31 oktyabr 1517ci ildə Martin Lüter Vittenberq kilsəsində "Doxsan beş tezis"ini kilsə qapısına asaraq "cənnət qəbzləri"nə etirazını bildirdi.
31 oktyabr 1831-ci ildə Osmanlı imperatorluğu sərhədləri içində ilk türkcə qəzet olan “Takvimi-Vekayi” nəşrə başladı. Bu, daha çox rəsmi elanları verdiyi üçün Osmanlı dövlətinin ilk rəsmi qəzeti olaraq tarixə düşüb.
Tanınmış neftçi, Sosialist Əməyi Qəhrəmanı Ağa Nemətulla 1896-cı ilin bu günü Cənubi Azərbaycanın Sərab şəhərində anadan olub. 21 yaşından (1915) mədənlərdə işləyib. Qabaqcıl iş üsullarını tətbiq etmək və texnoloji prosesləri təkmilləşdirməklə neft quyularının qazılmasında rekord nəticələrə nail olan Ağa Nemətulla 1941-ci ildə Bibiheybətdə ilk dəfə turbin üsulu ilə quyu qazıb. Ağa Nemətullanın adına gəmi və Bakının keçmiş Sovetski məhəlləsində küçə var. (1896-1958)
Türkiyədə Kahramanmaraşda 1919-cu ilin 31 oktyabrında südçü İmam Fransa işğalçılarına qarşı ilk gülləni atdı.
31 oktyabr 1922-ci ildə İtaliyanın kralı Vittorio Emanuele tərəfindən Benito Mussolini ölkənin baş naziri təyin olundu.
SSRİ-nin tanınmış kino aktyoru Anatoli Papanov 1922-ci ilin 31 oktyabrında anadan olub. A.Papanov ömrünün son illərində canavarla dovşanın əhvalatlarından bəhs edən məşhur “Nu poqodi” (Bir dayan) cizgi film serialında canavarı səsləndirib. (1922-1987)
1925-ci il 31 oktyabr tarixində İranda Beşinci Məclis Qacar sülaləsinin devrilməsi haqqında qərar qəbul etdi.
31 oktyabr 1952-ci ildə Amerika Birləşmiş Ştatları Marşal adalarında ilk hidrogen bombasının sınağını keçirdi.
31 oktyabr 1956-cı ildə Böyük Britaniya və Fransa Misirin Süveyş kanalını milliləşdirməsinə cavab olaraq kanalın bombalanmasına başladılar. Dövrün Misir prezidenti Camal Əbdül Nasir Süveyş kanalını milliləşdirərək gəmi keçidlərini bağlayınca Misirlə İngiltərə və Fransa arasında böhran yaşandı. İngiltərə və Fransa kanalın təkrar açılması üçün güc tətbiq edərək 1956-cı ilin 31 oktyabrında Misiri bombaladılar.
1958-ci il 31 oktyabrda Moskva Yazıçılar İttifaqının ümumi iclasında şair və nasir Boris Pasternakın ittifaqdan xaric edilməsi, sovet vətəndaşlığından və ölkədən çıxarılması barədə qərar təsdiq olundu. Sonralar İtaliyada məskunlaşan Pasternak Nobel Mükafatına layiq görüldü.
31 oktyabr 1961-ci ildə Stalinin cənazəsi mavzoleydən çıxarılaraq dəfn edildi.
31 oktyabr 1984-cü ildə Hindistanın məşhur siyasi xadimi, ölkənin yeganə qadın Baş naziri İndira Qandi sui-qəsd nəticəsində qətlə yetirilib. İndira Qandi Dehlidə Nazirlər Kabinetinin binasında İngiltərədən onunla müsahibə götürməyə gələn dramaturq, aktyor və telejurnalist Peter Ustinovu qarşılayarkən öz mühafizəçiləri tərəfindən öldürülüb. 1917-ci ildə Hindistan dövlətinin qurucularından olan Cəvahirləl Nehrunun ailəsində dünyaya gəlib, 1966 və 1982-ci illərdə ölkənin ilk və bura qədər yeganə qadın baş naziri olub. İndira Qandi öz cangüdənləri - iki Sih mühafizəçisi tərəfindən 1984-cü ilin 31 oktyabrında qətlə yetirilib. (1917-1984) Sui-qəsddən sonra hindilər Sih mənşəli vətəndaşlara hücum etdilər: çıxan qarşıdurmalarda 2 min Sih öldü.
31 oktyabr 1989-cu ildə Turqut Özal Türkiyənin 8-ci prezidenti seçildi.
1991-ci il 31 oktyabrda Cövhər Dudayev başçısı olduğu Çeçenistan Muxtar Respublikasını Rusiyadan ayrı olaraq müstəqil dövlət elan etdi. Ancaq Rusiya prezidenti Boris Yeltsinçeçenlərin müstəqilliyini qəbul etmədi, bölgəyə ordu yeritdi.
31 oktyabrda məşhur İtaliya kinorejissoru və ssenari müəllifi Federiko Fellini xatırlanır. 22 yaşından (1942) kinoya gələn Felliniyə “Ağ şeyx”, “Ana uşaqları” və “Yol” filmləri dünya şöhrəti gətirib. “Kabiliyanın gecələri” və sonrakı filmlərində müasir Qərb dünyasının təzadları əks olunub. Federiko Fellininin filmləri beynəlxalq kino festivallarında yüksək mükafatlara layiq görülüb. (1920-1993)
31 oktyabr 2006-cı ildə Gəncə Beynəlxalq Hava Limanının açılış mərasimi keçirilib. Azərbaycan Respublikasının Prezidenti İlham Əliyev mərasimdə iştirak edib. Gəncədə aeroport ilk dəfə 1948-ci ildə tikilib və 1951-ci ildə istifadəyə verilib. Aeroportun uçuş-eniş zolağı yalnız orta tipli və hərbi təyyarələri qəbul edə bilirdi. Buna görə də aeroport 2006-cı ildə yenidən tikilib və həmin il ona beynəlxalq hava limanı statusu verilib. Sovet dövründə qurulmuş bütün avadanlıq tamamilə yeniləşdirilib. Yeni uçuş-enmə zolağı ağır tipli təyyarələri qəbul etməyə imkan verir.
