27 oktyabr 1449-cu ildə böyük özbək mütəfəkkiri, astronom və riyaziyyatçı, dövlət xadimi Məhəmməd Tarağay Uluqbəy vəfat edib (1394-1449). Əmir Teymurun nəvəsidir, atası Şahruxun ölümündən sonra Teymurilər dövlətinin başçısı olub. Uluqbəy rəsədxanasında tərtib edilən ulduz kataloqu uzun müddət dünyada ən mükəmməl astronomiya kataloqu olub. Uluqbəy özbək dilində şeirlər də yazıb.
27 oktyabr 1782-ci ildə İtalyan bəstəkarı, məşhur skripkaçı Nikkolo Paqanininin doğum günüdür (1782-1840).
27 oktyabr 1806-cı ildə Napoleon Bonapartın komandanlığı altında Fransa ordusu Berlini tutdu.
1922-ci ilin 27 oktyabr tarixindә İtaliyada Benito Mussolini rәhbәrliyindәki faşist qüvvәlәr Neapoldan Romayadәk yürüş edib. İki gün sonra Romaya çatan qüvvәlәr koalisiya hökumәtini devirdi vә rәhbәrliyi әlә keçirdi.
27 oktyabr 1924-cü ildə SSRİ-nin tərkibində Özbəkistan SSR yaradıldı.
27 oktyabr 1932-ci ildə bəstəkar, Azərbaycan musiqi tarixində ilk romansların müəllifi Asəf Zeynallı vəfat edib (1909-1932). Teatr tamaşalarına musiqi bəstələyib, “Uşaq süitası” əsəri ilə Azərbaycanda uşaq musiqisi repertuarının əsasını qoyub, bir sıra xalq mahnılarını nota alıb.
27 oktyabr 1971-ci ildə Konqo Demokratik Respublikasının adı dəyişdirilərək Zair oldu.
27 oktyabr 1978-ci ildə Misir prezidenti Ənvər Sadat və İsrail baş naziri Menaxem Begin Kemp-Devid razılaşmalarına görə Nobel Sülh Mükafatına layiq görüldülər.
27 oktyabr 1982-ci ildə Çin rəsmi olaraq əhalisinin sayının 1 milyardı keçdiyini təsdiqlədi.
1991-ci ilin 27 oktyabr tarixindә Türkmәnistan müstәqilliyini elan etdi vә keçirilәn seçkilәrdә Saparmurat Türkmәnbaşı ilk dövlәt başçısı seçildi.
2005-ci ilin 27 oktyabr tarixindә Parisdә Şimali Afrika mәnşәli iki müsәlman uşağın ölmәsi ilә aksiyalar başladı. Ölkәnin müxtәlif şәhәrlәrindә keçirilәn aksiyalarda 300 bina, 10 avtomobil yandırıldı, hәmçinin 130 nәfәr yaralandı.
27 oktyabr 2005-ci ildə Sloveniyada Mehdi Hüseynzadənin abidəsi açıldı.
27 oktyabr 2010-cu ildə Həştərxanda Azərbaycan xalqının ümummilli lideri Heydər Əliyevin abidəsinin açılış mərasimi olub. Azərbaycan Respublikasının Prezidenti İlham Əliyev mərasimdə iştirak edib.
2017-ci ilin 27 oktyabr tarixindә Hon Konqda istehsal edilәn vә yaşlılara yardım mәqsәdi ilә dizayn edilәn ‘‘Sophia’’ adlı robota Sәudiyyә Әrәbistanı vәtәndaşlıq verdi. ‘‘Sophia’’ vәtәndaşlıq alan ilk robot oldu.
