1497-ci il 22 noyabr tarixində Vasko da Qama Ümid burnuna çatdı.
1890-cı il 22 noyabr tarixində general Şarl de Qoll anadan olub (1890-1970). İkinci Dünya Müharibəsi illərində Ş.de Qoll Fransa Müqavimət hərəkatının rəmzi olub. 1959-1969-cu illərdə Fransa Respublikasının prezidenti olub.
22 noyabr 1906-cı ildə SOS təcili vəziyyət siqnalı ilk dəfə Alman hökumətində 1 aprel 1905-ci ildə qüvvəyə minməyə təklif olunmuş, Beynəlxalq Radioteleqraf Konvensiyası tərəfindən 3 oktyabr 1906-cı ildə qəbul olunmuş və 1 iyul 1908-ci ildə qüvvəyə minmişdir.
22 noyabr Azərbaycan Ədliyyə İşçiləri günüdür. Bu peşə bayramı Azərbaycan Prezidenti Heydər Əliyevin 11 noyabr 2000-ci il tarixli fərmanına əsasən qeyd edilir. Bayramın qeyd edildiyi tarix heç də təsadüfi seçilməyib: 1918-ci il noyabrın 22-də Azərbaycan Xalq Cümhuriyyətinin (AXC) Nazirlər Kabineti AXC Ədliyyə Nazirliyi haqqında Əsasnaməni təsdiq edib.
1922-ci il 22 noyabr tarixində görkəmli Azərbaycan bəstəkarı, pedaqoq, professor, SSRİ Xalq Artisti Fikrət Əmirov anadan olub (1922-1984). F.Əmirov simfonik muğam janrının banisidir (“Şur”, “Kürd Ovşarı”, “Gülüstan Bayatı-Şiraz” və s.). Onun əsərləri dünyanın bir sıra məşhur konsert salonlarında böyük uğurla ifa edilir.
1922-ci il 22 noyabr tarixində Azərbaycanın Xalq yazıçısı, Əməkdar İncəsənət Xadimi, Azərbaycan Dövlət Mükafatı laureatı Hüseyn Abbaszadə (1922-2007) anadan olub.
1927-ci il 22 noyabr tarixində İran Fars körfəzindəki Bəhreyn adalarına iddia irəli sürdü.
1933-cü il 22 noyabr tarixində Azərbaycanın tanınmış kinorejissor və operatoru, Azərbaycanın Xalq Artisti Rasim Ocaqov anadan olub (1933-2006). R.Ocaqov gəncliyində geoloq olmaq arzusunda idi. Lakin “Azərbaycanfilm” kinostudiyasının çəkiliş qrupunun Ocaqovun doğma Şəki şəhərinə gəlişi onu peşə seçimini dəyişməyə məcbur etdi. “Onun böyük ürəyi”, “Bir məhəlləli iki oğlan”, “Mən rəqs edəcəyəm”, “Bir cənub şəhərində”, “Əsas müsahibə”, “İstintaq” (bu film SSRİ Dövlət mükafatına layiq görülüb) filmlərini Rasim Ocaqov çəkib.
1938-ci il 22 noyabr tarixində Azərbaycanın populyar aktyoru, Azərbaycanın Xalq Artisti Həsən Məmmədov anadan olub (1938-2003). Əsgər (“Arşın mal alan”), Murad (“Bir cənub şəhərində”), Bəxtiyar (“Yeddi oğul istərəm”), Balaş (“Sevil”), Abbasqulu bəy (“Axırıncı aşırım”), Oqtay (“Gün keçdi”), Dədə Qorqud (“Dədə Qorqud”), Murad (“İstintaq”) - Həsən Məmmədovun yaratdığı bu və bir sıra başqa obrazlar Azərbaycan kino tarixində layiqli yer tutur.
22 noyabr 1940-cı ildə Türkiyə hökuməti İkinci Dünya müharibəsinin Balkanlara yayılması qarşısında İstanbul, Kocaeli və Trakya vilayətlərində fövqəladə vəziyyət elan etdi.
1943-cü il 22 noyabr tarixində Ruzvelt, Çörçill və Çan Kayşi Qahirədə Yaponiyaya qarşı hücum planını razılaşırdılar.
1949-cu il 22 noyabr tarixində Azərbaycan SSR Ali Sovetinin qərarı ilə Sumqayıta şəhər statusu verilib. Bu şəhərin əsası 1938-ci ildə Xəzər sahilində istilik elektrik stansiyası tikintisindən başlanıb. 1941-ci ildə şəhərin tikintisində fasilə yaranıb və bu işlər yalnız 1944-cü ildə, Böyük Vətən Müharibəsinin sonunda bərpa edilib.
1960-cı il 22 noyabr tarixində ilk "Zaporojets" avtomobili konveyerdən çıxdı.
22 noyabr 1963-cü ildə ABŞ-ın 35-ci Prezidənti Con Kennedi (1917-1963) öldürülüb. Con Kennedi Texas ştatının Dallas şəhərinə səfər vaxtı şəhərin mərkəzi küçələrindən birində özünün açıq limuzinində gedərkən snayper tüfəngindən açılmış atəşlə ölümcül yaralanıb. Prezident dərhal xəstəxanaya çatdırılıb, lakin həkimlərin səylərinə baxmayaraq onu xilas etmək mümkün olmayıb.
22 noyabr 1968-ci ildə Türkiyədə ilk ürək köçürülmə əməliyyatı Ankarada Dr. Kamal Bəyazid tərəfindən həyata keçirildi. Ancaq Maviş Karakurt adlı xəstə 18 saat yaşaya bildi.
22 noyabr 1975-ci ildə monarxiya İspaniyaya geri gəldi. Don Xuan Korlas İspaniya kralı oldu.
1989-cu il 22 noyabr tarixində Müstəqillik bayramı zamanı təşkil edilən terror aktı nəticəsində Livan Prezidenti Röne Muavad və onun əhatəsindəki 11 nəfər həlak oldu.
1990-cı il 22 noyabr tarixində11 illik hakimiyyətdən sonra Böyük Britaniyanın baş naziri Marqaret Tetçer istefa verdi.
2004-cü il 22 noyabr tarixində Ukraynada "narıncı inqilab" başladı.
22 noyabr 2005-ci ildə Angela Merkelə parlamentdə etimad göstərilərək Almaniyanın ən gənc, Şərqi Almaniya mənşəli və ilk qadın kansleri oldu.
22 noyabr 2017-ci ildə Beynəlxalq Cinayət Məhkəməsi “Bosniya qəssabı” ləqəbli bosniyalı serblərin komandanı Ratko Mladiçə Srebrenitza qətliamında günahkar qəbul edərək ömürlük iş kəsdi.
