1542-ci ilin 17 noyabrında Osmanlı padşahı Qanuni Sultan Süleyman Esterqon yürüşünə başladı. Bu yürüş zamanı Avstriya-Macarıstan İmperatorluğunun, Belqrad şəhəri və Esterqon başda olmaqla, bir çox qalası ələ keçirildi.
17 noyabr 1558-ci ildə İngiltərə kraliçası I Yelizaveta (I Elizabeth) taxta çıxdı və 45 il davam edən hökmdarlığı dövründə ölkəsini müstəmləkə imperatorluğu etdi.
1800-ci ilin bu günü Amerika Birləşmiş Ştatlarının konqresi (parlament) ilk dəfə olaraq öz iclasını ölkənin yeni paytaxtında – Vaşinqtonda, inşası hələ tamam başa çatmamış Kapitoliya binasında keçirdi. Qeyd edək ki, bugünkü gün həmin binada yerləşən konqresin ilk sessiyası 1789-cu ildə Nyu-Yorkda açılmışdı. Və məlumat üçün onu da bildirək ki, bundan sonra ABŞ-ın qanunverici orqanı 10 il Filadelfiyada fəaliyyət göstərdi.
İlk azərbaycanlı alim-cərrah, akademik Mirəsədulla Mirqasımov 1883-cü ilin bu günü dünyaya gəlib. Azərbaycanda tibb elminin əsasını qoyanlardan biri olan M.Mirqasımov Azərbaycan Elmlər Akademiyasının da ilk rəhbəri olub. 30 yaşında (1913) Novorossiyk Universitetinin tibb fakültəsini bitirən Mirəsədulla 3 il (1916-cı ilədək) Odessada həkim, daha sonra 13 il (1916-1929) Bakıda hərbi lazaretdə və Azərbaycan Dövlət Universitetinin tibb fakültəsində çalışıb. 1929-1958-ci illərdə hərbi xəstəxananın cərrahiyyə kafedrasının professoru və müdiri olan M.MirqasımovAzərbaycan dilində cərrahlığa dair ilk dərsliyin müəllifidir. (1883-1958)
1913-cü ilin 17 noyabr tarixində Panama kanalı gəmilər üçün açılmışdır.
1918-ci ilin 17 noyabr tarixində İngilis ordusu Ənzəlidən yola çıxaraq Bakıya daxil olmuşdur.
1918-ci il 17 noyabr tarixində General V.Tomsonun başçılıq etdiyi ingilis qoşunları Bakıya daxil olub. 5 minlik ingilis hərbi kontingenti 1919-cu ilin avqustunadək Bakıda qalıb.
1922-ci il 17 noyabr tarixində Sibir SSRİ-nin tərkibinə qatılmışdır.
Azərbaycanın görkəmli musiqi xadimi, Şərqdə musiqi ansamblının ilk qadın rəhbərlərindən biri, pianoçu-bəstəkar, alim-pedaqoq Gülarə Əliyeva 1933-cü ilin bu günü anadan olub. “Dan ulduzu” instrumental ansamblı onun təşəbübsü ilə 1967-ci ildə Azərbaycan Teleradio Verilişləri Komitəsində yaradılıb. Gülarə Əliyeva ömrünün sonunadək həmin ansamblın bədii rəhbəri olub. (1933 - 1991) “Dan ulduzu” ansamblı dünyanın müxtəlif ölkələrində Azərbaycan musiqisini uğurla təbliq və təmsil edib.
1941-ci il 17 noyabr tarixində ABŞ-da "Jeep" markalı avtomobillərin istehsalına başlanmışdır.
17 noyabr bütün dünyada Tələbələrin Beynəlxalq Həmrəyliyi Günü kimi qeyd olunur. Bu tarix 1941-ci ildə Londonda faşizmə qarşı mübarizə aparan tələbələrin görüşündə təsis edilib.
Camal Əbdül Nasirin başçılığı ilə Azad Zabitlər Hərəkatı 1952-ci ilin 17 noyabrında Misirin kralı I Fərruxu taxtdan çəkilməyə məcbur etdi. Sonra kral sürgünə göndərildi.
17 noyabr Azərbaycan Xalqının Milli Dirçəliş Günüdür. 1988-ci il noyabrın 17-də Azərbaycan Dövlət Universitetinin bir qrup tələbəsi o vaxtlar Leninin adını daşıyan indiki Azadlıq meydanında mitinqlərə başladı. 100 minədək adamın qatıldığı həmin mitinq 17 gün davam edən etiraz marafonunun başlanğıcı oldu. 17 noyabr 1988-ci il tarixi ilə Azərbaycan dövlətinin SSRİ-nin tərkibindən çıxaraq müstəqilliyini bərpa etməsinin əsası qoyuldu. Ona görə də 17 noyabr müasir Azərbaycan dövlətinin şanlı səhifəsidir.
1989-cu il 17 noyabrda Çexoslovakiyada "Məxməri inqilab" başladı. Hadisələr nəticəsində Çexoslovakyada kommunist hökuməti iqtidardan getməyə məcbur qaldı. Qeyd edək ki, o illərdə paytaxt Praqada toplanan tələbələrə polislərin ağır müdaxiləsinə cavab olaraq nümayişlər ölkənin digər şəhərlərinə yayılmağa başladı və inqilaba gətirib-çıxardı.
17 noyabr 1990-cı ildə Naxçıvan MSSR Ali Məclisinin yeni seçilmiş tərkibdə ilk iclası keçirilib. Deputat Heydər Əliyevin sədrliyi ilə keçən iclasda tarixi qərarlar qəbul edilib. Ali Məclisdə Azərbaycan Xalq Cümhuriyyətinin üçrəngli bayrağı qaldırılıb, muxtar respublikanın adından “Sovet Sosialist” sözləri çıxarılıb.
Fransada yanacaq qiymətlərinin artması və pis iqtisadi şərtlərə reaksiya olaraq paytaxt Parisdən başlayan, daha sonra E.Makron hökumətinə qarşı nümayişlərə çevrilən “sarı jiletlilər” hərəkatı 2018-ci ilin 17 noyabrında başladı.
