28 noyabr 1520-ci ildə dünya coğrafiya tarixinə yeni okeanın – Sakit okeanın adı düşüb. Portuqaliyalı dəniz səyyahı Fernan Magellan Avropadan Amerikaya səfəri zamanı Cənubi Amerika sahillərindən keçərək yeni okeana çıxıb və onu Sakit okean adlandırıb.
28 noyabr 1578-ci ildə Ağsu çayı sahilində, Mollahəsən kəndi yaxınlığında Səfəvi qoşunları ilə Osmanlı dövlətinin müttəfiqi, Krım xanı Adil Gərayın qoşunları arasında döyüş olub. Səfəvi qüvvələri qalib gəlib. Krım xanı yaralanaraq əsir düşüb, onun qoşun hissələri isə Osmanlının nəzarətindəki Dərbəndə geri çəkilib. Lakin sonrakı hərbi əməliyyatlar Osmanlının üstünlüyü ilə keçdi və müharibə Səfəvilərin Şimali Azərbaycanı itirməsi ilə (1590) nəticələndi.
1893-cü il 28 noyabr tarixində dünyada ilk dəfə olaraq Yeni Zelandiyada qadınlar seçkilərdə iştirak ediblər. Avropada isə qadınlara seçki hüququnu verən ölkələr sırasında ilk yerləri Norveç, Finlandiya və İslandiya tutur.
1909-cu il 28 noyabr tarixində Fransa hökuməti doğuş keçirən qadınlara 8 həftə ödənişsiz məzuniyyət hüququ verdi.
28 noyabr 1912-ci ildə Albaniya Osmanlı imperiyasından (1479-cu ildən onun tərkibində idi) müstəqilliyini elan edib. Osmanlı Balkan müharibəsində (1911-1912) məğlub olandan sonra, digər Albaniya üzərində də nəzarəti itirmişdi. Albaniya tezliklə İtaliyanın nəzarətinə düşdü.
1938-ci il 28 noyabr tarixində Mustafa Kamal Atatürkün tarixi vəsiyyətnaməsi açıqlanıb. Vəsiyyətnaməyə əsasən Atatürk pulunu, Çankayadakı mülkünü Cümhuriyyət Xalq Partiyasına bağışlayıb. O, pulunun faizindən yaxınlarına, mənəvi övladlarına aylıq məbləğin, İsmət İnönünün övladlarına isə ali təhsil haqqı ödənişi kimi müəyyən vəsaitin verilməsi şərtini qoyub. Atatürk faizdən gələcək vəsaitin qalan hissəsinin isə hər il Türk Dil və Tarix idarələri arasında bölünməsini vəsiyyət edib.
1943-cü ilin 28 noyabr tarixindә Amerika Birlәşmiş Ştatlarının prezidenti Ruzvelt İngiltәrә baş naziri Çerçil vә SSSRİ-nin lideri Stalin Tehran zirvә toplantısında bir araya gәliblәr. Zirvә görüşü üç gün davam edib.
1958-ci il 28 noyabr tarixində Çad, Konqo, Qabon, Mali, Mavritaniya və Seneqal müstəqilliklərini elan etdilər.
28 noyabr 1960-cı ildə Fransanın Şimali Afrikadakı müstəmləkəsi (1920-ci ildən) olan Mavritaniya müstəqilliyini elan edib, Mavritaniya İslam Respublikası yaranıb.
1969-cu il 28 noyaabr tarixində İtaliyada boşanma qanuniləşdirildi.
1977-ci ilin 28 noyabr tarixindә Yeni Zelandiyadan Antarktidaya uçan sәrnişin tәyyarәsi Ros adası yaxınlığında qәzaya uğrayıb. Qәza nәticәsindә 257 nәfar hәlak olub.
28 noyabr 1989-cu ildə SSRİ Ali Soveti “Dağlıq Qarabağ Muxtar Vilayətində vəziyyətin normallaşdırılması tədbirləri haqqında” qərar qəbul edib. Sənədə əsasən, Dağlıq Qarabağda Xüsusi İdarə Komitəsi (1989-cu il yanvarın 12-də yaradılmışdı) əvəzinə Respublika Təşkilat Komitəsi yaradılıb. DQMV üzrə Təşkilat Komitəsinin rəhbəri vəzifəsinə Azərbaycan KP MK-nın 2-ci katibi Viktor Polyaniçko təyin edilib. Bakının formal tabeçiliyində olsa da, bu qurum da Moskvanın nəzarətində fəaliyyət göstərirdi.
2002-ci ilin 28 noyabr tarixindә Türkiyәli sair Melih Cevdet Anday 87 yaşında İstanbulda vәfat edib.
2002-ci ilin 28 noyabr tarixindә Keniyada israillilәrә aid bir otelә Әl-Qaidәyә üzv terrorçular tәrәfindәn tәşkil edilәn hücum nәticәsindә 12 nәfәr hәlak olub.
