4 noyabr 1909-cu ildə İstanbul-Bağdad dəmir yolu çərçivəsində 9 ildə tikinti işləri tamamlanan Haydarpaşa vağzalı mərasimlə istifadəyə verildi.
4 noyabr 1922-ci ildə ingilis arxeoloq Hovard Karter və heyəti firon Tutankamonun qəbrini kəşf etdi. Eradan əvvəl 1323-cü ildə ölən gənc fironun qəbrinin qarətlənmədən kəşf edilməsi arxologiya sahəsində cığır açdı. Tutankamonun qızıl maskı başda olmaqla qəbirindən çıxarılan tarixi əsərlər (mumiyasını çıxmaqla) Qahirə muzeyində nümayiş etdirilir.
4 noyabr 1933-cü ildə Yunanıstan hökuməti Türkiyənin banisi Mustafa Kamal Atatürkün anadan olduğu Səlanikdəki evə xatirə lövhəsi qoydu. Lövhədə “Türk millətinin böyük inqilabçısı və Balkan birləşməsinin yol göstərəni Qazi Mustafa Kamal bu evdə anadan olub” yazılıb.
4 noyabr 1946-cı ildə BMT-nin təhsil, elm və mədəniyyət üzrə təşkilatı olan və 37 ölkənin qərarı ilə qurulan UNESCO-nun (United Nations Educational, Scientific and Cultural Organization) Nizamnaməsi qüvvəyə minib. UNESCO BMT-nin ən böyük xüsusiləşmiş qurumudur. Mənzil-qərargahı Parisdə yerləşir.
4 noyabr 1947-ci ildə Bolqarıstan Xalq Respublikası elan edildi.
4 noyabr 1956-cı ildə 23 oktyabrda başlayan macar üsyanının böyüməsi qarşısında Sovet tankları paytaxt Budapeştə girdi.
4 noyabr 1967-ci ildə Ostankino teleqülləsi istifadəyə verilib. Rusiyanın ən yüksək qurğusu sayılan, 540 metr hündürlüyü olan bu teleqüllənin dizaynı layihə mühəndisi Nikolay Nikitin tərəfindən bir gecədə düşünülüb. İstifadəyə verildiyi vaxt hündürlüyünə görə dünyada birinci yeri tutan Ostankino teleqülləsi hazırda səkkizinci sıradadır.
4 noyabr 1972-ci ildə Cümhuriyyət Xalq Partiyasının (CXP) 5-ci qurultayından sonra 34 ildir davam etdirdiyi CXP-nın sədrliyi vəzifəsindən ayrılan Türkiyənən 2-ci dövlət başçısı İsmət İnönü CXP-nın üzvlüyündən də istefasını verdi.
4 noyabr 1979-cu ildə İranda “İslam inqilabı qvardiyası”nın üzvləri ABŞ-nin Tehrandakı Səfirliyinə hücum edərək 53 amerikalını girov götürüblər. Onların tələbi ABŞ-də sığınacaq tapmış şah Məhəmməd Rza Pəhləvinin təhvil verilməsi idi. Vaşinqton bundan imtina etdi. Girovların azad edilməsi ilə bağlı danışıqlar bir ildən çox sürdü. 1980-ci ilin aprelində onların bir qismi azad edildi. Sonuncu girovlar 1981-ci il yanvarın 20-də, ABŞ-nin yeni prezidenti Ronald Reyqanın inauqurasiya günü azad edildi.
4 noyabr 1980-ci ildə Ronald Reyqan ABŞ Prezidenti seçildi.
4 noyabr 1995-ci ildə 73 yaşındakı İsrail baş naziri İtshak Rabin Fələstin ilə sülh müzakirələrini dəstəkləyənlərin keçirdiyi mitinqdən ayrılarkən ultra sağçı bir israilli tərəfindən silahla vurularaq öldürüldü.
4 noyabr 2004-cü ildə Corc Buş ikinci müddətə ABŞ Prezidenti seçildi.
4 noyabr 2008-ci ildə ABŞ ilk dəfə bir qara dərili prezident olaraq səçildi. Demokrat namizəd Barak Obama prezident seçildi. Obama ABŞ-ın 44-cü prezidenti oldu.
4 noyabr 2008-ci ildə Prezident İlham Əliyev ölkəmizdə kosmik sənayenin inkişaf etdirilməsi məqsədilə “Azərbaycan Respublikasında kosmik sənayenin yaradılması və telekommunikasiya peyklərinin orbitə çıxarılması haqqında” Sərəncam imzalayıb. Bu istiqamətdə həyata keçirilən uğurlu fəaliyyətin nəticəsi olaraq Azərbaycanın ilk telekommunikasiya peyki - “Azərspace-1” 2013-cü ildə, ikinci peyk “Azersky” isə 2014-cü ildə uğurla orbitə buraxılıb. Növbəti telekommunikasiya peykinin (“Azərspace-2”) 2017-ci ildə orbitə çıxarılması planlaşdırılır.
