fransa-İspaniya Donanmasını məğlub etdi. Admiral Nelson bu müharibədə həlak oldu.
Tanınmış isveç ixtiraçısı və sənaye sahibkarı Alfred Nobel 1833-cü ilin bu günü andan olub. Daha çox tüstüsüz barıt, uğultulu-civəli kapsul-detanator və dinamitin ixtiraçısı kimi tanınan Alfred həm də soyadı ilə bağlı olan Nobel mükafatının təsisçisidir. Alfred Nobel London Kral Cəmiyyəti və İsveç Elmlər Akademiyasının üzvü idi. (1833-1896)
Osmanlı imperatorluğunun ilk xüsusi siyasi qəzeti olan “Tərcümani-Ahval” 1860-cı ilin 21 oktyabrından dərc olunmağa başladı.
21 oktyabr 1879-cu ildə dünya şöhrətli amerikalı ixtiraçı və sahibkar Tomas Edison közərmə elektrik lampası üzərində işlərini başa çatdırıb. Bu gün dünyanın bir sıra ölkələrində müasir dövrün tələbləri və işıq texnikasının inkişaf prioritetləri nəzərə alınaraq, közərmə lampalarının istehsalı və satışına qadağa qoyulub. Transmilli korporasiyalar elektrik enerjisinə qənaət və atmosferə karbon qazı tullantılarının azaldılması məqsədilə dünyanın bir çox ölkələrində közərmə lampalarının istehsalı və idxalının qadağan edilməsinə nail olublar. Bu lampaların isə elektrik enerjisinə qənaət edən lampalarla - kompakt lüminessent və işıq diodları ilə əvəz edilməsi tövsiyə olunur.
21 oktyabr 1915-ci ildə İlk transatlantik telefon rabitəsi Virciniya və Paris arasında quruldu.
XX əsr Azərbaycan poeziyasının görkəmli nümayəndələrindən biri, şair, tənqidçi və ölkənin müstəqilliyi uğrunda alovlu mübariz Xəlil Rza Ulutürk 1932-ci ilin bu günü dünyaya gəlib. 1988-ci ildən başlanan azadlıq hərəkatı Xəlil Rzanın ictimai fəaliyyətinin daha canlı və ən parlaq səhifələridir. ((1932-1994)
21 oktyabr 1935-ci ildə Adolf Hitlerin rəhbərlik etdiyi nasist Almaniyası Millətlər Cəmiyyətindən rəsmən ayrıldı.
21 oktyabr 1938-ci idə Yaponiya Çinin Kanton şəhərini işğal etdi.
21 oktyabr 1950-ci ildə Çin Tibeti işğal etdi.
21 oktyabr 1971-ci ildə Pablo Neruda Nobel Ədəbiyyat Mükafatını aldı.
21 oktyabr 1980-ci ildə Azərbaycan müğənnisi, Əməkdar Artist Nəzakət Məmmədova vəfat edib (1944-1980). O, opera müğənnisi kimi parlaq istedadını nümayiş etdirib. Müğənni “Rast”, “Qatar”, “Şahnaz”, “Segah” və digər muğamların, mahnı və təsniflərin mahir ifaçısı kimi tanınıb.
1985-ci ilin 21 oktyabrında alman jurnalisti və yazıçısı Qünter Valrafın (Günter Wallraff) türk işçisindən bəhs edən “Ən aşağıdakılar” (Ganz Undan) kitabı satışa çıxdı. Kitab almanların türklərə qarşı irqçi düşüncəsinə qarşı çıxmaqla geniş oxucu kütləsi qazandı.
21 oktyabr 1987-ci ildə montaj-qurğu işləri Türkiyədə həyata keçirilən F-16 təyyarəsinin ölkədə ilk uçuşu rəsmi mərasimlə göstərildi.
1999-cu ilin 21 oktyabrında Çeçenistanın paytaxtı Qroznının böyük ticarət mərkəzində tərədilən raket hücumunda 110 adam həyatını itirdi, 400 nəfər yaralandı.
